যিশাইয় 54:5 - Chakma Bible

⁵ তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

যিশাইয় 54:5 ပူးပေါင်းရင်းမြစ်များ

ইয়োব 19:25

মুই হবর্‌ পাং মর্‌ উদ্ধোর গুরিয়্যেবো জেদা আঘে; যেরেদি তে পিত্‌থিমীগান উগুরেদি এইনে থিয়্যেব।

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 43:14

লগেপ্রভু, তমার্ উদ্ধোরগুরিয়্যে, ইস্রায়েলর্ সেই সুদ্ধো-সাংগ মানুচ্চো এ কধাগান কোইয়্যেদে, “মুই তমাত্তে বাবিলোত্ মানুচ্ পাদেম আর যে জাহাজ্‌চান নিইনে বাবিলীয়গুনে বাড়্‌‌বো গুরিদাক্ সিয়েনত্ গুরি ধেই যেইয়্যে মানুচ্চুনো ধোক্ক্যেন্ গুরি সে বাবিলীয়গুনোরে আনিম্। ‌

যিশাইয় 45:11

“লগেপ্রভু, যিবে ইস্রায়েলর সেই সুদ্ধো-সাংগ মানুচ্, যিবে তারে বানেয়্যে, তে এ কধাগান কোইয়্যে, ‘তুমি কি আগাম্ ঘটনা পৌইদ্যেনে মরে পুযোর্ গরর্? মঅ পুয়ো-ছাগুনো পৌইদ্যেনে বা মঅ আঢ কামানি পৌইদ্যেনে কি মরে উগুম্ দুয়োর্?

যিশাইয় 48:17

লগেপ্রভু, তমা উদ্ধোরগুরিয়্যে, ইস্রায়েলর সেই সুদ্ধো-সাংগ মানুচ্চো এ কধাগান কোইয়্যেদে, “মুই তমা গোজেন লগেপ্রভু; তমা উপকারত্তে মুই তমারে শিক্ষ্যে দুয়োঙ্। যে পধেদি তমাত্তুন্ চলা পুরিবো মুই সে পধেদি তমারে চালাং।

যিশাইয় 48:2

তুমি দঅ নিজোরে সুদ্ধো-সাংগ শঅরর্ আদাম্মে বিলি কোই থাগঅ আর ইস্রায়েলর গোজেন উগুরে বিশ্বেজ্ গরঅ, যিবের নাঙান বেগত্তুন্ খেমতাবলা লগেপ্রভু।

যিশাইয় 51:15

মুয়ই লগেপ্রভু, তমা গোজেন। মুই সাগরানরে লাড়িলে তার তুবোলানিয়ে গুজুরি উদে। মঅ নাঙান বেগত্তুন্ খেমতাবলা লগেপ্রভু।

যিশাইয় 54:8

রাগে কানক্কনত্তে তত্তুন্ মুই মুয়োন ফিরেয়োং, মাত্তর্ উমর কোচ্‌পানালোই মুই তঅ উগুরে মেয়্যে গুরিম। মুই তর্ উদ্ধোর গুরিয়্যে লগেপ্রভু এ কধাগান কঙর্। ‍

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 51:19

যিবে যাকোবর্ পাওনা ভাগ্ তে ইগুনো ধোক্ক্যেন নয়, কিত্তে তেয়ই বেক্ জিনিস্‌‌‌‌‌‌‌‌‌‌চানির সিরিস্‌‌‌‌‌‌‌‌‌‌টিগুরিয়্যে আর ইস্রায়েল তার বিশেষ সোম্বোত্তি। তা নাঙান্ বেগত্তুন্ খেমতাবলা লগেপ্রভু।

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

হোশেয় 2:16

মুই লগেপ্রভু কঙর্, সেদিন্যে তে মরে মঅ নেক্কো বিলি ডাগিবো; মর্ প্রভু কোইনে আর ন-ডাগিবো।

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

লূকে লেখ্যে গম্ হবর্ 1:32

তে দাঙর্ অবঅ। তারে দাঙর্ গোজেনর পুয়ো কুয়ো অবঅ। প্রভু গোজেনে তার পূরোণি মানুচ্ রাজা দায়ূদো সিংহাসনান্ তারে দিবো।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

ইফিষীয় 5:32

ইয়েন এক্কান দাঙর্ গুমুরো সত্য-মাত্তর্ আজলে মুই খ্রীষ্ট আর তা মন্ডলীর্ কধা কঙর্।

যিহোশূয় 3:11

যিবে গোদা পিত্‌থিমীগানর গিরোজ্‌ তার সাক্ষ্য-সুন্দুক্কো তমা আগে আগে যর্দন গাঙান ভিদিরে যেবঅ‌।

যিহোশূয় 3:13

তুমি দেগিবা পুরো পিত্‌থিমীগানর গিরোজ্‌ লগেপ্রভুর সাক্ষ্য-সুন্দুক বোইয়্যে ধর্মগুরুগুনে যেইনে যর্দনর পানিত্‌ টেঙ্‌ দিবাক্‌ এমনে তা উগুরেত্তুন বেঈ যেইয়্যে গঙার্‌ পানি থামেই যেবঅ আর সে পানিগান অজল্‌ ওইনে থিয়্যেই যেবঅ‌।”

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।