যিশাইয় 59:21 - Chakma Bible

²¹ তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিশাইয় 59:21 ပူးပေါင်းရင်းမြစ်များ

গীতসংহিতা 119:43

তর্ সত্যর্ কধানি তুই মঅ মুয়োত্তুন্ এক্কুবারে কাড়ি ন-নেযেচ্, কিত্তে তর্ সুদোমানি উগুরে মুই আজা গুরি আগং।

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

গম্ উপদেজ্ 7:3

তঅ আঙুলুনোত্ সিয়েনি বানি রাগা, তঅ মনঅ খাতাদ্ সিয়েনি লিগি রাগা।

যিশাইয় 40:8

ঘাস শুগেই যায় আর ফুল্অ ছিনি পড়ে, মাত্তর্ আমা গোজেনর্ কধা জিংকানিবর্ থেবঅ।”

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 51:16

মুই তমা মুয়োত্ মঅ কধানি দুয়োং আর মঅ আঢ ছাবাগান্দোই তমারে ঢাগি রাগেয়োং। মুয়ই আগাজ্‌‍‌চানরে তা জাগানত্ রাগেয়োং আর পিত্‌‍‌থিমীর গড়াগান গাড়েয়োং। মুই সিয়োনানরে কোইয়োং, ‘তুই মঅ মানুচ্।’ ”

যিশাইয় 54:10

যুনিয়ো বা মুড়োমুড়িগুন্ সুরি যান্ আর মুড়োগুন গুলি যান্, তো তত্তে মর্ অমকদ কোচ্‌পানাগান সুরি ন-যেবঅ বা মর্ সুগ্-শান্দির সুদোমান ন-লুরিবো‍‌।” তঅ উগুরে যিবের্ দোয়্যে-মেয়্যে আঘে সেই লগেপ্রভু এ কধাগান কত্তে।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিশাইয় 57:19

সেক্কে তারা কবাক্, ‘কায়কুরে আর দূরো বেক্কুনোর ভালেদি ওক্।’ মুই লগেপ্রভু কঙত্তে, মুই তারারে গম্ গুরিম।”

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যোহন 1:33

মুই তারে ন-চিনিদুং, মাত্তর্ যে মরে পানিত্ বাপ্তিষ্ম দিবাত্তে পাধেয়্যে তেয়ই মরে কোই দিয়্যে, ‘যা উগুরে পবিত্র আত্মারে লামি এইনে থাদে দেগিবে, তেয়ই সে মানুচ্চো যিবে পবিত্র আত্মালোই বাপ্তিষ্ম দিবো।’

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 7:39

যীশু উগুরে বিশ্বেজ্ গুরিনে যিগুনে পবিত্র আত্মাগানরে পেবাক্ সেই পবিত্র আত্মাগান পৌইদ্যেনে যীশু এ কধাগান কলঅ। পবিত্র আত্মাগানরে সেক্কেয়ো দিয়্যে ন-অয় কিয়া সেক্কেয়ো যীশু তা মহিমাগান্ ফিরি ন-পায়।

যোহন 8:38

মুই মঅ বাবা ইধু যিয়েনি দেক্ক্যং সে পৌইদ্যেনে কং, আর তুমি তমা বাবত্তুন্ যিয়েনি শুন্ন্য সিয়েনি গুরি থাগঅ।”

রোমীয় 11:27

মুই যেক্কে তারার্ পাপ্‌‌পানি দূর্ গুরিম সেক্কে ইয়েনই অবঅ তারাত্তে মর্ বর্ পেইয়্যে বেবস্থা।

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

২ করিন্হীয় 3:8

যুনি এ বেবস্থাগানর্ ফলে এদক মহিমাভরা ওই পারে, সালে পবিত্র আত্মার্ কামর ফল কি আরঅ মহিমাভরা ন-অবঅ?

ইব্রীয় 10:16

প্রভু কইদ্যে, “যেরেদি মুই তারাত্যে যে বেবস্থাগান থিদেবর্ গুরিম সিয়েন অলঅ, মর্ রীদি-সুদোমানি মুই তারা রিবেঙত্ রাগেম আর তারা মন ভিদিরে সিয়েনি লিগি রাগেম।”