যিশাইয় 55:1 - Chakma Bible

¹ লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 55:1 ပူးပေါင်းရင်းမြစ်များ

গীতসংহিতা 143:6

মুই তন্দি মঅ আঢ্‌তান বাবেই দুয়োং; শুগুনো ভুইয়ো ধোক্ক্যেন্ মঅ পরাণানে তত্তে ধারস্ গরের্।

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

গম্ উপদেজ্ 8:4

ও মানুচ্চুন্, মুই তমারে ডাগঙর্, বেক মানুচ্চুনো ইদু রঅ ছাড়িনে কঙর্।

গম্ উপদেজ্ 9:1

গম্ বুদ্ধিগানে তা ঘরান্ বানেয়্যে; পাত্তর্ কাবিনে তে সাত্তো খুদো বানেয়্যে।

গম্ উপদেজ্ 9:5

“এজ, মঅ হানাগান্ হঅ, মর্ মজলা মিজেয়্যে আংগুর-রস হঅ;

পরমগীত 1:2

তুই চুমিনে চুমি মরে মনান্ ভোরেই দে, কিত্তে তঅ কোচ্‌পানাগান্ আংগুর-রসত্তুন্ বেশ্ গম্।

পরমগীত 1:4

মুই রাজারে কলুং, “তুই মরে তঅ সমারে নেযা; আঢিচ্, আমি যাদিমাদি যেই।” তে মরে তা ঘরত্ নেযেল। আমি তরে নিইনে ফুত্তি গুরিবোং আর হুজি অবং; আংগুর-রসত্তুন্ বেশ্ তঅ কোচ্‌পানাগান বাঈনী গুরিম্। তারা যে তরে কোচ্‌পান সিয়েন্ ঠিগই গরন্।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 52:3

প্রভু লগেপ্রভু কত্তে, “তরে এনেবাদে বেজা ওইয়্যে আরঅ এনেবাদে উদ্ধোর্ গরা অবঅ।

আবিলেচ্ 5:4

আমার হেবার্ পানিগান কিনি হা পড়ে; বানা দাম দিইনে আমি তক্তা পেই পারিই।

যিহিষ্কেল 47:1

সে পরেদি তে মরে উবোসনা-ঘরত্ সোমেবার্ মুয়োনত্ তলাত্তুন পানি নিগিলিনে পূগেদি বেঈ যার্। উবোসনা-ঘরান পূগেদি মু এলঅ। সেই পানিগান উবোসনা-ঘরর্ দোগিণেদি তলাত্তুন্ পূজোবোর্ দোগিণেদি বেঈ যার্।

যিহিষ্কেল 47:9

যিয়েনদি এ গাঙান্ বেঈ যেবঅ সিয়েনত্ নানান্ বাবোত্যে ঝাকবলা জেদা পরানবলা আর বোউত্ মাছ বজত্তি গুরিবাক্। এ পানিগান যিয়েনদি বেঈ যেবঅ সিদুগোর্ পানিগান মিদে গুরি তুলিবো; সেনত্তে যিয়েনদি গাঙান্ বেঈ যেবঅ সিয়েনর্ বেক্কানি বাঁজিবো।

হোশেয় 14:4

লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

সখরিয় 10:7

ইফ্রয়িমীয়গুনে বোলী মান্‌‌‌‌জ্য ধোক্ক্যেন অবাক্, আংগুর-রস খাইদ্যে ধোক্ক্যেন তারার মনানি হুজি অবঅ। সিয়েনি দেগিনে তারার্ পুয়ো-ছাগুনে হুজি অবাক্; তারার্ মনানি মরে নিইনে ফুত্তি গুরিবাক্।

সখরিয় 2:6

লগেপ্রভু কত্তে, “শুনো, শুনো। মুই দঅ চেরোকিত্তে তমারে ছিদি দুয়োং, মাত্তর্ ইক্কিনে তুমি উত্তোরে দেজত্তুন্ ধেই এজঅ।

সখরিয় 9:15

বেগত্তুন্ খেমতাবলা লগেপ্রভু তারারে রোক্ষ্যে গুরিবো। ইয়েন্দোই তারা শত্রুগুনোরে ভস্ত গুরিবাক্ আর তারার্ ফিংগার পাত্তরুন টেঙোই মাড়িবাক্। তারা আংগুর-রস হেবাক্ আর মাত্তলুনো ধোক্ক্যেন রঅ ছাড়িবাক্; ঢালিপূজোগুনোর কোণাগুনোত্ পিলেত্তুন্ লো ঢালেদে ধোক্ক্যেন গুরি তারা বজমান্ লো ঝোড়েবাক্।

মথি লেখ্যে গম্ হবর্ 10:8

ইয়েন বাদেয়ো অসুখ্যেগুনোরে গম্ গরঅ, মরাগুনোরে জিংকানি দুয়ো, ফারাঙি বলাগুনোরে গম্ গরঅ আর ভান্ন্যেই আত্মাগানিরে ধাবেই দুয়ো। তুমি মাগানা পেইয়ো, মাগানা দুয়ো।

মথি লেখ্যে গম্ হবর্ 13:44

স্বর্গ-রেজ্যগান্ ভূইয়ো ভিদিরে লুগেই রাগেয়্যে ধন ধোক্ক্যেন্। এক্কো মান্‌জ্যে সিয়েন্ তোগেই পেইনে আরঅ লুগেই রাগেল। সে পরেদি তে হুজি মনে গেলঅ আর তার যেদক্কানি এলঅ বেক্কানি বিজিনে সে ভূইয়ান কিনিলো।

মথি লেখ্যে গম্ হবর্ 26:29

মুই তমারে কঙর্, ইক্কেত্তুন্ ধুরি যেদক্ বিলোন্ সং মুই মঅ বাব রেজ্যত্ তমা সমারে আংগুর-ফলর্ রস্ নুয়ো গুরি ন-হাং সেদকদিন সং মুই আরঅ কনদিন্অ সিয়েন্ ন-হেম্।”

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

প্রেরিত্‌ 8:20

সেক্কে পিতরে তারে কলঅ, “তঅ টেঙাগুন্ তঅ সমারে ভস্ত ওক্‌, কিয়া তুই মনে গোজ্জ্যস্ গোজেনর দান টেঙালোই কিনে যায়।

রোমীয় 3:24

মাত্তর্ খ্রীষ্ট যীশু মান্‌জ্যরে পাপ আঢত্তুন্ উদ্ধোর্ গুরিবার্ বেবস্থা গোজ্জ্যে আর সেই উদ্ধোরর্ মাধ্যমে দোয়্যের্ দান ইজেবে বিশ্বেজিগুনোরে নিদ্দুজি বিলি মানি লুয়ো অয়।

১ করিন্হীয় 3:2

দরঅ হানা ন-দিইনে মুই তমারে দুধ হেবাত্যে দুয়োং, কিয়া সেক্কে তুমি সেই দরঅ হানা হেবার্ অবস্থাত্ ন-এলা। আর ইক্কিনিয়ো তুমি সেই অবস্থাত্ নেই,

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।

রূত 4:1

বোয়সে আদামর্ গেদোত্‌ যেইনে বুঝিলো। কাম ভারান্ লোইয়্যে যে কুদুম্মোবোর কধা বোয়সে কোইয়্যে তে সেক্কে সে পদেন্দি যার্‌। বোয়সে তারে ডাগিনে কলঅ, “ও ভেই, ইদু এইনে এক্কা বচ্ছি।” মানুচ্চো সেক্কে সিয়েনত্‌ যেইনে বজিলো।