যিশাইয় 52:15 - Chakma Bible

¹⁵ মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিশাইয় 52:15 ပူးပေါင်းရင်းမြစ်များ

ইয়োব 21:5

মইন্দি চেইনে তুমি আমক্‌ অ; তমার্‌ মুয়োন্দি আঢ্‌তান চাহ্‌বি দুয়ো।

ইয়োব 40:4

“মুই দঅ অযোগ্য, মুই কেধোক্ক্যেন গুরিনে তরে জোব্ দিম? মর্ মুগান্ মুই আঢ্‌তোই চিবি দুয়োং।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

গণাণা 19:18

সে পরেদি সিজি অবস্থায় আঘে এধোক্ক্যেন এক্কো মানুচ্‌ এসোবর্‌ কয়েক্কো ডেলা সেই পানিগানত্‌ ভুরেইনে সেই তাম্বুলোত্‌, সে ভিদিরে পজাপিরানিত্‌ আর মানুচ্চুনো উগুরে সিয়েন্‌ ছিদি দিবো। মান্‌জ্যর হাড়্‌ বা গোর্ বা মারে ফেলেয়্যে বা মুরি যেইয়্যে মান্‌জ্যরে ধোজ্যে এধোক্ক্যেন মান্‌জ্য উগুরেয়ো সেই পানিগান্‌ ছিদি দিয়্যে পুরিবো।

গণাণা 8:7

ইঙিরিনে তুই তারারে শুদ্ধো-সাংগ গুরিবে: তারা উগুরে শুদ্ধো-সাংগ গুরিবার্‌ পানিগান ছিদি দিবে। সে পরেদি তারার গোদা কিয়্যেগান ধোইনে কাবড়-চুগোরানি ধোইনে নিজোরে শুদ্ধো-সাংগ গুরিবাক্।

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 11:28

তে বিশ্বেজ্ গুরিনে উদ্ধোর্-পরব্ আর লো ছিদিবার সুদোমান পালন গোজ্জ্যে, যেনে যে ভস্ত গুরিয়্যে স্বর্গদূত্‌তো পত্তম পুয়োগুনোরে মারে ফেলেব তে ইস্রায়েলীয়গুনোরে ন-ধরে।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।