যিশাইয় 58:12 - Chakma Bible

¹² তমা মানুচ্চুনে আগে ভস্ত ওইয়্যে জাগায়ানি আরঅ বানেবাক্ আর পুরোণি দিনো গড়াগানি উগুরে আরঅ গাড়েবাক্; তমারে কুয়ো অবঅ ভাঙা দেবাল আর বজত্তি গুরিবার জাগানর পথ্‌তানি ঠিগ্ গুরিয়্যে।‍‌

যিশাইয় 58:12 ပူးပေါင်းရင်းမြစ်များ

নহিমিয় 2:17

পরেন্দি মুই সে দাঙর্‌ পোজিশনর্‌ কাম্‌গুরিয়্যেগুনোরে কলুঙ্‌, “আমি যে কেধোক্কেন্‌ দুঘোত্ আগিই সিয়েন্‌ তুমি দেগর্‌। যিরূশালেমান ভস্ত ওই রোইয়্যে আর সিয়েনর্‌ গেট্‌তুন্‌ আগুন্দোই পুড়ো ওইয়্যে। এজঅ, আমি যিরূশালেমর দেবালান্‌ আরঅ গাদেইনে তুলিই। ইয়েন্দোই আর আমি ঘিনাইদে মানুচ্‌ ওই ন-থেবং।”

নহিমিয় 2:5

সে পরেন্দি জোবত্‌ রাজারে কলুঙ্‌, “মহারাজে যুনি হুজি ওই থায় আর তঅ চাগর্‌বো যুনি তঅ চোগেন্দি দোয়্যে-মেয়্যে পেই থায় সালে মর্‌ পূরোণিমানুচ্চুনোর্‌ গোরানি যিয়েনত্‌ আঘে যিহূদার সে শঅরত্‌ তুই মরে যেবাত্তে অনুমতি দে যেনে মুই সিয়েনি আরঅ বানেই পারং।”

নহিমিয় 6:1

পরেন্দি সন্‌বল্লট, টোবিয়, আরবীয় গেশম আর আমা বাদবাগি শত্রুগুনে শুনিলাক্‌, মুই দেবালান্‌ আরঅ বানেয়োং আর সে দেবালানর্‌ ভিদিরে কনঅ ফাক্‌ নেই। মাত্তর্‌ সেক্কেয়ো মুই গেট্‌তুনোত্‌ দোর্‌ ন-লাগাঙ্‌।

ইয়োব 3:14

মুই সেই রাজাগুনো সমারে আর সে মন্ত্রীগুনো সমারে থেদুঙ্‌ যিগুনে একদিন নিজোত্তে বিল্ডিং বানেয়োন যিয়েনি এচ্ছ্যে ভস্ত ওইনে পড়ি আঘে।

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 61:4

তারা আগ দিনোত্ ভস্ত ওইয়্যে জাগানি আরঅ তুলিবাক আর ঠিগ্ গুরিবাক। যেদক্কানি শঅর্ বংশর পর বংশ ধুরিনে ভস্ত ওই যেইয়্যে সিয়েনি তারা আরঅ নূয়ো গুরি বানেবাক্।

যিরমিয় 31:38

লগেপ্রভু কোইয়্যেদে, “সে অক্তবো এজের্ যেক্কে মত্তে হননেল-ঘরানত্তুন্ কোণাবোর গেট্‌‍‍‍‍‍‍‍‍‍‍‍‍টো সং এ শঅরান আরঅ বানা অবঅ।‍

যিহিষ্কেল 13:5

তারা ইস্রায়েল জাদর্ দেবাল ফাদানি তালি দিবাত্তে সিদু ন-উদোন্ যেনে লগেপ্রভুর দিনোত্ যুদ্ধোর্ সময়োত্ সিয়েন দরমরগুরি থিয়্যেই থেই পারে।

যিহিষ্কেল 36:33

“‘মুই প্রভু লগেপ্রভু কঙর্, যেদিন্যে মুই বেক্ পাপত্তুন্ তমারে সাব্ গুরিম সেদিন্যে মুই শঅরানিত্ মানুচ্চুনোরে বজত্তি গোরেম্ আর ভস্ত ওইয়্যে জাগানি আরঅ বানা অবঅ।

যিহিষ্কেল 36:4

সেনত্তে ও ইস্রায়েলর মুড়ো-মুড়িগুন, তুমি মঅ কধা শুনো। ও দাঙর্ দাঙর্ আর চিগোন্ চিগোন্ মুড়োগুন, খাট্যং আর কলগ্‌‌‌‌‌কানি, মানুচ্ নেইয়্যে বেক্ ভস্তর্ জাগানি আর তমা চেরোকিত্তে অন্য জাদ্‌‌‌‌‌তুনে যিগুনোরে লুদেয়্যে আর আজি এজে পারা গোজ্যন্ সেই বেক ছাড়ি যেইয়্যে শঅরানি,

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

মীখা 7:11

ও যিরূশালেম, সে অক্তত্ তর্ দেবাল গাদনিগান তুলো অবঅ, তঅ দুযিগান বাড়া অবঅ।