যিশাইয় 54:14 - Chakma Bible

¹⁴ তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 54:14 ပူးပေါင်းရင်းမြစ်များ

গম্ উপদেজ্ 3:24

ঘুমেবার অক্তত্ তুই ন-দোরেবে, আর তঅ ঘুমান অবদে সুগোর্।

যিশাইয় 1:26

মুই আগ দিনো ধোক্ক্যেন তরে শাজন্‌গুরিয়্যে আর সল্লাদিয়্যেগুনোরে দিম্; সে পরেদি তরে কুয়া অবঅ ন্যায়র শঅর, সতী শঅর।”

যিশাইয় 1:27

গোজেনে তার দোল্ বিচের্‌‌লোই সিয়োনানরে উদ্ধোর্ গুরিবো, আর যিগুনে পাপত্তুন্ মনান্ ফিরেবাক্ তারারে উদ্ধোর্ গুরিবো তা গমান্দোই।

যিশাইয় 16:4

মোয়াবর ধেই যেইয়্যে মানুচ্চুনোরে তমা সমারে থেবাত্তে দুয়ো; ভস্ত গুরিয়্যেগুনোর মুজুঙোত্তুন্ তারারে লুগেই রাগঅ।” যিহূদাত্ অত্যেচারীগুনে শেজ্ ওই যেবাক্; ভস্তর্ কামানি থামেব। দেজত্ আক্রমণ গুরিয়্যেগুনোরে আর দেগা ন-যেবঅ।

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

যিশাইয় 26:2

তুমি গেট্‌তুন খুলি দুয়ো‌ যেনে গম্ আর বিশ্বেজি সে জাদ্‌তো সোমেই পারে।

যিশাইয় 32:17

সততাগানর্ ফল অবঅ শান্তি, আর সিয়েনর্ কারনে জনমত্তে থিদেবর্ আর নিশ্চয়তাগান এবঅ।

যিশাইয় 33:18

তর্ চিন্তে ভিদিরে থেবঅ আগর্ সেই অমকদ দর্‌গরেপারা কধা। তুই মনে গুরিবে, “কুদু সেই ইজেব-গুরিয়্যেবো? কুদু সেই মানুচ্চো, যে কর্ তুলিদো? কুদু ঘরর কাম্-পেইয়্যে সে কামগুরিয়্যেবো?”

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 30:20

তারার পুয়ো-ছাগুন আগ দিনো ধোক্ক্যেন অবাক্, আর মঅ মুজুঙোত্ তারার সমাজ্‌সো থিদেবর্ অবঅ। যিগুনে তারারে অত্যেচার গুরিবাক্ মুই তারারে সাজা দিম।‌‌‌‌

যিরমিয় 31:23

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই যেক্কে বন্দীদজাত্তুন্ মানুচ্চুনোরে ফিরেই আনিম সেক্কে যিহূদা দেজ্‌চান আর তা শঅরর্ মানুচ্চুনে আরঅ কবাক্, ‘ও ধার্মিক্কুনো থেবার্ ঘরান, ও সুদ্ধো-সাংগ মুড়োবো, লগেপ্রভু তরে বর্ দুয়োক‍্।’ ‍‍‍‍‍

হোশেয় 10:12

তুমি নিজোত্তে ন্যায়র্ বীজি ফেলঅ, বিশ্বেজর্ ফল কাবঅ আর তমার্ চাজ্ ন-গোজ্যে মনান্ ভাঙ, কিত্যে লগেপ্রভু ইন্দি ফিরিবার সময় ওইয়্যে। যেক্কে তুই সিয়েন গুরিবে সেক্কে তে এইনে তমা উগুরে সততার্ ঝড় দিবো।

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

সখরিয় 9:8

আক্রমনগুরিয়্যে সৈন্যদল আঢত্তুন্ মুই মঅ মানুচ্চুনোরে রোক্ষ্যে গুরিম। কনঅ অত্যেচারী আর কনদিন্‌অ মঅ মানুচ্চুনো ইধু ন-এবাক্, কিত্যেই ইক্কিনে মুই চুগি দুয়োঙর্।

২ পিতর 3:13

মাত্তর্ আমি গোজেনর্ এগেম্ মজিম নুয়ো আগাজ্ আর নুয়ো পিত্‌থিমীগানত্যে বাজ্জ্যেই আঘি। সিয়েনত্ বেক্কানি গোজেনর্ আওজ্ মজিম অবঅ।