যিশাইয় 58:13 - Chakma Bible

¹³ “যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিশাইয় 58:13 ပူးပေါင်းရင်းမြစ်များ

গীতসংহিতা 122:1

মান্‌জ্যে যেক্কে কলাক্ সেক্কে মুই হুজি অলুং, “আদঅ, আমি লগেপ্রভুর ঘরত্ যেই।”

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

যাত্রা 35:2

সাপ্তায়্‌ ছয়দিন তুমি কাম্‌ গুরিবা মাত্তর্‌ সাত দিন্নো অবদে তমার্‌ এক্কো যুদো গুরি রাগেয়্যে দিন, লগেপ্রভুর্‌ নাঙে জিরেবার্‌ দিন। সেই দিনোত্‌ যে কাম্‌ গুরিবো তারে মারে ফেলা অবঅ‌।

যাত্রা 35:3

জিরেবার্‌ দিন্নোত্‌ তমার কনঅ ঘরত্‌ যেনঅ‌ আগুন্‌ ন-জ্বালান।”

যিশাইয় 55:8

লগেপ্রভু কত্তে, “মর্ চিদেচজ্জানি তর্ চিদেচজ্জা ধোক্ক্যেন নয়, মঅ পত্‌‍‌‌‍‍‍‍‍থান তমা পথ্‌তান ধোক্ক্যেন নয়। ‍

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিহিষ্কেল 44:24

কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্‌‌‌পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।