যিশাইয় 57:14 - Chakma Bible

¹⁴ লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

যিশাইয় 57:14 ပူးပေါင်းရင်းမြစ်များ

গীতসংহিতা 68:4

গোজেনর নাঙে গীদ্ গঅ, তার নাঙ্ গিনেদে-গীদ্ গঅ; ধূল্যেচর-চাগালান্দি যিবে রদথ্ চড়িনে এজের্ তাত্তে অজল্ পথ যুক্কোল্ গরঅ; তা নাঙান্ লগেপ্রভু, তা মুজুঙোত্ ফুত্তি গরঅ।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিশাইয় 49:11

মর্ বেক মুড়োগুনোরে মুই পথ বানেম; মঅ পথ্‌তানি বানা অবঅ।

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

রোমীয় 14:13

ইয়েনত্তে আমি যেন একজন আরেক্ জনরে দুষ্ ন-ধুরিই, বরং এমন্‌ কনঅ কাম্ ন-গুরিবোং বিলিনে ঠিগ্ গুরিই, যিয়েন দেগিনে কনঅ ভেই মনত্ যাগুলুক্ পায় বা পাপত্ পড়িই পারে।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

১ করিন্হীয় 8:13

হানাত্তে যুনি মঅ ভেইবো পাপত্ পড়ে সালে মঅ ভেইবো যাতে পাপত্ ন-পড়ে সেনত্তে মুই য়েরা হানা ছাড়ি দিম।

১ করিন্হীয় 8:9

মাত্তর্ উজিয়ার্! যিগুনোর বিশ্বেজ্ নরম, তমার্ এই স্বাধীনতাগান তারা ইধু যেন পাপর্ কারন ন-অয়।

২ করিন্হীয় 6:3

খ্রীষ্টত্যে আমি যে কাম্ গুরিই সিয়েনর যেন বদ্‌‌নাঙ্ ন-অয় সেনত্তে আমি এমন্‌ কিজু ন-গুরির্ যিয়েনর কারনে কেঅ কনঅ বাবদে মনত্ দুঘ্ ন-পান্।

ইব্রীয় 12:13

তমার্ আঢিবার পথ্‌তানি উজু গরঅ, যেন লেং মান্‌জ্যর অবস্থা আরঅ বেশ্ ন-অয়, বরং তে গম্ ওই উদে।