যিশাইয় 51:7 - Chakma Bible

⁷ “যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 51:7 ပူးပေါင်းရင်းမြစ်များ

গীতসংহিতা 37:31

তারার গোজেনর উগুমানি তারা মনানিত্ আঘে; তারার টেঙানি বিজিদি ন-যেবঅ।

গীতসংহিতা 40:8

ও মর্ গোজেন, তর্ আওজ মজিম জিংকানি কাদানা মর্ হুজি; তর্ বেক্ উগুমানি মর্ মনত্ আঘে।”

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 37:6

সেক্কে যিশাইয় তারারে কলদে, “তমা গিরোজ্‌সোরে কবাদে, লগেপ্রভু কোইয়্যেদে, ‘তুই যিয়েনি শুন্ন্যচ্, অত্তাৎ আসিরিয়ার্ রাজার কামগুরিয়্যেগুনে মঅ বিরুদ্ধে যেদক্কানি অগমানর কধা কোইয়োন সিয়েনি ন-দোরেচ্।

যিশাইয় 51:1

লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিরমিয় 1:17

“তুই কমরত্ বানিনে থিয়্যে আর মুই তরে যিয়েনি কবাত্তে উগুম গুরিম্ সিয়েনি তুই তারারে কঅ। তারারে দেগিনে তুই ভাঙি ন-পড়িচ্, যুনি পড়চ্ সালে মুই এমন্ গুরিম যেনে তারা মুজুঙোত্ তুই এক্কুবারে ভাঙি পড়চ্।

যিহিষ্কেল 2:6

মাত্তর্ ও মান্‌‌‌জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

মথি লেখ্যে গম্ হবর্ 5:11

তুমি বর্‌পেইয়্যে, যেক্কে মান্‌‌জ্যে মত্তে তমারে অগমান্ গরন্ আর অত্যেচার্ গরন্ আর মিজে গুরিনে তমা নাঙে নানান্ বাবোত্যে ভান্ন্যেই কধা কন্।

লূকে লেখ্যে গম্ হবর্ 6:22

বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

দ্বি’লম্বর বিররণ 6:6

এ বেক্‌ উগুমানি যিয়েনি এচ্চ্যে মুই তমারে দুয়োঙর্‌ সিয়েনি যেন তমার মনত্‌ থায়।

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

ইব্রীয় 10:16

প্রভু কইদ্যে, “যেরেদি মুই তারাত্যে যে বেবস্থাগান থিদেবর্ গুরিম সিয়েন অলঅ, মর্ রীদি-সুদোমানি মুই তারা রিবেঙত্ রাগেম আর তারা মন ভিদিরে সিয়েনি লিগি রাগেম।”

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।

১ পিতর 4:4

মাত্তর্ ইক্কিনে সেই মানুচ্চুনে দেগিনে আমক্ অন্ যে, তুমি তারার্ সেই জঘন্য কজবরলত্ আর ন-মিযোর্, আর সেনত্যে তারা তমা বিরুদ্ধে নিন্দের্ কধা কন্।