যিশাইয় 53:12 - Chakma Bible

¹² সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

যিশাইয় 53:12 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

ইয়োব 30:16

ইক্কিনে মঅ জিংকানিত্ ভাতা পোজ্য; দুঘো দিনুনে মরে আক্রমণ গত্তন্।

গীতসংহিতা 2:8

তুই মইদু চাহ্, সেক্কে সোম্বোত্তি ইজেবে মুই তঅ আঢত্ অযিহূদী জাদ্‌তোরে দিম; পুরো পিত্‌থিমীগান তঅ গজগত্ এবঅ।

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

যিশাইয় 49:4

মাত্তর্ মুই কলুং, “মঅ কামান ন-ফলে; মুই ভান্ন্যেই আজালোই লাভ নেইয়্যে গুরি মঅ বলান্ ফেলেয়োং। তো মর্ যিয়েনি পাওনা সিয়েনি লগেপ্রভুর্ আঢত্ রোইয়্যে, আর মঅ বক্‌‍শিজচান গোজেন ইদু আঘে।”

যিশাইয় 52:13

লগেপ্রভু কত্তে, “চাহ্, মঅ চাগর্‌বো সফল অবঅ। তারে অজলত্ তুলো অবঅ আর তে বাঈনী আর সন্মান পেবঅ। ‌‌

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিশাইয় 53:8

অত্যেচার আর অন্যেয় বিচের্ গুরি তারে মারে ফেলা ওইয়্যে। সেই সময়োত্ মানুচ্চুনো ভিদিরে কন্না খিয়েল্ গোজ্যে যে, মঅ মানুচ্চুনোর্ পাপত্তে তারে জেদা মানুচ্চুনোর দেজত্তুন্ শেজ্ গুরি ফেলা ওইয়্যে? সেই সাজাগান দঅ তারাত্তুন্ পাওনা এলঅ।

দানিয়েল 2:45

ইয়েন অলঅ সেই মুড়োবোত্তুন্ কাবি নেযেয়্যে পাত্তর্ যিবে মান্‌‌জ্য আঢে কাবা ন-অয়। সেই পাত্তর্‌‌বো লুয়ো, পিদোল, মাদি, রূবো আর সোনাগানরে কট্টা কট্টা ভাঙি ফেলেয়্যে। ভবিচ্চদে যিয়েন ঘুদিবো সিয়েন এবাবোত্যেগুরি দাঙর্ গোজেনে মহারাজরে দেগেই দিয়্যে। স্ববনান্ সত্য আর সিয়েনর্ ভাঙিদেনায়ো বিশ্বেজ্ গুরিবার।”

মথি লেখ্যে গম্ হবর্ 26:42

তে ফিরি যেইনে দ্বিবারত্ তবনা গুরিনে কলঅ, “ও বাহ্, মুই ন-গুজিলেয়ো যুনি এই দুঘোর্ গলচ্চো দূর্ ন-অয় সালে তঅ আওজ্‌চান পূরোণ্ ওক্।”

মার্ক 15:27

তারা দ্বিজন ডাগেদরেয়ো যীশু লগে ক্রুশোত্ দিলাক্, একজনরে ডেনেদি আর অন্যজনরে বাঙেদি।

মার্ক 15:28

সেক্কে পবিত্র বোইয়োর্ এ কধাগান্ পূরোণ অলঅ: “তারে অন্যেয় গুরিয়্যেগুনো লগে গোণা অলঅ।”

লূকে লেখ্যে গম্ হবর্ 22:37

পবিত্র বোইবোত্ লেগা আঘে, ‘তারে পাপীগুনো সমারে গুণো অলঅ।’ মুই তমারে কঙর্, এ কধাগান্ মঅ মাধ্যমে পূরোণ্ ওয়া পুরিবো, কিয়া মঅ পৌইদ্যেনে যিয়েন্ লেগা আঘে সিয়েন্ পূরোণ্ অবাত্তে যার্।”

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 2:12

পুয়ো-ঝিগুন্, খ্রীষ্টত্যে তমা পাপ্পানি ক্ষেমা গরা ওইয়্যে বিলিনে মুই তমা ইধু লেগঙর্।