যিশাইয় 56:10 - Chakma Bible

¹⁰ ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 56:10 ပူးပေါင်းရင်းမြစ်များ

২ রাজাবলী 12:6

মাত্তর্‌ যোয়াশর রাজাগিরির তেইশ বজরত্‌ দেগা গেলদে ধর্মগুরুগুনে সেক্কেয়ো তবনা-ঘরর্‌ ঠিগ্‌ গুরিবার কামানি ন-গরন্‌।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 29:9

তুমি আমক্ ওইয়ো; চোগ্ খাদিনে কান্ মান্‌জ্য ধোক্ক্যেন অ; মাত্তল্ অ, মাত্তর্ আংগুর-রস হেইনে নয়; দুলি পড়, মাত্তর্ মদ হেইনে নয়;

যিশাইয় 52:8

শুন্, তঅ চুগিদারুনে রঅ ছাড়দন্, তারা হুজিয়ে একসমারে কিজিক্ কাজাক্ গরদন্, কিত্তে লগেপ্রভু যেক্কে সিয়োনত্ ফিরি এবঅ সেক্কে তারা নিজো চোগেদি সিয়েনি দেগিবাক্।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

আবিলেচ্ 4:14

সেনত্তে তারা কান্ মানুচ্চুনো ধোক্ক্যেন পধে পধে বিজিরে বিজিরে বেড়েয়োন্; তারা এদক্ লোলোই ফি-বলা ওইয়োন্ যে, কনজনে তারার্ কাবড়ানি ধুরিবাত্তে ন-চান।

যিহিষ্কেল 13:16

অত্তাৎ ইস্রায়েলর সেই ভাববাদীগুনে যিগুনে যিরূশালেম মানুচ্চুনো ইধু কধা কোইয়োন আর শান্তি ন-থেলেয়ো শান্তির দর্শনান্ দেখ্যন তারায়ো নেই। মুই প্রভু লগেপ্রভু এ কধাগান কঙর্।’”

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

নহূম 3:18

ও আসিরিয়ার রাজা, তঅ নেতাগুনে ঘুমোদন্; তঅ রাজ্‌কামগুরিয়্যেগুনে পড়ি আগন্। তঅ মানুচ্চুনে মুড়োই মুড়োই ছিদি পোজ্যন্, তারারে এগত্তর্ গুরিবার কনজন নেই।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

ফিলিপীয় 3:2

সেই কুগুরুনোত্তুন্, অত্তাৎ যিগুনে ভান্ন্যেই কাম্ গরন্ আর কিয়্যে উগুরে কাবা-কুদো গরানা উগুরে জোর্ দুয়োন তারাত্তুন্ উজিয়ার্!