যিশাইয় 58:14 - Chakma Bible

¹⁴ সালে মরে নিইনে তুমি হুজিয়ে থেবা আর মুই পিত্‌থিমীর বেক্ অজল্ জাগানির অধিকারান্ তমারে দিম। ইয়েনি বাদেয়ো মুই তমা বাব্‌পো যাকোবর অধিকারান্ তমারে ভোগ গুরিবাত্তে দিম্। মুই লগেপ্রভু এ কধাগান কঙর্।‍‌‌‍‌‌”

যিশাইয় 58:14 ပူးပေါင်းရင်းမြစ်များ

ইয়োব 22:26

সেক্কে হামাক্কাই তুই বেগত্তুন্‌ খেমতাবলা গোজেনরে নিইনে হুজি অবে আর তঅ মুয়োন্‌ গোজেন মোক্ক্যে অবঅ।

ইয়োব 27:10

তারা কি বেগত্তুন্ খেমতাবলা গোজেনরে নিইনে হুজি অন্? তারা কি নিত্য গোজেনরে ডাগন্?

ইয়োব 34:9

তে কলঅ, গোজেনরে হুজি গুরিনে মান্‌জ্যর্ কনঅ লাভ ন-অয়।

গীতসংহিতা 135:12

তে তারার দেশ্‌চান তা মানুচ্ ইস্রায়েলীয়গুনোরে অধিকার ইজেবে দান গুরিলো।

গীতসংহিতা 136:21

তে তারা দেশচানত্ বজত্তি গুরিবাত্তে দি দিলো; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 36:8

তর্ ঘরর্ নানান্ বাবোত্যে হানা হেইনে তারার্ ঈল্ অয়; তর্ হুজির্-গাঙ পানিগান তুই তারারে হেবাত্তে দে।

গীতসংহিতা 37:11

মাত্তর্ নম্র মানুচ্চুনে দেজর্ ভাগ্ পেবাক্; বোউত্ বর্ পেইনে তারা হুজিয়ে নাজি উদিবাক্।

গীতসংহিতা 37:4

লগেপ্রভুরে নিইনে রঙ্গ-ফুত্তিয়ে থাগ্; তর্ মন আওজ্‌ছান্ তেয়ই পূরেই দিবো।

যিশাইয় 33:16

সে মানুচ্চো গমেডালে বজত্তি গুরিবো আর তার আশ্রয় অবদে মুড়োমুড়ি ঘরান্। তারে হানার্ যগান্ দিয়্যে অবঅ আর তে হামাক্কায় পানি পেবঅ।

যিশাইয় 34:16

তুমি লগেপ্রভুর বোইবোত্ তোগেই চঅ আর পড়। সিয়োত্ লেগা আগেদে-ইগুনোত্তুন্ এক্কোয়ো আজিই ন-যেবঅ, এক্কোর্‌অ সমাজ্যের্ অভাব ন-অবঅ; কিত্তে মঅ মুয়োদি লগেপ্রভু সেই উগুমান্ দিয়্যে, আর তা আত্মাগানে তারারে একলগে এগত্তর্ গুরিবো।

যিশাইয় 40:5

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিরমিয় 3:19

“মুই নিজে কোইয়োং, ‘মুই পুয়ো ইজেবে তমারে গুজি লোম্ আর চাইদ্যে ধোক্ক্যেন এক্কান দেজ্, জাদ্‌তুনো ভিদিরেত্তুন্ বেগত্তুন দোল্ এক্কান অধিকার তমারে দিম্।’ মুই মনে গোজ্যংগে তুমি মরে বাপ্ বিলি ডাগিবা আর মঅ পিজেদি আঢানাত্তুন্ ফিরি ন-যেবা।‌

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

দ্বি’লম্বর বিররণ 32:13

জিত্যে ইজেবে তারে তে চালেইনে নেযেল দেজর্ এক মুড়োত্তুন অন্য মুড়োত্‌; তারে খেদর্‌ ফসল হেবাত্তে দিলো। তে তারে হাবেল সেই মধু যিয়েন মুড়োবোর ফাদানত্‌ পাহ্ যায়, আর তারে দরঅ পাত্তরর্‌ ভুইয়োত্‌ জলপাইয়র তেল হাবেল।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;