যিশাইয় 56:4 - Chakma Bible

⁴ কিত্তে লগেপ্রভু এ কধাগান কত্তে, “আঢুরুনে যুনি মর্ জিরেবার দিন্নোরে পালান্, মুই যিয়েন গম্ পাং সিয়েন বেঈ লন্ আর মর্ সুদোমান গমেডালে ধুরি রাগান্,

যিশাইয় 56:4 ပူးပေါင်းရင်းမြစ်များ

২ শমূয়েল 23:5

গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

গীতসংহিতা 119:111

তর্ কধানি মর্ উমরর্ সোম্বোত্তি; সিয়েনি মর্ মনর্ হুজি।

গীতসংহিতা 25:10

লগেপ্রভুর বেবস্থা আর রীদি-সুুদোম মজিম্ যিগুনে আঢন্, তারা ইদু তার বেক্ পথ্‌তানিত্ অমকদ কোচ্‌‌পানা আর বিশ্বেজে ভরা।

যিশাইয় 27:5

সিগুনে বরং আশ্রয়ত্তে মইদু এজোদোক্; মঅ লগে শান্তির্ কধা কোদোক্। অয়, তারা মঅ লগে শান্তির্ কধা কোদোক্।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিশাইয় 56:2

বর্ পেইয়্যে সেই মানুচ্চো, যে এ কামানি গরে; বর্ পেইয়্যে সেই মানুচ্চো, যে সিয়েনি গুরিবাত্তে মনান্ দে। জিরেবার দিন্নোরে অসিজি ন-গুরিনে যে মানুচ্চো সিবে পালায় আর ভান্ন্যেই কামত্তুন্ তা আঢ্‌তান সোরেই রাগায়, তে বর্ পেইয়্যে।”

যিশাইয় 56:6

ইয়েনি বাদেয়ো যে বিদেশিগুনে মর্ সেবা কামত্তে আর মর্ চাগর্ অবাত্তে মইদু এচ্চ্যন্ আর যিগুনে জিরেবার দিন্নোরে অসিজি ন-গুরিনে সিয়েনি পালান্ আর মর্ সুদোমানি গমেডালে ধুরি রাগান্,

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিরমিয় 50:5

তারা সিয়োনত্ যেবার পথ্‌তানর্ কধা পুযোর্ গুরিবাক্ আর সিন্দি তারার মুয়োনি ফিরেবাক্। তারা এইনে এমন এক্কো জিংকানিবরর্ সুদোম লগেপ্রভু সমারে নিজোরে জোরেবাক্ যিয়েন মান্‌জ্যে ভুলি ন-যেবাক্।

লূকে লেখ্যে গম্ হবর্ 10:42

মাত্তর্ এক্কান্ বানা দরকারী বিষয় আঘে। মরিয়মে সেই গম্ বিষয়ান বেঈ লোইয়্যে। সিয়েন তাত্তুন্ নেযা ন-অবঅ।”

ইব্রীয় 6:17

গোজেনে যিয়েন দিবার এগেম্ গোজ্জ্যে, যিগুনে সিয়েন পেবাক্ সিগুনোরে তে এই শমক্‌কান্দোই ভারী সাব্ গুরি দেগেবাত্যে চেয়্যেদে যে, তে যিয়েন ঠিগ্ গোজ্জ্যে সিয়েন আর্ বুদুলী ন-যায়। ইয়েনত্যে তে শমক্‌কান্দোই প্রমাণ গুরিলোদে যে, তে যিয়েন ঠিগ্ গোজ্জ্যে সিয়েন অবদে অবঅ।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”