যিশাইয় 52:9 - Chakma Bible

⁹ ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 52:9 ပူးပေါင်းရင်းမြစ်များ

গীতসংহিতা 98:4

পিত্‌থিমীর বেক মানুচ্চুন্, তুমি লগেপ্রভুর নাঙে রঙ্গ-ফুত্তি গরঅ; হুজিয়্যে-গীদে রঅ ছাড়িনে নাং গিনেদে গীদ্ গঅ।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 14:7

ইক্কিনে বেক্ পিত্‌থিমীগানে রেহাই আর শান্তি পেইয়্যে; সেনত্তে তারা হুজিয়ে গান গাদন্।‌

যিশাইয় 40:1

তমা গোজেনে কোইয়্যেদে, “মঅ মানুচ্চুনোরে সান্ত্বনা দুয়ো, সান্ত্বনা দুয়ো।

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 55:12

তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিশাইয় 61:4

তারা আগ দিনোত্ ভস্ত ওইয়্যে জাগানি আরঅ তুলিবাক আর ঠিগ্ গুরিবাক। যেদক্কানি শঅর্ বংশর পর বংশ ধুরিনে ভস্ত ওই যেইয়্যে সিয়েনি তারা আরঅ নূয়ো গুরি বানেবাক্।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

মীখা 4:10

ও সিয়োন-ঝিবো, পুয়ো-ফুদোইদ্যে দুঘ্ পেইয়্যে মিলে ধোক্ক্যেন তুই পীড়েলোই এগুর্ উগুর্ হা, কিত্যে ইক্কিনে তত্তুন্ শঅর্ ছাড়িনে খুলো মাদত্ যেইনে থাহ্ পড়িবো। তুই বাবিলোত্ যেবে; সিয়েনত্ তুই উদ্ধোর্ পেবে। লগেপ্রভু সিয়োদোই তঅ শত্রুগুনো আঢত্তুন্ তরে উদ্ধোর্ গুরিবো।

গালাতীয় 4:27

পবিত্র বোইবোত্ লেগা আঘে, “ও ভান্ন্যেই মিলেবো, যিবের্ কনদিন্অ পুয়ো-ছা ন-অয়, তুই হুজিয়ে গীদ্ গাহ্; তুই, যিবের্ কনদিন্অ পুয়ো ফুদোইদ্যে ধোক্ক্যেন পীড়ে ন-অয়, তুই গানে দুলি পড়্, হুজিয়ে রঅ ছাড়্; কিয়া যিবের্ নেক্ আঘে তাত্তুন্ বেশ্ যিবের কনজন নেই তার্ পুয়ো-ছা বোউত্ বেশ্ অবাক্।”