যিশাইয় 52:5 - Chakma Bible

⁵ আর ইক্কিনে ইয়েনত্ মর্ কি আঘে? মঅ মানুচ্চুনোরে দঅ এনেবাদে নেযা ওইয়্যে, আর তারার্ শাজন্‌গুরিয়্যেগুনে তারারে গেইল্ দুয়োন্; নিত্য মঅ নাঙানরে ইংসে গরা অয়।

যিশাইয় 52:5 ပူးပေါင်းရင်းမြစ်များ

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

গীতসংহিতা 44:12

পেরায় টেঙা-পোজে ছাড়া তর্ মানুচ্চুনোরে তুই বিজি দুয়োচ্; ইয়োত্ তর্ কি লাভ ওইয়্যে?

গীতসংহিতা 74:10

ও গোজেন, শত্রুগুনে আর কয়দিন ঠাট্টা-তামাজা গুরিবাক্? জিংকানিবর্ কি শত্রুগুনে তর্ নাঙান অগমান গুরিবাক্?

গীতসংহিতা 74:18

ও লগেপ্রভু, পুরি ন-ফেলেচ্ শত্রুগুনে তরে নিইনে ঠাট্টা-তামাজা গোজ্যন্, বাজে-বিবেকবলা মানুচ্চুনে তর্ নাঙান অগমান গোজ্যন্।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যিশাইয় 22:16

তুই ইদু কি গরর্? আর ইদু নিজোর গোরান্ কুড়িবাত্তে, অজল্ জাগাত তঅ গোরান্ ঠিগ্ গুরিবাত্তে, মুড়ো কাবিনে জিরেবার-জাগায়ান্ বানেবাত্তে কন্না তরে অধিকার দিয়্যে?

যিশাইয় 37:28

মাত্তর্ তুই কুদু থাচ্ আর কক্কে এজস্ বা যাচ্ আর কেধোক্ক্যেন্ গুরি মঅ বিরুদ্ধে রাগ্ গরচ্ সিয়েনি বেক্কানি মুই হবর্ পাং।

যিশাইয় 37:6

সেক্কে যিশাইয় তারারে কলদে, “তমা গিরোজ্‌সোরে কবাদে, লগেপ্রভু কোইয়্যেদে, ‘তুই যিয়েনি শুন্ন্যচ্, অত্তাৎ আসিরিয়ার্ রাজার কামগুরিয়্যেগুনে মঅ বিরুদ্ধে যেদক্কানি অগমানর কধা কোইয়োন সিয়েনি ন-দোরেচ্।

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিশাইয় 51:20

তঅ পুয়োগুনে অজ্ঞান ওই যেইয়োন্; তারা জালত্ পোজ্যে উরিঙো ধোক্ক্যেন পত্তি পধ মাদাথ্ পড়ি থান্। তারা উগুরে লগেপ্রভুর রাগ্‌কান, তর্ গোজেনর সাজাগান ভর্‌‍পুনোং গুরি লামি এচ্চ্যে।‍

যিশাইয় 51:23

মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

যিশাইয় 52:3

প্রভু লগেপ্রভু কত্তে, “তরে এনেবাদে বেজা ওইয়্যে আরঅ এনেবাদে উদ্ধোর্ গরা অবঅ।

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

আবিলেচ্ 1:21

মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

আবিলেচ্ 2:3

অমকদ রাগে তে ইস্রায়েলর বেক্ খেমতাগান বর্‌বাত্ গুরি দিয়্যে। শত্রুগুনে উজেই এবাত্তে চেলেয়ো তার্ খেমতাবলা আঢ্‌তানি তে গুজেই থোইয়্যে। চেরোকিত্তে বেক্কানি পুড়ি যেইয়্যে আগুনো জিলো ধোক্ক্যেন্ তে যাকোব ভিদিরে জুলি উঠ্যে।

যিহিষ্কেল 20:14

মাত্তর্ মঅ সুনাঙান রোক্ষ্যে গুরিবাত্তে মুই সিয়েন ন-গরং, যেনে যে জাদ্‌‌‌‌‌তুনো মুজুঙোত্ মুই তারারে নিগিলেই আন্যং তারা ইধু মঅ নাঙান্ অসিজি ন-অয়।

যিহিষ্কেল 20:9

মাত্তর্ মঅ সুনাঙান্ রোক্ষ্যে গুরিবাত্তে মুই সিয়েন ন-গরং, যেনে তারা যে জাদ্‌‌‌‌তুনো ভিদিরে বজত্তি গোজ্যন তারা ইধু মঅ নাঙান্ অসিজি ন-অয়। মিসর দেজত্তুন্ ইস্রায়েলীয়গুনোরে নিগিলেই আনিনে সেই বেক্ জাদ্‌‌‌‌তুনোর চোগো মুজুঙোত্ মুই ইস্রায়েলীয়গুনো ইধু নিজোরে ফগদাং গুরিলুং।

সফনিয় 1:10

লগেপ্রভু আরঅ কোইয়্যেদে, “সেদিন্যে মাছ-গেদোত্তুন্ কানানি রঅ, শঅর দ্বিলম্বর্ ভাগত্তুন্ আবিলেচ রঅ আর মুড়োগুনোত্তুন্ ভাঙি পড়ানার্ দাঙর্ দাঙর্ রঅ শুনো যেবঅ।

রোমীয় 2:24

পবিত্র বোইবোত্ এ কধাগান্ লেগা আঘে, “তমাত্যে অযিহূদীগুনে গোজেন নাঙানর্ বদ্‌নাম্ গরন্।”

বিচের গুরিয়্যেগুন 18:3

সেই অক্তত্‌ তারা সেই লেবীয় গাবুজ্যে পূঅবোর মুয়োর্ রবো চিনিলাগ্‌। সেনত্তেই তারা ভিদিরে সুমিনে তারে পুজোর্‌ গুরিলাক্‌, “তরে ইয়েনত্‌ কন্না আন্যে? ইয়েনত্‌ তুই কি গরর্‌ আর কিত্তেই বা ইয়েনত্‌ এচ্ছোস্‌?”