যিশাইয় 58:4 - Chakma Bible

⁴ উবোস্ থানার্ ফলে তুমি কোল্-কোজ্যে গুরি থাগঅ আর ঘুষি মারিনে একজন আর একজনরে আঘাত্ গুরি থাগঅ। তুমি এবাবোত্যেগুরি উবোস্ থেলে আশা গুরি ন-পারিবাদে যে, মুই তমা কধানি শুনিম্।

যিশাইয় 58:4 ပူးပေါင်းရင်းမြစ်များ

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিশাইয় 59:2

মাত্তর্ তমা ভান্ন্যেয়ানিয়ে লগেপ্রভুত্তুন্ তমারে ফারগ্ গুরি দিয়্যে। তমা পাপত্তে তে তা মুয়োন তমাত্তুন্ ফিরেই নেযেয়্যে; সেনত্তে তে ন-শুনে।

যিশাইয় 59:6

তারার মাগড়গ জালত্ কাবড় ন-অয়; তারা যিয়েনি উরোন্ সিয়েনিলোই নিজোরে নাঢি ন-পারন্। তারার বেক্ কামানি ভান্ন্যেই, তারা আঢত্ আগেদে ক্ষতি গুরিবার কামানি।

যোয়েল 2:12

লগেপ্রভু ফগদাং গোজ্যে, “মাত্তর্ ইক্কিনে তুমি উবোস, কানাকুদি আর আবিলেচ্ গুরিনে বেক্ মনান্ দিইনে মইদু ফিরি এজঅ।”

যোনা 3:7

সে পরেদি তে নীনবীত্ তার আর তা রাজচাগরুনোরে এ উগুমান ফগদাং গুরিলো: “মানুচ্ বা য়েমান, গোরু বা ভেড়ার পাল কনজনে কন কিজু ন-খাদোক্; তারা হানা বা পানি ন-খাদোক্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

লূকে লেখ্যে গম্ হবর্ 20:47

এক কিত্ত্যেদি তারা মানুচ্চুনোরে দেগেবাত্যে লাম্বা লাম্বা তবনা গরন্, অন্য কিত্ত্যেদি রানি মিলেগুনোর্ সোম্বোত্তিগানি গজক্ গরন্। এ মানুচ্চুনোর্ বউৎ বেশ্ সাজা অবঅ।”

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।