যিশাইয় 57:5 - Chakma Bible

⁵ তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিশাইয় 57:5 ပူးပေါင်းရင်းမြစ်များ

১ রাজাবলী 14:23

ইয়েন্‌বাদে তারা নিজোত্তে পত্তি অজল্‌ মুড়োগুনোর্‌ উগুরে আর পত্তি ঢেলাবলা য়েল্‌ গাজ তলে পূজোর্‌ অজল্‌ জাগায়ান্‌ ঠিগ গোজ্যন্‌ আর পবিত্র পাত্তর্‌ আর আশেরা-খুদোগুন্‌ থিদেবর গোজ্যন্‌।

২ রাজাবলী 17:10

তারা পত্তি অজল্‌ মুড়োগুনো উগুরে আর ডেলা ছিদি পোজ্যে পত্তি য়েল্‌ গাজ তলে পূজো পাত্তর্‌ আর আশেরা-খুদোগুন্‌ বোজেয়োন্‌।

২ রাজাবলী 17:7

ইয়েনি বেক্কানি ঘোট্যে, কিত্তে যিবে মিসরত্তুন্‌, মিসর রাজা ফরৌণর অধীনত্তুন্‌ তারারে নিগিলেই আন্যে ইস্রায়েলীয়গুনে তারার্‌ সেই গোজেন লগেপ্রভুর বিরুদ্ধে পাপ গোজ্যন্‌। তারা দেব-দেবেদার পূজো গুরিদাক্‌ আর যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন আদাউদো গুরিদাক্‌। ইয়েনিবাদে ইস্রায়েল রাজাগুনে যেদক্কানি সুদোম চালু গোজ্যন্‌ তারা সেধোক্ক্যেন গুরি চলিদাক্‌।

২ রাজাবলী 23:10

অন্য কনজনে যেনে মোলক দেবেদা নাঙে নিজোর পুয়ো বা ঝিগুনোরে আগুনোত্‌ পুড়িনে উৎসর্ব গুরি ন-পারে সেনত্তে যোশিয় বেন্‌-হিন্নোম কলগর্‌ তোফৎ নাঙে পূজো জাগায়ান্‌ অসিজি গুরি দিলো।

২ বংশধর 28:3

তে বিন্‌-হিন্নোম কিজিঙোত্‌ আগর্‌বাট্টি জ্বালেদ আর লগেপ্রভু যিদুক্কুন্‌ জাদরে ইস্রায়েলীয়গুনো মুজুঙোত্তুন্‌ ধাবেই দিয়্যে তারার্‌ জঘন্য কামানি ধোক্ক্যেন তেয়ো তার্‌ পুয়োগুনোরে আগুনোত্‌ পুড়িনে উৎসর্ব গুরিলো।

যাত্রা 32:6

তার্‌ কেল্যে মানুচ্চুনে বেন্যেপোত্যে উদিনে পুজ্যে-উৎসর্ব আর উদোলোলি-উৎসর্বর অনুষ্ঠান্‌ গুরিলাক্। সে পরেন্দি তারা হানা-দানা গুরিবাত্তে বঝিলাক্‌ আর পরেন্দি রঅ রঅ গুরিনে ফুত্তি গুরিবাত্তে উদিলাক্‌।

যিশাইয় 1:29

“অয়, তুমি যিদুক্কুন্ এলোন গাজরে পূজো গুরিদা সিয়েনত্তে তুমি লাজেবা, আর যিদুক্কুন্ বাগানত্ তুমি পূজো গুরিদা সিয়েনত্তে অসর্মান্ অবা।

যিরমিয় 17:2

ডেলা-পাদা ছোড়েয়্যে য়েল্ গাজর্ তলে অজল্ অজল্ মুড়ো উগুরে তারার পুজো আশেরা-মূত্তিগুন তারার পুয়ো-ছাগুনো ইধুয়ো গম্।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিরমিয় 32:35

তারা মোলক দেবেদার নাঙে তারার ঝি-পুয়োগুনোরে উৎসর্ব গুরিবাত্তে বিন্-হিন্নোম কলগত্ বাল দেবেদার নাঙে পূজোর্ অজল্ জাগায়ান বানেয়োন। মুই কনদিন্‌অ সেই উগুমান ন-দুয়োং বা মর্ মনত্অ সিয়েন ন-চমে, তারা এবাবোত্যে দর্‌গরেপারা কামানি গুরিনে যিহূদারে দিইনে পাপ গোরেবাক্।

যিরমিয় 50:38

হরানে তার বেক্ পানিগান শুগেই যেবঅ, কিত্তে সিয়েন অলঅ মূত্তিগুনোর দেজ্, আর সেই দর্‌গরেপারা মূত্তিগুন সিদুগো মানুচ্চুনোরে পাগল গুরিবাক্।

