যিশাইয় 58:8 - Chakma Bible

⁸ সালে তমা পহ্‌রান বেন্যে মাদান ধোক্ক্যেন ফগদাং অবঅ‍ আর যাদিমাদি তুমি গম্ অবা; তমা সততাগানি তমা আগে আগে যেবঅ আর মর্ বাঈনী গরানাগান্ তমা পিজে পিজে রোক্ষ্যে গুরিয়্যে অবঅ।‌

যিশাইয় 58:8 ပူးပေါင်းရင်းမြစ်များ

ইয়োব 11:17

তঅ জিংকানিগান্‌ অবদে দ্বিবুজ্যেত্তুন্‌‌অ বেশ্‌ জোক্‌জোক্যে আর আন্ধারান্‌ অবদে বেন্যেমাদান ধোক্ক্যেন্।

গীতসংহিতা 112:4

যে মনেদি দোল্ তাত্তে আন্ধারত্‌অ পহর্ দেগে, কিত্তে তে দোয়্যে-মেয়্যেলোই ভরা আর গম।

গীতসংহিতা 37:6

তেয়ই তর্ ধার্মিকতাগানরে পহর্ ধোক্ক্যেন ফোট্‌‌ফোট্যে গুরিবো; তর্ ন্যায় কামানরে দিবুজ্যে রোদো ধোক্ক্যেন সাব্ গুরিবো।

গীতসংহিতা 85:13

ন্যায়য়ানে তার আগ্ মলিম যেবঅ; সে পরেন্দি টেঙর্ চিহ্নোগানে আদিবার পথ্‌তান গুরি দিবো।

গীতসংহিতা 97:11

গোজেন ভক্তগুনোর্ জিংকানিত পহর্ দিয়্যে অয়, আর যিগুনোর মনানি দোল্ তারার জিংকানিত্ হুজি দিয়্যে অয়।

যাত্রা 14:19

সেক্কে গোজেনর্ দূত্‌‌তো যিবে ইস্রায়েলীয়গুনোর দলর্‌ আগে আগে যাল্লোই তে ঘুরিনেই তারার্‌ পিজে পিজে গেলগোই। মেঘর্‌ আন্দলান্ তারার্‌ মুজুঙেত্তুন্‌ পিজেদি সুরি যেইনে ইস্রায়েলীয় আর মিসরীয়গুনোর্‌ দলর্‌ সংমোধ্যে গেলঅ‌। সেক্কে মিসরীয়গুনোর্‌ ইন্দি মিগিলো ওই গেল আর আন্ধারত্‌ ঢাক্কে আর ইস্রায়েলীয়গুনোর্‌ ইন্দি রেদোত্অ পোট্‌‌পোট্যে পহ্‌র ওই গেল। ইয়েনত্যেই পুরো রেত্তো ভিদিরেয়ো মিসরীয়গুনে ইস্রায়েলীয়গুনো ইধু এই‌ ন-পারিলাক্।

গম্ উপদেজ্ 11:17

দোয়েলু মান্‌জ্যে নিজোর উপকার গরন্, মাত্তর্ চিৎনপুজ্যে মান্‌জ্যে নিজোর ক্ষতি গরন্,

গম্ উপদেজ্ 11:25

যে খুলো আঢে দান গরে তার ভালেদি অয়; যে অন্যরে সাহায্য গরে তে নিজেয়ো সাহায্য পায়।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 26:2

তুমি গেট্‌তুন খুলি দুয়ো‌ যেনে গম্ আর বিশ্বেজি সে জাদ্‌তো সোমেই পারে।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 33:24

সিয়োনত্ বজত্তিগুরিয়্যে কনজনে ন-কবাক্, “মুই অসুগ্।” যিগুনে সিয়েনত্ বজত্তি গরন্ তারার পাপ্‌‌পানি খেমা গরা অবঅ।

যিশাইয় 52:12

মাত্তর্ তুমি যাদিমাদি গুরি নিগিলি ন-এচ্চ্য বা ধেইয়ো ন-এবা, কিত্তে লগেপ্রভু তমা আগে আগে যেবঅ; ইস্রায়েলর গোজেনে তমারে পিজেন্দিত্তুন্ রোক্ষ্যে গুরিবো।

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

যিশাইয় 60:1

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

যিশাইয় 60:2

চঅ, পিত্‌থিমীগান আন্ধারে নাঢা যেইয়্যে ‌‌ আর জাদ্‌তুনো উগুরে এচ্চ্যে ঘুর্‌‌‌‌গুজ্যে আন্ধার, ‌ মাত্তর্ লগেপ্রভু তঅ উগুরে পহ্‌‌‌র দিবো আর তার মহিমাগান তঅ উগুরে ফগদাং অবঅ।

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিরমিয় 30:17

মাত্তর্ তো মুই তর্ কিয়্যেগান ফিরেম্ আর তঅ ঘা গান গম্ গুরি দিম।’ ”

যিরমিয় 33:6

তো মুই ইয়েন্দোই স্বাস্থ্য আর সুস্থতা আনিম; মঅ মানুচ্চুনোরে মুই গম্ গুরিম আর সত্যর্ সুগ্-শান্দি অমকদগুরি পেবাত্তে দিম।

হোশেয় 14:4

লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”