যিশাইয় 51:20 - Chakma Bible

²⁰ তঅ পুয়োগুনে অজ্ঞান ওই যেইয়োন্; তারা জালত্ পোজ্যে উরিঙো ধোক্ক্যেন পত্তি পধ মাদাথ্ পড়ি থান্। তারা উগুরে লগেপ্রভুর রাগ্‌কান, তর্ গোজেনর সাজাগান ভর্‌‍পুনোং গুরি লামি এচ্চ্যে।‍

যিশাইয় 51:20 ပူးပေါင်းရင်းမြစ်များ

যিশাইয় 29:9

তুমি আমক্ ওইয়ো; চোগ্ খাদিনে কান্ মান্‌জ্য ধোক্ক্যেন অ; মাত্তল্ অ, মাত্তর্ আংগুর-রস হেইনে নয়; দুলি পড়, মাত্তর্ মদ হেইনে নয়;

যিশাইয় 40:30

বয়স কম্ বলাগুনেয়ো বল্ পোজ্যে অন্ আর মন্ মরা অন্ আর গাবুজ্যেগুনে উজোত্ হেইনে পড়ন্,

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 51:21

সেনত্তে ও দুখিনি, তুই এ কধাগান শুন্। তরে মাত্তল্ গরা ওইয়্যে, মাত্তর্ আংগুর-রসে নয়।

যিশাইয় 66:15

চঅ, লগেপ্রভু আগুনো ভিদিরেদি এবঅ আর তা রথ্‌‌তানি টুত্যেবোইয়্যের ধোক্ক্যেন এবঅ। তা রাগ্‌কান তে দর্‌‌‌‌‌গরেপারা ফগদাং গুরিবো, আর তা গেইল্ দেনাগান আগুনো জিল্‌‌‌‌‌লোই ফগদাং অবঅ।‌

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

যিরমিয় 14:16

যিদুক্কুন মান্‌‍জ্য ইধু তারা ভাববাদী ইজেবে কধা কদন্ তারার মরা কিয়্যেনি ভাদরাত্ আর যুদ্ধোত্তে যিরূশালেমর পধে পধে ছিদি ফেলেই দিয়্যে অবঅ। তারার বা তারার মোগ্‌‍‍‍‍‍কুনোরে আর ঝি-পুয়োগুনোরে গোরত্ দিবাত্তে কনজন ন-থেবাক্। তারার পাওনা দুর্দশা মুই তারা উগুরে ঢালি দিম।‍

যিরমিয় 14:18

মুই নিগিলিনে মাদত্ গেলে মরা মানুচ্চুনোরে দেগং; আর শঅরত্ গেলে দেগং ভাদরাদর্ কারনে ভস্ত। ভাববাদী আর ধর্মগুরুগুনে এমন দেজত্ ঘুরি বেড়াদন যিগুনো পৌইদ্যেনে তারা কিচ্চু হবর্ ন-পান।’ ”

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 2:19

উদ্, রেদোর্ বেন্যে পোত্যে কানি উদ্; লগেপ্রভুর মুজুঙোত্ পানি ধোক্ক্যেন গুরি ঢালি দে তঅ মনান্। তর্ ঝি-পুয়োগুনে যিগুনে পেট্‌পরায় পধে পধে অজ্ঞান ওইয়োন্, তারার্ জিংকানিগানি বাঁজেবাত্তে তা নাঙে তঅ আঢ্‌‌তান তুল।”

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

আবিলেচ্ 4:2

সিয়োনর পুয়োগুন্ একদিন সোনা ধোক্ক্যেন মূল্যবান এলাক্; তারারে ইক্কিনে মনে গরা অয় কুমোরর্ বানেয়্যে মাদি পিলে ধোক্ক্যেন্।

আবিলেচ্ 5:13

গাবুজ্যেগুনোর্ মিশিন্ ঘুরেইনে কাম্ গরা পড়ের্; চিগোন্ পুয়োগুনে তক্তার্ ভরে উজোত্ খাদন্।

যিহিষ্কেল 12:13

মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 17:20

মুই তাত্তে মঅ জালান্ পাদিম্ আর তে মঅ ফালত্ ধরা পড়িবো। তে মঅ উগুরে অবিশ্বেজি ওইয়্যে বিলিনে মুই তারে বাবিলোত্ নেযেম আর সিদু তারে সাজা দিম।

যিহিষ্কেল 39:19

যে ডালিপূজোর্ বেবস্থা মুই তমাত্তে গুরিম সেক্কে তুমি পেট ন-ভরানা সং তেল্ হেবা আর মাত্তল্ ন-অনা সং লো হেবা।

দ্বি’লম্বর বিররণ 14:5

উরিং, কৃষ্ণসার, চিতি-উরিং, ঝার্‌বো ছাগল, পিজেন্দি-ধুব্‌ বাবোত্যে উরিং, ধুব্‌ উরিং আর মুড়োত্‌ থেইয়্যে ভেড়া।

দ্বি’লম্বর বিররণ 28:20

ভান্ন্যেই কামানি গুরিনে লগেপ্রভুরে ফেলে যেবার অপরাধে তমার বেক্‌ কামানিত্‌ তে তমারে অভিশাব্ দিবো, যাগুলুগোত্‌ ফেলেব আর ঘিনেব, যিয়েনর কারনে তুমি ক্ষয় যাদে যাদে কম্‌ সময়ো ভিদিরে শেজ্‌ ওই যেবা।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।