যিরমিয় 51:7

বাবিলান লগেপ্রভুর আঢত্ এক্কান সোনার গলস ধোক্ক্যেন এলঅ; সিয়েনে গোদা পিত্‌‌‌থিমীগানরে মাত্তল্ গোজ্যে। জাদ্‌‌‌তুনে তা আংগুর-রস হেইয়োন, সেনত্তে ইক্কিনে তারা পাগল ওই যেইয়োন।

যিরমিয় 7:31

তারা তারার ঝি-পুয়োগুনোরে আগুনোত্ পুড়িবাত্তে বিন-হিন্নোম কলগত্ তোফৎ নাঙে পূজোর অজল্ জাগা বানেয়োন। মাত্তর্ এ উগুমান মুই ন-দুয়োং, মঅ মনত্‌অ সিয়েন ন-চমে।‌‌

যিহিষ্কেল 16:20

তর্ যিদুক্কুন ঝি-পুয়ো তুই মত্তে পেদত্ ধোজ্যস্ তারারে নিইনে তুই হানা ইজেবে মূত্তিগুনো নাঙে উৎসর্ব গোজ্যস্। তর্ সিনেলীর্ কামানি বোউত্ এলঅ।

যিহিষ্কেল 20:26

পত্তম্ জোর্মেয়্যে এবাবোত্যে পত্তি পুয়োরে তারা আগুনোত্ পুড়িনে উৎসর্ব গোজ্যন্, আর সিয়েনর মাধ্যমে মুই তারারে অসিজি অবাত্তে দিলুং যেন মুই তারারে ভস্ত গুরি পারং। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 20:31

এজঅ সং যেক্কে তুমি মূত্তি মুজুঙোত্ তমা ঝি-পুয়োগুনোরে আগুনোত্ পুড়িনে উৎসর্ব গরঅ সেক্কে সেই বেক্ মূত্তিগুন্দোই তুমি নিজোরে অসিজি গুরি থাগঅ। ও ইস্রায়েলীয়গুন, মুই কি তমারে মর্ আওজ্‌চান জানিবাত্তে দিম? মর্ জিংকানি নাঙে, মুই কনমতে মর্ আওজ্‌চান তমারে জানিবাত্তে ন-দিম।

যিহিষ্কেল 6:13

ইস্রায়েলীয়গুনে তারার্ পূজোর্ চেরোকিত্তে মূত্তিগুনো ভিদিরে, বেক্ দাঙর্ দাঙর্ মুড়োগুন উগুরে, ডেলা ছিদি পোজ্যে পত্তি গাজর্ তলে আর পাদালোই ভরা পত্তি এলোন গাজর্ তলাত্, অত্তাৎ যেদক্কানি জাগাত্ তারার্ মূত্তিগুনোর নাঙে তারা তুম্বাজ্ আগর্‌বাট্টি উৎসর্ব গুরিদাক্ সেই বেক্ জাগানিত্ মুরিনে পড়ি থেবাক্। সেক্কে বাঁজি থেইয়্যে মানুচ্চুনে হবর্ পেবাক্ যে, মুয়ই লগেপ্রভু।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

গণাণা 25:6

সেক্কে মোশি আর ইস্রায়েলীয়গুনে বেক্কুনে যেক্কে মিলন-তাম্বুলো ইদু কানাকাদি গত্তন্‌ সেই সময়োত্‌ এক্কো ইস্রায়েলীয় তারার্‌ চোগো মুজুঙোন্দি এক্কো মিদিয়নীয় মিলেরে তা গোর‌্‌বোর্‌ মানুচ্চুনো ভিদিরে নেযেল।

দ্বি’লম্বর বিররণ 12:2

তুমি যে জাদ্‌‌তুনোরে গজক্ গুরিবাত্তে যর্‌ তারা যিদুক্কুন চিগোন-দাঙর্‌ মুড়ো-মুড়ি উগুরে আর ডেলা ছিদি পোজ্যে য়েল্‌ গাজর্‌ তলে তারার্‌ দেব-দেবেদার পূজো গরন্‌ সে জাগানি তুমি বেক্কানি ভস্ত গুরি দিবা।

ফগদাং পেইয়্যে 18:3

কিয়া তে তার্ বেভিচারর্ দর্‌গরেপারা মদ্‌তান বেক জাদ্‌তুনোরে হেবাত্যে দিয়্যে। পিত্‌থিমীর রাজাগুনে তা সমারে বেভিচের গোজ্জ্যন, আর পিত্‌থিমীর বেবসায়ীগুনে তার্ লাগাম-নেইয়্যে কামনালোই থাগোইয়্যে ওইয়োন।”