যিশাইয় 58:5 - Chakma Bible

⁵ মুই কি এবাবোত্যে উবোস্ থানাগান্ চেইয়োং? তমার্ উবোস্ থানাগান দঅ বানা নিজোরে দুঘ্ দেনা; সিয়েন বানা নল-খাগাড়া ধোক্ক্যেন মাঢাবো লোঙেয়্যে আর বস্তা ফাদা আহ্ ছেইয়ো উগুরে পড়ি থানা। ইয়েনরে কি তুমি উবোস্ থানা আর লগেপ্রভুর দোয়্যে দেগেবার দিন কঅ?

যিশাইয় 58:5 ပူးပေါင်းရင်းမြစ်များ

২ রাজাবলী 6:30

মিলেবোর্‌ কধানি শুনিনে রাজা তা পোজাক্কানি ফাদি ফেলেল। তে সেক্কেয়ো দেবাল উগুরেন্দি আদের্‌। সেক্কে মানুচ্চুনে দেগিলাক্‌, তার্‌ পোজাক্কানি ভিদিরে তে বস্তার্‌ সিলুম্‌ উরি আঘে।

২ বংশধর 20:3

সেক্কে যিহোশাফটে দোরেইনে ঠিগ্‌ গুরিলোদে, তে লগেপ্রভু ইদু বল্‌ চেবঅ। তে যিহূদা দেজর্‌ পুরো জাগানিত্‌ উবোজ্‌ বিলিনে জানেই দিলো।

ইষ্রা 10:6

সে পরেদি ইষ্রা গোজেনর্ ঘর মুজুঙোত্তুন্ ইলীয়াশীবর পুয়ো যিহোহাননর ঘুদিবোত্ গেলঅ। তে সিয়েনত্ হানা বা পানি কিচ্ছু ন হেলঅ, কিত্যে বন্দীদযাত্তুন্ ফিরি এচ্চ্যে মানুচ্চুনোর অবিশ্বেজত্যে তে আবিলেচ্ গুরিলো।

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

ইষ্টের 4:3

পত্তি চাগালাত্‌ যিয়েনত্‌ রাজার কধাগান আর উগুমান লুমিলো সিয়েনত্‌ যিহূদীগুনো ভিদিরে আবিলেচ্‌, উবোস্, কানাকুদি আর বিলেপ্‌ গরা ধুরিলাক্‌। কয়েকজনে বস্তা ফাদা উরিনে ছেইয়ো উগুরে পড়িলাক্‌।

ইয়োব 2:8

সেক্কে ইয়োবে ছেইয়োর সংমোধ্যে বজিনে সার্‌ভাঙালোই নিজো কিয়্যেগান্‌ ঘজা ধুরিলো।

গীতসংহিতা 69:13

মাত্তর্ ও গোজেন, যে সময়োত্ তর দোয়্যে পাহ্ যায় মুই সেই অক্তত্ তইদু তবনা গরঙর্; ও গোজেন, তর্ অমকদ কোচ্‌পানালোই তর্ উদ্ধোর গুরিবার বিশ্বেজ্‌চান্ দেগেইনে মরে জোব্ দে।

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 58:3

তারা কন্, আমি উবোস্ থেইয়্যেই আর তুই সিয়েন ন-চেলে কিত্তে? আমি দুঘ্ স্বিগের্ গোজ্যেই আর তুই সিয়েন খিয়েল্ ন-গুরিলে কিত্তে? মাত্তর্ চঅ, তমা উবোস্ থেবার দিন্নোত্ তুমি দঅ নিজোরে বুঝেই রাগঅ, আর তমার বেক্ কামগুরিয়্যেগুনো উগুরে অত্যেচার গুরি থাগঅ।

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

লেবীয় 16:29

ইয়েনর্ পরেদি যিয়েন্‌ কঙর্‌ সিয়েন্‌ তমাত্তে এক্কান্‌ থিদেবর ‍সুদোম ওই থেবঅ। বজরর্‌ সাত্‌ মাজর্‌ দশ দিনোত্‌ তুমি বেক্কুনে নিজোর্‌ মনানি ভাঙিচুরি দুঘ্ স্বীগের্‌ গুরিবা। সে দিনোত্‌ কনঅ কাম্‌ গরানা ন-চুলিবো। ইস্রায়েলীয় ওক্‌ কিম্বা ইস্রায়েলীয়গুনোর্‌ ভিদিরে বজত্তি গোজ্যে অন্য জাদর্‌ মানুচ্‌ ওক্‌, বেক্কুনোত্তুন্‌ সিয়েন্‌ মানা পুরিবো,

লেবীয় 16:31

এ দিন্নো অবঅ তমার কামত্তুন্‌ জিরেবার্‌ দিন। এ দিনোত্‌ তুমি বেক্কুনে নিজোর্‌ মনানিরে ভাঙিনে দুঘ্ স্বীগের্‌ গুরিবা। ইয়েন্‌ অবঅ এক্কান্‌ থিদেবর্ গোজ্যে ‍সুদোম।

সখরিয় 7:5

“তুই দেজর্ বেক মানুচ্চুনোরে আর ধর্মগুরুগুনোরে কঅ, ‘তুমি গত সত্তুর্ বজর সং পাচ্ আর সাত মাসত্ যে আবিলেচ্ গরর্ আর উবোস্ থর্ সিয়েনি লগেপ্রভুর নাঙে ন-গরঅ।

মথি লেখ্যে গম্ হবর্ 6:16

তুমি যেক্কে উবোস্ থাগঅ সেক্কে ফক্করুনো ধোক্ক্যেন্ মুয়োন্ কালা গুরি ন-রাগেয়ো। তারা যে উবোস্ থাদন্ সিয়েন মান্‌জ্যরে দেগেবাত্তে তারা মাঢাবোত্ আর মুয়োনত্ ছেই গুলিনে বেড়ান্। মুই তমারে ঘেচ্চেকগুরি কঙর্, তারা তারার্ বক্‌শিজ্‌চানি পেইয়োন।

লূকে লেখ্যে গম্ হবর্ 4:19

ইয়েনি বাদেয়ো প্রভু মরে ফগদাং গুরিবাত্তে পাধেয়্যেদে যে ইক্কিনে তার্ দোয়্যে দেগেবার্ সময় ওইয়্যে।”

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।