যিশাইয় 57:17 - Chakma Bible

¹⁷ তারার্ লুভোত্তে মুই রাগে জুলি উঠ্যং, আর তারারে সাজা দিইনে অমকদ বেজার্ পেইনে মঅ মুয়োন্ ফিরেই নেযেয়োং; তো তারা তারার আওজ্ মজিম পধেদি যাহ্ ধুরিলাক্।

যিশাইয় 57:17 ပူးပေါင်းရင်းမြစ်များ

উপদেশক 6:9

আরঅ পেবার্ আওজত্তুন্ বরং চোগেদি যিয়েন্ দেগা যায় সিয়েন্দোই হুজি থানা গম্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 2:7

তারা দেজ্‌ছান সোনা আর রূবোলোই ভরা, তারার ধন-সম্পদর শেজ্ নেই। তারা দেজ্‌ছান ঘোড়ালোই সয়সাগর আর তারার্ রথ্‌অ ভালোক্কানি।

যিশাইয় 42:24

যাকোবরে কন্না লুদো হেবাত্তে দিয়্যে? আর ইস্রায়েলরে কন্না লুদেয়্যেগুনো আঢত্ তুলি দিয়্যে? তে কি লগেপ্রভু নয়, যিবের্ বিরুদ্ধে আমি পাপ গোজ্যেই? তারা তা পধেদি চলিবাত্তে ন-চান্, তা উগুমান্ ন-পালান্।

যিশাইয় 45:15

ও ইস্রায়েলর গোজেন আর উদ্ধোরগুরিয়্যেবো, সত্যিই তুই এমন গোজেন যিবে নিজোরে লুগেই থয়।

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিশাইয় 64:9

ও লগেপ্রভু, তুই এদক্ বেশ্ রাগ ন-গুরিচ্; আমা পাপ্‌পানি জনম্মো ইদোত্ ন-রাগেচ্। আমি কোজোলি গুরির্, তুই আমা ইন্দি রিনি চাহ্, কিত্তে আমি বেক্কুনে তঅ মানুচ্।‌

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

যিশাইয় 9:13

মাত্তর্ যিবে তারারে আঘাত্ গোজ্যে তাইদু মানুচ্চুনে ফিরি ন-এজন্, বেগত্তুন্ খেমতাবলা লগেপ্রভুর আওজ্ মজিম ন-চলে।

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 3:22

লগেপ্রভু কোইয়্যেদে, “ও ভান্ন্যেই পধেদি যেইয়্যে পুয়োছাগুন, ফিরি এজঅ; তমার্ ভান্ন্যেই পধেদি যেইয়্যে পিড়েনি মুই গম্ গুরি দিম।” সেক্কে ইস্রায়েলীয়গুনে কবাক্, “অয়, আমি তইধু এবং, কিত্তে তুয়ই আমার গোজেন লগেপ্রভু।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 51:13

ও বাবিল, তুই দঅ বোউত্ পানি পারত্ বজত্তি গরচ্ আর বোউত্ ধন-সম্পদর গিরোজ্; তর্ থুমান এচ্চ্যে, তরে ছাজি ফেলেবার সময় ওইয়্যে।

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

যিরমিয় 8:6

মুই মন দি শুন্যং, তারা ঠিগ্ কধা ন-কন। পাজিগানিত্তুন মনান ফিরেইনে কনজনে ন-কন্দে, হায়, মুই কি গুরিলুং! ঘোড়া যেবাবোত্যেগুরি দাবা যেইনে যুদ্ধোত্ যায় সেবাবোত্যেগুরি পত্তি জনে যার্ যার্ পধেদি চলন্।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

লূকে লেখ্যে গম্ হবর্ 12:15

সে পরেদি যীশু মানুচ্চুনোরে কলঅ, উজিয়ার্! নানান্ বাবোত্যে লুভোত্তুন্ নিজোরে রোক্ষ্যে গরঅ, কিয়া সয়-সাগর্ সম্বোত্তি থানা মান্‌জ্য জিংকানিত্ বেক্কুনত্তুন্ দরকারী বেপার নয়।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

২ পিতর 2:14

তারার চোগ্‌কুন্ পরপাগোল্যেলোই ভরা আর তারা পাপ-কাম গরানা কনঅ দিনঅ ন-থামান। যিগুনে চুলুবুলু সিগুনোরে তারা লুভ্ দেগেইনে ভুল পধেদি নেযান্। তারার্ মনানি বানা লুভ গুরিবাত্যে শিক্ষ্যে। তারা উগুরে অভিশাব্ আঘে। তারা উজু পথ্‌তান ফেলেইনে ভুল পধেদি যেইয়োন।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।