যিশাইয় 52:8 - Chakma Bible

⁸ শুন্, তঅ চুগিদারুনে রঅ ছাড়দন্, তারা হুজিয়ে একসমারে কিজিক্ কাজাক্ গরদন্, কিত্তে লগেপ্রভু যেক্কে সিয়োনত্ ফিরি এবঅ সেক্কে তারা নিজো চোগেদি সিয়েনি দেগিবাক্।

যিশাইয় 52:8 ပူးပေါင်းရင်းမြစ်များ

পরমগীত 3:3

চুগিদারুনে শঅরত্ ঘুরি ঘুরি চুগি দিবার্ সময়োত্ মরে দেগিলাক্। মুই তারারে পুযোর্ গুরিলুং, “তুমি কি মঅ পরাণর্ কোচ্‌‌‌‌পানাগানরে দেখ্য?”

পরমগীত 5:7

চুগিদারুনে শঅরত্ ঘুরি ঘুরি চুগি দিবার্ অক্তত্ মরে দেগিলাক্; তারা মরে পিদিলাক্, সেক্কে কালাদাগ্ পড়িলো; শঅর-দেবাল চুগিদারুনে মঅ কিয়্যে কাবড়ান্ কাড়ি নিলাক্।

যিশাইয় 24:14

তারা রঅ ছাড়িবাক্ আর হুজিয়ে গান গেবাক্। তারা পোজিমেত্তুন্ দাঙর্ দাঙর্ গুরি লগেপ্রভুর মহিমাগানর্ বাঈনী গুরিবাক্।

যিশাইয় 26:1

সেদিন্যে যিহূদা দেজত্ এ গান্নো গাহ্ অবঅ: আমার্ এক্কান দরমর শঅর্ আঘে; গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।

যিশাইয় 27:2

সেদিন্যে এ গান্নো গাহ্ অবঅ: “তুমি গান গঅ সেই আংগুর খেত পৌইদ্যেনে যিয়েনত্তুন্ রস পাহ্ যায়।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিশাইয় 62:6

ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যিরমিয় 33:7

মুই যিহূদা আর ইস্রায়েলর মানুচ্চুনোরে বন্দীদজাত্তুন্ ফিরেই আনিম আর তারা দেজ্‌‌চান আগ ধোক্ক্যেন তুলি দিম।

যিরমিয় 6:17

মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

যিহিষ্কেল 3:17

ও মান্‌‌‌‌‌‌‌জ্য পুয়োবো, ইস্রায়েলীয়গুনোত্তে মুই তরে চুগিদার্ বানেয়োং; সেনত্তে মুই যিয়েন কং সিয়েন তুই শুন্ আর মর্ ওইনে তারারে উজিয়ার গর্।

যিহিষ্কেল 33:7

ও মান্‌‌‌‌‌‌‌‌‌‌জ্যর পুয়োবো, ইস্রায়েল জাদত্তে মুই তরে চুগিদার নেযেয়োং; সেনত্তে মুই যিয়েনি কঙর্ সিয়েনি শুন্ আর মর্ ওইনে তারারে উজিয়ার গর্।

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

প্রেরিত্‌ 2:1

ইয়েনর কয়েক দিন পরে পঞ্চাশত্তমী-পরবর্ দিনোত্ শিচ্চ্যগুনে এক্কান জাগাত্ থুবেলাক্।

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 19:4

গোজেন, যিবে সিংহাসনত্ বৈ আঘে তারে সেই চব্বিচ্‌জন নেতা আর সেই চের্‌বো জেদা প্রাণী মাঢা নিগুরিনে সালাম গুরিনে কলাক্, “আমেন। হাল্লেলূয়া!”