যিশাইয় 56:11 - Chakma Bible

¹¹ তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিশাইয় 56:11 ပူးပေါင်းရင်းမြစ်များ

যাত্রা 23:3

কনঅ‌ নাদা মান্‌জ্যর্‌ বিচের্‌ গুরিবাত্তে যেইনে তে নাদা বিলিনেই‌ তার্‌ পক্ষ ন-নিবা।

উপদেশক 5:10

যে মানুচ্চো টেঙা-পোইজ্যে কোচ্‌পায় তার কনদিন্অ যগাজ্যে ওইয়্যে বিলিনে মনে ন-অয়। যে মানুচ্চো ধন-সোম্বোত্তি কোচ্‌পায় তে তার ইনকাম্বোই কনদিন্অ হুজি ন-অয়। ইয়েন্অ বাহ্‌জে।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 57:17

তারার্ লুভোত্তে মুই রাগে জুলি উঠ্যং, আর তারারে সাজা দিইনে অমকদ বেজার্ পেইনে মঅ মুয়োন্ ফিরেই নেযেয়োং; তো তারা তারার আওজ্ মজিম পধেদি যাহ্ ধুরিলাক্।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

হোশেয় 4:8

মঅ মানুচ্চুনোর পাপর কারনে তারা লাভবান অন্ বিলিনে তারা মঅ মানুচ্চুনোরে পাপ গুরিবাত্তে উচ্চোমি দুয়োন্।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

গণাণা 22:7

সেক্কে ভাগ্যগানি চাম্বা চেবার টেঙাগুন্ নেযেইনে মোয়াব আর মিদিয়নোর বুড়ো নেতাগুনে রওনা ওই গেলাক্। বালাকে যিয়েন্‌ কোইয়্যে সিয়েন্‌ তারা যেইনে বিলিয়ম ইদু কলাক্।

যোহন 8:43

কিত্ত্যে তুমি মঅ কধা ন-বুঝো? সিয়েনর্ কারনান্ ইয়েন্, তুমি মঅ কধানি সোজ্য গুরি ন-পারঅ।

প্রেরিত্‌ 20:29

মুই হবর্ পাং, মুই যানার্ পরেদি মানুচ্চুনে চিৎ ন-পুজ্যে হোক্যে বাঘ ধোক্ক্যেন্ গুরি তমা ইধু এবাক্ আর ভেড়া পালুনোর্ ক্ষতি গুরিবাক্।

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

ফিলিপীয় 3:2

সেই কুগুরুনোত্তুন্, অত্তাৎ যিগুনে ভান্ন্যেই কাম্ গরন্ আর কিয়্যে উগুরে কাবা-কুদো গরানা উগুরে জোর্ দুয়োন তারাত্তুন্ উজিয়ার্!

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 3:8

সেধোক্ক্যেন গুরি পরিচালক্‌কুনেয়ো যেন সর্মান পেবার্ যগাজ্জ্যে আর এক কধার্ মানুচ্‌ অন্। তারা যেন মাত্তল্ ন-অন্, আর অন্যায় লাভ ইন্দি যেন তারার্ মনান্ ন-থায়।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

বিচের গুরিয়্যেগুন 18:20

এ কধাগান শুনিনে সে ধর্মগুরুবো ভারি হুজি অলঅ। তে নিজেই সে এফোদ, দেবেদামূত্তিগুন আর সীলমাজ্যে মূত্তিবো লোইনে সে মানুচ্চুনোর লগে গেলঅ।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?