যিশাইয় 52:11 - Chakma Bible

¹¹ তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

যিশাইয় 52:11 ပူးပေါင်းရင်းမြစ်များ

১ বংশধর 15:12

তে তারারে কলঅ, “তুমি অলাদে লেবি-গুট্টির নানান্‌ বংশর নেতা; তুমি আর তমা সমাজ্যে লেবীয়গুনে গোজেন নাঙে নিজোরে ফারক্‌ গুরি নেযেবা, যেনে যে জাগায়ান্‌ মুই যুক্কোল্‌ গুরি রাগেয়োং সে জাগানত্‌ তুমি ইস্রায়েল গোজেন লগেপ্রভুর সুন্দুক্কো আনিনে রাগেই পারিবা।

যাত্রা 30:19

সেই পানিগান্দোই হারোণে আর তার্‌ পূঅগুনে আত্‌-টেং ধবাক্‌।

যিশাইয় 1:16

তুমি নিজোরে খাটি গরঅ, সিজি অ। মঅ চোগো মুজুঙোত্তুন্ তমার্ বেক্ ভান্ন্যেই কামানি দূর্ গুরি দুয়ো; সিয়েনি আর ন-গোজ্য।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 66:20

লগেপ্রভুর নাঙে উৎসর্ব ইজেবে তারা বেক্ জাদ ভিদিরেত্তুন্ তমা ভেইয়ুনোর রথ আর গাড়িত্ গুরিনে আর ঘোড়া, গাধা আর উট্‌টোই মর্ সুদ্ধো-সাংগ মুড়ো যিরূশালেমত্ এবাক্। ইস্রায়েলীয়গুনে যেবাবোত্যে সিজি গোজ্যে পিলে ভিদিরে শোজ্য-উৎসর্বর জিনিস আনন্ সেবাবোত্যেগুরি তারা লগেপ্রভুর ঘরত্ তারারে আনিবাক্।

যিরমিয় 31:21

“তুমি পধে পধে পথ্‌‍‍‍তান চিনিবার চিহ্নো দুয়ো আর খুদো গারঅ। যে পধেদি তুই যেইয়োচ্ সেই রাজপধর্ কধা ইদোত্ রাগা। ও গাবুরী ইস্রায়েল, ফিরি আয়, তর্ বেক শঅরানিত্ তুই ফিরি আয়।

যিরমিয় 50:8

ও ইস্রায়েলীয়গুন, তুমি বাবিলত্তুন্ ধেই যঅ; বাবিলীয়গুন দেজ্‌‌‍চান ছাড়ি যঅ আর পাল আগে আগে যেইয়্যে পাদাগুনো ধোক্ক্যেন্ অ।

যিরমিয় 51:45

ও মর্ মানুচ্চুন্, বাবিল ভিদিরেত্তুন্ নিগিলি এজঅ। তুমি পত্তিজনে নিজো জিংকানিগানি রোক্ষ্যে গরঅ। লগেপ্রভুর জ্বোল্‌‌‌‌‌‌‌‌‌জল্যে রাগত্তুন্ দাবা যেইনে ধেই যঅ।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যিহিষ্কেল 44:23

মঅ নাঙে যিয়েনি যুদো গরা ওইয়্যে আর যিয়েনি যুদো গরা ন-অয় সিয়েনি ভিদিরে ফারগ্‌‌কান কি সিয়েনি তারা মঅ মানুচ্চুনোরে শিক্ষ্যে দিবাক্ আর কুবোন্ সিজি আর কুবোন্ অসিজি সিয়েনি তারারে দেগেই দিবে।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 11:45

কিত্তেই মুই লগেপ্রভু; তমার্ গোজেন অবাত্তে মুই মিসর দেজত্তুন্‌ তমারে নিগিলেই আন্যং। মুই পবিত্র বিলি তমাত্তুনো পবিত্র অয়া পুরিবো।

লেবীয় 11:47

কুবো শুদ্ধো-সাংগ আর কুবো ফিবলা, কন্‌ এ্যামানর্‌ য়েরা তুমি হেই পারিবা আর কন্‌ য়েমানর্‌ য়েরা তুমি হেই ন-পারিবা সিয়েনি বুঝিনে তমাত্তুন্‌ আঢা পুরিবো।”

লেবীয় 21:6

সিয়েন্‌ গুরিনে তারা তারার্‌ গোজেনর্‌‌ নাঙানর্‌ পবিত্রতাগান বর্বাদ গুরি ন-পারিবো। তারা যেন তারার্‌ গোজেনর্‌‌ নাঙে ফারগ্ ওই থান্‌। ধর্মগুরুগুনে লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্‌ গুরিবাক্, আর সেনত্তে লগেপ্রভুর নাঙে তারাত্তুন যুদো ওই থাহ্‌ পুরিবো। এ উৎসর্বর্‌ জিনিস্‌চান অলঅ তারার্‌ গোজেনর্‌‌ নাঙে উৎসর্ব গোজ্যে হানা।

সখরিয় 2:10

লগেপ্রভু কত্তে, “ও সিয়োন-ঝিবো, ফুত্তি গুরিনে গান গাহ্ আর হুজি অ, কিত্যে মুই এজঙর্, আর মুই তমাইদু বজত্তি গুরিম।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

গণাণা 16:26

মোশি ইস্রায়েলীয়গুনোরে কলঅ, “তুমি এই পাজি মানুচ্চুনোর্‌ তাম্বুলো কায়কুরেত্তুন্ সুরি যঅ। তারার কনঅ জিনিস তুমি ন-ধোজ্য; যুনি সিয়েন্‌ গরঅ সালে তারার্‌ পাবত্তে তমারেয়ো শেজ্ গুরি ফেলা অবঅ।”

গণাণা 19:11

যুনি কনজনে কারর্ মরাকিয়্যে ধরন সালে তে সাতদিন সং অসিজি অবস্থায় থেবঅ।

গণাণা 19:16

যুদ্ধোত্‌ বা এনেবাদে মুরি যেইনে খোলা মাদত্‌ পড়ি আগন্‌ এধোক্ক্যেন কাররে যুনি কনজনে ধরন্‌ সালে তে সাত দিন সং অসিজি অবস্থায় থেবঅ। কনজনে যুনি মান্‌জ্যর্‌ হাড়্‌ বা গোর্ ধরন্‌ সালে তেয়ো সাত দিন সং অসিজি অবস্থায় থেবঅ।

গণাণা 8:6

তুই অন্য ইস্রায়েলীয়গুনো ভিদিরেত্তুন্‌ লেবীয়গুনোরে নিগিলেই নেযেইনে তারারে শুদ্ধো-সাংগ গর্‌।

প্রেরিত্‌ 10:14

পিতরে কলঅ, “না, না, প্রভু, কনঅ বাবদে না। অপবিত্র বা অসিজি কনঅ কিজু মুই কনদিন্অ ন-হাং।”

প্রেরিত্‌ 10:28

সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়।

রোমীয় 14:14

প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

ইফিষীয় 5:11

আন্ধারর্ নিষ্ফল কামর্ লগে তমার যোগ ন-থোক্; তুমি বরং সিয়েনির দুচ্‌ দেগেই দুয়ো,

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।