যিশাইয় 56:6 - Chakma Bible

⁶ ইয়েনি বাদেয়ো যে বিদেশিগুনে মর্ সেবা কামত্তে আর মর্ চাগর্ অবাত্তে মইদু এচ্চ্যন্ আর যিগুনে জিরেবার দিন্নোরে অসিজি ন-গুরিনে সিয়েনি পালান্ আর মর্ সুদোমানি গমেডালে ধুরি রাগান্,

যিশাইয় 56:6 ပူးပေါင်းရင်းမြစ်များ

১ রাজাবলী 8:41

ইয়েন বাদেয়ো তঅ মানুচ্‌ ইস্রায়েলীয় নয় এধোক্ক্যেন কনঅ বিদেশী তর্‌ দাঙর্ নাঙান, তর্‌ খেমতাগান আর বাড়েই দিয়্যে আদঅ কধা শুনিনে তরে তবনা গুরিবাত্তে যেক্কে দূর দেজত্তুন্‌ এইনে এ তবনা-ঘরন্দি ফিরিনে তবনা গুরিবাক্,

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 44:5

একজনে কবঅ, তে লগেপ্রভুর্; আর একজনে যাকোব নাঙে নিজোর্ পরিচয়ান্ দিবো; অন্য আর একজনে নিজো আঢ উগুরে লিগিবো, তে লগেপ্রভুর্, আর তে ইস্রায়েল নাঙান্ মানি লবঅ।’ ”

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিশাইয় 60:10

বিদেশীগুনে তঅ দেবালান আরঅ তুলি দিবাক্ আর তারার রাজাগুনে তরে সেবা গুরিবাক্। যুনিয়ো রাগে মুই তরে আঘাত্ গোজ্যং তো দোয়্যে গুরি মুই তরে মেয়্যে গুরিম।

যিশাইয় 61:5

অন্য জাদর্ মানুচ্চুনে এইনে তমা ভেড়া পালুন চোরেবাক্; বিদেশীগুনে তমা শোস্য খেত্‌তানি আর আংগুর খেদত্ কাম গুরিবাক। ‍‌

যিশাইয় 61:6

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

যিরমিয় 50:5

তারা সিয়োনত্ যেবার পথ্‌তানর্ কধা পুযোর্ গুরিবাক্ আর সিন্দি তারার মুয়োনি ফিরেবাক্। তারা এইনে এমন এক্কো জিংকানিবরর্ সুদোম লগেপ্রভু সমারে নিজোরে জোরেবাক্ যিয়েন মান্‌জ্যে ভুলি ন-যেবাক্।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 47:22

তমা ভিদিরে যিদুক্কুন বিদেশী তারার্ ঝি-পুয়োগুন নিইনে থিদেবর্ গুরি বজত্তি গত্তন্ তারাত্তে আর তমাত্তে দেজ্‌‌‌‌চান সোম্বোত্তি ইজেবে ভাগ গুরি দিবা। তারারে তুমি দেজত্ জোর্মেয়্যে ইস্রায়েলীয় ইজেবে ধুরিবা। তমা লগে তারায়ো ইস্রায়েলর্ গুট্টিগুনো ভিদিরে সোম্বোত্তি ইজেবে ভূইয়োর ভাগ পেবাক্।

সখরিয় 6:15

“যিগুনে দূরোত্ আগন্ তারা এইনে লগেপ্রভুর ঘরান বানেবার কামত্ সাহায্য গুরিবাক্। সেক্কে তুমি হবর্ পেবাদে যে, বেগত্তুন খেমতাবলা লগেপ্রভুই মরে তমা ইধু পাদেয়্যে। যুনি তুমি যত্তন্ গুরিনে তমা গোজেন লগেপ্রভুর কধানি পালঅ সালেই ইয়েনি বেক্কানি অবঅ।”

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

২ করিন্হীয় 8:5

আমার্ আজাত্তুন্-অ বেচ্‌ তারা দান গোজ্জ্যন্-তারা নিজোরে পত্তমে প্রভু ইধু আর পরেদি গোজেনর্ আওজ্ মজিম আমা ইধু দি দুয়োন্।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ইফিষীয় 6:24

আমা প্রভু যীশু খ্রীষ্ট উগুরে যিগুনোর্ থির্ কোচ্‌পানা আঘে সিগুনোর্ বেক্কুনো উগুরে গোজেনর্ দোয়্যে থোক্।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।