যিশাইয় 56:12 - Chakma Bible

¹² বেক্কুনে কন্, “যেই, আংগুর-রস আনিই; যেই, আমি পেট্ ভরে সং মদ হেই। এচ্চ্যেত্তুন্ কেল্যে আরঅ গম্ অবঅ।”

যিশাইয় 56:12 ပူးပေါင်းရင်းမြစ်များ

ইয়োব 24:23

তে শদানুনোরে গমেডালে জিরেবাত্তে দি পারে, মাত্তর্ তা চোগ্‌‌কুন তান্দে তারার পথ্‌তান ইন্দি।

গীতসংহিতা 10:6

তে মনে মনে কয়দে, “এমন্ কিজু নেই যিয়েনে মরে লারেই পারে; মর্ দজা কনঅ কালত্ ন-অবঅ।”

গম্ উপদেজ্ 20:1

যে মানুচ্চো আংগুর-রস হেইনে মাত্তল্ অয় তে ঠাট্টা-মশ্‌কারি গরে, আর যিবে মদ হায় তে অমকদ কোল্-কোজ্যে গরে; ইয়েনি হেইনে যে মাত্তল্ অয় তে জ্ঞানি নয়।

গম্ উপদেজ্ 23:35

তুই কবে, “তারা মরে আঘাত্ গোজ্যন্ মাত্তর্ মুই পিড়ে ন-পাং, মরে তারা মাজ্যন্ মাত্তর্ মুই তার্ ন-পাং। কক্কনে মুই জাগি উদিনে আরঅ মদ্ তোগেবাত্তে যেম্?”

গম্ উপদেজ্ 27:1

এজেত্তে কেল্যে পৌইদ্যেনে বাড়্‌বো ন-গোজ্য, কিত্তে কন্ দিন কি অবঅ সিয়েন তুই হবর্ ন-পাজ্।

উপদেশক 2:24

সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

যিশাইয় 5:11

অভিশাব্ পোড়োক্ সে মানুচ্চুনোর্, যিগুনে মদ হেবাত্তে বেন্যে পোত্যে উদোন্ আর বোউত্ রেত্‌সম্বাগ সং বোইনে আংগুর-রস হান্, যেদক্কন্ সং সিয়েন হেইনে তারা গরম ওই ন-উদোন্।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিশাইয় 5:22

অভিশাব্ পোড়োক্ সেই মানুচ্চুনোর্, যিগুনে আংগুর-রস হেবার্ অক্তত্ কাবিদ্যং আর মদ মিজেইদ্যে কামত্ কাবিল্,

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

হোশেয় 4:11

বেভিচের্ আর নূয়ো, পুরোণ আংগুর-রসে মঅ মানুচ্চুনোর বুদ্ধিগানি বর্‌বাত গোজ্যন্।‌

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

নহূম 1:10

তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

১ করিন্হীয় 15:32

ইফিষত্ ঝার্‌বো এ্যামানুনো সমারে মত্তুন্ যে লড়াই গরা পোজ্জ্যে, সিয়েন যুনি বানা জাগতিক্ উদেচ্চ্য নিইনে গুরি থাং, সালে সিয়েনত্ মর্ কি লাভ ওইয়্যে? মরাগুনোরে যুনি জেদা গুরিনে তুলো ন-ওই থায় সালে চলেত্তে কধা মজিম, “এজঅ, আমি হানা-দানা গুরিই, কিয়া কেল্ল্যে দঅ আমি মুরিবোং।” তুমি ভুল্ ন-গোজ্জ্য।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।