যিশাইয় 52:12 - Chakma Bible

¹² মাত্তর্ তুমি যাদিমাদি গুরি নিগিলি ন-এচ্চ্য বা ধেইয়ো ন-এবা, কিত্তে লগেপ্রভু তমা আগে আগে যেবঅ; ইস্রায়েলর গোজেনে তমারে পিজেন্দিত্তুন্ রোক্ষ্যে গুরিবো।

যিশাইয় 52:12 ပူးပေါင်းရင်းမြစ်များ

১ বংশধর 14:15

বাখা গাজ্‌ছুনো উগুরে যেক্কে তুই সৈন্যদলুনোর্ আদন্দে ধোক্ক্যেন রঅ শুনিবে সেক্কে তুই যুদ্ধোত্তে নিগিলিবে। ইয়েনর্ ভেদ্‌তান্‌ অলঅ, পলেষ্টীয় সৈন্যগুনোরে আঘাত্‌ গুরিবাত্তে গোজেনে তমা আগে আগে যেইয়্যে।”

যাত্রা 12:11

তুমি এ অবস্থায়্‌ সিয়েনি হেবা; তমা কাবড়্‌ থেবঅ কমরত্‌ গুজেয়্যে, টেঙত্‌ থেবঅ জদা আর আঢত্‌ লুদিক্‌। তুমি যাদিমাদি হেবা। ইবে অলঅ লগেপ্রভুর নাঙে উদ্ধোর-পরবর্‌ হানা।

যাত্রা 12:33

মিসরীয়গুনোর্‌অ দর্‌ লাগিলো, তারায়ো দগে ন-অলে মুরি যেবাক্। সেনত্যেই তারা ইস্রায়েলীয়গুনোরে তাগাদা দিয়া ধোজ্যন্‌ যেনে তারা যাদিমাদি তারার্‌ দেজত্তুন্‌ নিগিলি যান্‌।

যাত্রা 12:39

যে সদানেইয়্যে মোইদ্যের্‌ ডলাগুন্ তারা মিসরত্তুন্‌ লোই এচ্ছোন্ পদথ্‌ তারা সিয়েনিলোই পিদে বানেলাক্‌। এদক্‌ যাদিমাদি মিসর দেজত্তুন্‌ তারারে নিগিলেই দিয়্যে অলদে যে, তারা মোইদ্যেগানি লগে সদা মিজেবার্‌অ‌ সময় ন-পান্‌ আর পদথ্‌ হেবাত্তে কনকিজু বানেয়ো নেযেই ন-পারন্‌।

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যিশাইয় 26:7

গোজেনভক্ত মানুচ্চুনোর পথ্‌তান্ সং থায়; ও ন্যায়বলা, তুই গোজেন ভক্তগুনোর্ পথ্‌তানি সং গুরি থাচ্।

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 45:2

তে কোরসরে কত্তে, মুই তঅ আগে আগে যেইনে অজল্-নিজো জাগায়ানি সং গুরি দিম; মুই পিদলর্ বেক্ গেট্‌‌তুন্ ভাঙি দিম আর লুয়োর্ হেবাগুন্ কাবি ফেলেম।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 49:11

মর্ বেক মুড়োগুনোরে মুই পথ বানেম; মঅ পথ্‌তানি বানা অবঅ।

যিশাইয় 51:14

বন্দীগুনোরে যাদিমাদি ইরি দিয়্যে অবঅ। তারা তারার্ জেলখানা গাদত্ মুরি ন-যেবাক্, তারার হানার্‌অ অভাব ন-অবঅ।

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

যিশাইয় 58:8

সালে তমা পহ্‌রান বেন্যে মাদান ধোক্ক্যেন ফগদাং অবঅ‍ আর যাদিমাদি তুমি গম্ অবা; তমা সততাগানি তমা আগে আগে যেবঅ আর মর্ বাঈনী গরানাগান্ তমা পিজে পিজে রোক্ষ্যে গুরিয়্যে অবঅ।‌

মীখা 2:13

বন্দীদজাত্তুন্ ফিরি এবাত্তে যিবে পথ খুলি দিবো তে তারার্ আগে আগে যেবঅ; তারা গেইট্ ভাঙিনে নিগিলি এবাক্। লগেপ্রভু, যিবে তারার্ রাজা, তে তারার্ আগে আগে যেবঅ।

গণাণা 10:25

বেক্কুনে যেরেন্দি যাহ্ ধুরিলাক দান-ভাগর নানান্‌ দলুন তারার্‌ বড় চাগালার্ বাবতাগানর্ তলে। ইগুনে রোক্ষ্যেগুরিয়ে দল ইজেবে বেক্‌ দলুনোর পিজেন্দি গেলাক্। দান-গুট্টির নেতা এলঅ অম্মীশদ্দয়র পূঅ অহীয়েষর।

দ্বি’লম্বর বিররণ 16:3

সে য়েমানর য়েরাগান তুমি সদা দিয়্যে পিদেলোই ন হেবা। সাত দিন সং তমাত্তুন্‌ দুখ্‌-কট্টগানি ইদোত্‌ তুলিনে সদাছাড়া পিদে হা পুরিবো, কিত্যে দরে যাদিমাদি গুরিনে তুমি মিসর দেজ্‌ছান ছাড়িনে এই যেয়োগোই। ইয়েন্দোই মিসর দেজত্তুন নিগিলি এজানার কধাগান তমাত্তুন সারা জীংকানিবর্‌ মনত্‌ থেবঅ।

দ্বি’লম্বর বিররণ 20:4

শত্রুগুনো সমারে যুদ্ধো গুরিনে তমারে ঝিদেই দিবাত্তে তমার গোজেন লগেপ্রভুই তমা লগে লগে যার্‌।

যিহোশূয় 4:11

তারা বেক্কুনে পার্‌ অনার পরেন্দি লগেপ্রভুর সাক্ষ্য-সুন্দুক্কো নিইনে ধর্মগুরুগুনে মান্‌জ্যর্‌ চোগো মুজুঙোত্‌ এপারত্‌ এইনে উদিলাক্‌।

যিহোশূয় 6:9

যে ধর্মগুরুগুনে বাশি বাজাদন্‌ তারার্‌ আগে আগে যাহ্ ধুরিলাক আত্যের্‌ আদত্‌ একদল সৈন্য আর সুন্দুগোর্‌ পিজে পিজে যাহ্ ধুরিলাক পিজেন্দি থেইয়্যে রোক্ষেদলুন্‌। ধর্মগুরুগুনে পুরো পথ্‌তানত্‌ বাঁশি বাজা ধুরিলাক্‌।

বিচের গুরিয়্যেগুন 4:14

সেক্কে দবোরা বারকরে কলদে, “তুই উজেই যাহ্, লগেপ্রভু এচ্ছ্যে সীষরারে তঅ‌ আঢত্‌ তুলি দিলো। লগেপ্রভু দঅ‌ তর্‌ আগে আগে যেইয়্যে।” সেক্কে বারকে তাবোর মুড়োবোত্তুন্‌ তলেন্দি লামিলো আর তা পিজে পিজে দশ আজার মানুচ্‌ গেলাক্‌।