যিশাইয় 59:17 - Chakma Bible

¹⁷ তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

যিশাইয় 59:17 ပူးပေါင်းရင်းမြစ်များ

ইয়োব 29:14

সততাগানরে মুই কাবড় ধোক্ক্যেন উরিদুং, আর সততাগানে মরে তা মোক্ক্যেন্দি রাগেদ;

গীতসংহিতা 69:9

তঅ ঘরানত্তে মর্ যে গভিন কোচ্‌পানা, সেই কোচ্‌পানাগানে মঅ মনানরে জ্বালেয়্যে। যিগুনে তরে অগমান গরন্ তারার বেক্ অগমানানি মঅ উগুরে পোজ্যে।

গীতসংহিতা 94:1

ও লগেপ্রভু, অন্যেয়র্ সাজা দিবার অধিকারী গোজেন, ও অন্যেয়র্ সাজা দিবার অধিকারী গোজেন, তর্‌ পহ্‌রান ফগদাং ওক্।

যিশাইয় 11:5

সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 37:32

বাঁজি থেইয়্যে মানুচ্চুনে যিরূশালেমত্তুন্ এবাক্ আর সিয়োন মুড়োবোত্তুন্ এবাক্ রোক্ষ্যে পেইয়্যে একদল মানুচ্। বেগত্তুন্ খেমতাবলা লগেপ্রভুর আওজ্‌‌‌চানে ইয়েনি গুরিবো।‌

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিশাইয় 63:2

আংগুর মাড়িবার গাদত্ যে মানুচ্চো আংগুর মাড়ে তা ধোক্ক্যেন তর্ পোজাক্কান রাঙা কিত্তে?

যিশাইয় 63:3

“মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

সখরিয় 1:14

সেনত্তে সেই স্বর্গদূত্‌‌‌‌তো মরে কলঅ, “তুই এই কধাগান ফগদাং গর্ যে, বেগত্তুন খেমতাবলা লগেপ্রভু কোইয়্যেদে, ‘যিরূশালেমত্তে, অত্তাৎ সিয়োনত্তে মর্ মনত্ অমকদ জ্বলের্।

যোহন 2:17

সেক্কে পবিত্র বোইবোত্ লেগা এ কধাগান্ তা শিচ্চ্যগুনোর্ ইদোত্ উদিলো: তঅ ঘরানত্যে মর্ যে অমকদ কোচ্‌পানা, সে কোচ্‌পানাগানই মঅ মনানরে জ্বালেই তুলিবো।

২ করিন্হীয় 6:7

সত্যগান্ ফগদাঙত্যে আর গোজেনর্ খেমতালোই আমি প্রমাণ দিত্তে যে, আমি গোজেনর্ সেবাগুরিয়্যে। আরঅ দ্বি আঢে ন্যায়র্ অাত্যের্ তুলি লোইনে আমি প্রমাণ গুরিত্তে, আমি গোজেনর্ সেবাগুরিয়্যে।

ইফিষীয় 6:14

ইয়েনত্যে সত্যলোই কমর্ বানিনে, বুগ্ রোক্ষ্যে গুরিবাত্যে গম্ জিংকানিলোই বুগ্‌কো ঢাগিনে,

ইফিষীয় 6:17

মাঢাগুন্ রোক্ষ্যে গুরিবাত্যে গোজেনর্ দিয়্যে উদ্ধোর্ মাঢাত্ দিইনে পবিত্র আত্মার্ ছুরি, অত্তাৎ গোজেনর্ কধানি মানি লঅ।

১ থিষলনীকীয় 5:8

মাত্তর্ আমি দিনোর মানুচ্‌; সেনত্যে বুক্ রোক্ষ্যে গুরিবাত্যে বিশ্বেজ্ আর কোচ্‌পানালোই বুক্ ঢাগিনে আর মাধা রোক্ষ্যে গুরিবাত্যে উদ্ধোরর্ নিচ্চয়তা মাধাত্ দিইনে এজঅ, আমি নিজোরে দোঙেই রাগিই।

ইব্রীয় 10:30

আমি তারে কোই পারিই যিবে কোইয়্যে, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।” তে আরঅ এক জাগাত্ কোইয়্যে, “প্রভুই তার্ মানুচ্চুনো উগুরে ন্যায়বিচের্ গুরিবো।”

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।