যিশাইয় 53:6 - Chakma Bible

⁶ আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিশাইয় 53:6 ပူးပေါင်းရင်းမြစ်များ

পত্থম 22:6

ইয়েন কোইনে অব্রাহামে পুজ্যে-উৎসর্বত্তে দার্‌বো বোনাবো তা পুয়ো ইস্‌হাক কানাত্‌ তুলি দিইনে নিজে আগুনো পিলেবো আর ছুড়িগান্‌ নেযেল। সে পরেদি তারা দ্বিজনে একসমারে যাহ্ ধুরিলাক।

গীতসংহিতা 119:176

আরি যেইয়্যে ভেড়া ধোক্ক্যেন্ মুই বজং পধেন্দি যেয়োং; তঅ চাগর্‌বোরে তুই তোগেই লঅ, কিত্তে তঅ উগুমানি মুই ভুলি ন-যাং।

গীতসংহিতা 69:4

যিগুনে অকারনে মরে ঈচ্ গরন, তারা জনেদি মর্ চুলানিত্তুন্‌অ বেশ্। যিগুনে মরে ভস্ত গুরি ফেলেবাত্তে চান তারা বেশ্ বোলিবন্দ; তারা মিজে মিজে মর্ শত্রু ওইয়োন। মুই যিয়েন চুর্ ন-গরং সিয়েন্‌অ মত্তুন ফিরেই দিয়্যে পোজ্যে।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

যিশাইয় 53:5

আমা পাপত্তে তারে পেরেক্ মারা ওইয়্যে; আমা অন্যেয়ত্তে তারে চুর্‌‌মার্ গরা ওইয়্যে। যে সাজাগানর ফলে আমার সুগ্-শান্দি এচ্চ্যে সেই সাজাগান তারেই দিয়্যে ওইয়্যে; তে যে আঘাত্‌তান পেইয়্যে সিয়েনত্তে আমি গম্ ওইয়্যেই।‌‌‌‍

যিশাইয় 53:7

তে অত্যেচারিত অলঅ আর দুঘ্ পেলঅ, মাত্তর্ তো তে মুয়োন্ ন-খুলিলো; কাবি ফেল্যে ভেড়া ছঅ ধোক্ক্যেন, কেশ্ উগুরেয়্যেগুনো মুজুঙোত্ জুরো গুরি থেইয়্যে পাদি ভেড়া ধোক্ক্যেন তে মুয়োন্ ন-খুলিলো।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 55:8

লগেপ্রভু কত্তে, “মর্ চিদেচজ্জানি তর্ চিদেচজ্জা ধোক্ক্যেন নয়, মঅ পত্‌‍‌‌‍‍‍‍‍থান তমা পথ্‌তান ধোক্ক্যেন নয়। ‍

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিশাইয় 6:7

সেই আঙারাবো তে মঅ মুয়োনত্ বাজেইনে কলঅ, “চাহ্, ইবে তঅ মুয়োনত্ বাস্যে; তঅ ভান্ন্যেয়ানি দূর্ গরা ওইয়্যে আর তঅ পাপ্‌পানি ফুজি ফেলা ওইয়্যে।” ‌‌

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিরমিয় 50:6

মঅ মানুচ্চুন আড়েয়্যে ভেড়া ধোক্ক্যেন্ ওইয়োন; তারার গরগ্‌‌কো তারারে ভান্ন্যেই পধেদি নেযেয়্যে। সে গরগ্‌‌কুনোর কারনে তারা মুড়ো-মুড়ি ঘুরি বেড়েয়োন আর নিজো জিরেবার জাগান কধা ভুলি যেইয়োন।

যিহিষ্কেল 3:18

মুই যেক্কে এক্কো পাজি মান্‌‌‌‌‌‌‌‌জ্যরে কং, তুই হামাক্কায় মুরিবে, সেক্কে তুই যুনি তারে উজিয়ার ন-গরচ্, বা তার্ পরাণান বাঁজেবাত্তে ভান্ন্যেই পধত্তুন্ ফিরেবাত্তে কিজু ন-কচ্, সালে সেই পাজি মানুচ্চোত্তে তার পাপত্তে মুরিবে, মাত্তর্ তার মরণত্তে মুই তরে দায়ী গুরিম।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

যাকোব 5:20

মাত্তর্ এ কধাগান ইদোত্ রাগেয়ো-যুনি কেঅ এক্কো পাপীরে ভুল্ পধত্তুন্ ফিরেই আনে সালে তে তারে মরণত্তুন্ বাজেল আর বোউত্ পাপ নাঢি রাগায়।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

বিচের গুরিয়্যেগুন 21:25

সেক্কেয়ো ইস্রায়েলীয়গুনো ভিদিরে কনঅ রাজা ন-এলাক। যে যিয়েন গম মনে গুরিদো তে সিয়েনই গুরিদো।