যিশাইয় 58:6 - Chakma Bible

⁶ আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

যিশাইয় 58:6 ပူးပေါင်းရင်းမြစ်များ

২ বংশধর 10:11

তঅ বাবে তারা উগুরে যে গুয়োর্‌ জুঙোলান্‌ চাপি দিয়্যে সিয়েন্‌ তুই আরঅ গুয়োর্‌ গুরিবে। তঅ বাবে তারারে মাজ্যেদে চাবুক্কোই তুই তারারে মারিবেদে কাঙারা-বিজেলোই।”

২ বংশধর 28:11

ইক্কিনে তুমি মঅ কধাগান শুনো। তমা জাদ্‌-ভেইয়ূনো ভিদিরেত্তুন্‌ যিগুনোরে তুমি বানিনে আন্য তারারে তুমি ফেরৎ পাধেই দুয়ো, কিত্তে লগেপ্রভুর দর্‌গরেপারা রাগকান্‌ তমা উগুরে আঘে।”

গম্ উপদেজ্ 24:11

যিগুনোরে মরণ ইন্দি নেযা অর্ তারারে উদ্ধোর্ গর্; যিগুনে টল্‌তে টল্‌তে জবাই ওই যাদন্ তারারে রোক্ষ্যে গুরিবাত্তে অস্বিগের্ ন-গুরিচ্।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 58:9

সেক্কে তুমি তবনা গুরিলে মুই জোব্ দিম; তুমি সাহায্যত্তে ডাগিলে মুই কোম্, এইয়্যে দঅ মুই। যুনি তুমি তমাত্তুন্ অত্যেচারীগুনোর জুঙোলানি, ঠাট্টা মজ্‌‍‌কারি আর ইংসেমুলক্ কধাবাত্তানি ছাড়ি দুয়ো,

যিরমিয় 22:3

লগেপ্রভু কোইয়্যেদে, ‘যিয়েন ন্যায্য আর ঠিগ্ তুমি সিয়েনই গরঅ। যিবেরে লুদো ওইয়্যে তারে তা অত্যেচারিগুনোর আঢত্তুন উদ্ধোর গরঅ। বিদেশী, মা-বাপ নেইয়্যে আর রানিমিলেগুনো উগুরে কনঅ অন্যেয় বা অত্যেচার ন-গোজ্য আর এ জাগাত্ নিদ্দুযির্ লো ন-ঝোরেয়ো।

যিরমিয় 50:33

বেগত্তুন্ খেমতাবলা লগেপ্রভু কোইয়্যেদে, “ইস্রায়েল আর যিহূদার মানুচ্চুনে অত্যেচারিত অদন্। যিগুনে তারারে ধোজ্যন্ তারা বেক্কুনে তারারে দরমর গুরি ধুরি রাগেয়োন, তারারে যেবাত্তে ন-দের্।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

যোনা 3:8

মানুচ্ আর য়েমানে বস্তা পাদা পিনোদোক্। পত্তিজনে বেক্ বলান্দোই গোজেনরে ডাগোদোক্ আর ভান্ন্যেই পথ আর কুজুরোমীর্ কামানি ছাড়ি দেদোক্।

প্রেরিত্‌ 8:23

মুই দেগঙর্, তঅ মনান্ লুভে ভরা আর তুই পাপ ইধু বন্দী ওই আঘচ্।”

১ তীমথিয় 6:1

যে চাগরুনোর্ জদবদে কাম্ গরা পড়ে তারা বেক্কুনে তারার্ গিরোজ্‌চুনোত্তুন্ সর্মান পেবার যগাজ্জ্যে বিলি মনে গোরোক্, যেন কেঅ গোজেন নাঙর্ আর আমা শিক্ষ্যেনির্ নিন্দে গুরি ন-পারন্।