যিশাইয় 51:19 - Chakma Bible

¹⁹ ভস্ত, দজা, ভানা আর যুদ্ধো-এ দ্বিবাবোত্যে দজা তমা উগুরে লুম্মেগি। কন্না তরে বুঝেই পারে? মুই কেধোক্ক্যেন গুরি তরে বুঝেম?

যিশাইয় 51:19 ပူးပေါင်းရင်းမြစ်များ

ইয়োব 2:11

তৈমনীয় ইলীফস, শূহীয় বিল্‌দদ আর নামাথীয় সোফর নাঙে ইয়োবর তিন্নো সমাজ্যে যেক্কেনে ইয়োবর বেক্‌ দযার্‌ কধানি শুনিলাক্‌ সেক্কে তারা ঘরত্তুন্‌ যাহ্ ধুরিলাক্‌। তারা এগত্তর্‌ ওইনে সল্লা গুরিলাক্‌, তারা যেইনে তা সমারে আবিলেচ্‌ হেবাক্‌ আর তারে বুঝেবাক্‌।

ইয়োব 42:11

তার ভেই আর বোনুনে আর যিগুনে তারে আগে চিনিদাক্ তারা বেক্কুনে এইনে তা ঘরত্ তা সমারে হানা-বিনে গুরিলাক্। লগেপ্রভু তা উগুরে যে দুঃকানি আন্যে সিয়েনিত্তে তারা তারে বুঝেলাক্। তারা পত্তিজনে তারে এককট্টা রুবো আর সোনার এক্কান কান দুল্ দিলাক্।

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

যিশাইয় 14:30

বেগত্তুন্ নাঢা মানুচ্চুনে হানা পেবাক্ আর অভাবীগুনে গমেডালে ঘুম্ যেবাক্। মাত্তর্ তঅ শিঙোরানরে মুই ভানা দিইনে ভস্ত গুরিম, সেক্কে তর্ বাঁজি থেইয়্যে মানুচ্চুনে মুরি যেবাক্।

যিশাইয় 22:4

সেনত্তে মুই কলুং, “মঅ কায়-কুরেত্তুন যগোই; মরে যদবদে কানিবাত্তে দুয়ো। মঅ মানুচ্চুন ভস্ত ওইয়োন বিলিনে মরে বুঝেবার চেষ্ট্যা ন-গোজ্জ্য।”

যিশাইয় 47:9

মাত্তর্ পুয়ো-ছা আরানা বা রাণিমিলে অনা এ দিয়্যেনই একই দিনে যে কনঅ সময় তর্ ঘুদিবো। তর্ বোউত্ যাদুবিদ্যে আর বোউত মন্ত্রতন্ত্র থেলেয়ো সিয়েনি তঅ উগুরে যদবদেগুরি ঘুদিবো।

যিশাইয় 54:11

লগেপ্রভু কত্তে, ও ঝড়ে আঘাত্ পেইয়্যে, সান্তনা ন-পেইয়্যে অত্যেচার ওইয়্যে শঅরান্, মুই তরে জোল্‌‍‌‌জোল্যে পাত্তর্‌লোই বানেবাত্তে যাঙর্ আর তর্ গড়াগান নীলকান্ত মণিলোই গাড়েম্।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

যিশাইয় 9:20

এ ডাগেদি যিয়েনি আঘে সিয়েনি তারা গিলিবাক্, মাত্তর্ তো পেট্‌পরা থেবঅ; উ ডাগেদি যিয়েনি আঘে সিয়েনি হেই পারিবাক্, মাত্তর্ ঈল্ ন-অবঅ। যেরেদি পত্তিজনে নিজো মানুচ্চুনোর্ য়েরা হেবাক্-

যিরমিয় 15:5

“ও যিরূশালেম, কন্না তঅ উগুরে দোয়্যে গুরিবো? কন্না তঅ উগুরে আবিলেচ্ গুরিবো? তুই কেজান আগচ্ সিয়েন পুযোর্ গুরিবাত্তে কন্না এবঅ?

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আবিলেচ্ 3:47

আমি দর্, ফাল্, দজা আর ভস্ত অনার্ মুয়োত্ পোজ্যেই।”

যিহিষ্কেল 14:15

ধর, মুই সেই দেজত্ ঝার্‌বো য়েমান পাধেই দিলুং আর তারা দেজচানরে মানুচ্ নেইয়্যে গুরিলাক্। সেক্কে সিয়েন এমন দর্‍গরেপারা অলদে যে, য়েমান দরে সিয়েন ভিদিরেদি কনজনে যানা-এযানা গুরি ন-পারিলাক্।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

আমোষ 7:2

সিগুনে যেক্কে দেজর্ য়্যেল্ গাজ-বাজ্ হেইনে শেজ্ গুরি দিলাক্ সেক্কে মুই কোজোলী গুরিনে কলুং, “ও প্রভু লগেপ্রভু, খেমা গর্। যাকোবে কেধোক্ক্যেন গুরি বাঁজি থেবঅ? তে দঅ অমকদ চিগোন্।”

নহূম 3:7

মান্‌জ্যে তরে দেগিনে মুয়োন্ ফিরেবাক্ আর কবাক্, ‘নীনবীগান ভস্ত ওই যেইয়্যে, কন্না তাত্তে আবিলেচ্ গুরিবো?’ মুই তত্তে কুদু বুঝেইয়্যে মানুচ্ তোগেইনে পেইম্?”

২ করিন্হীয় 7:13

ইয়েনর্ মাধ্যমে আমি সান্তনা পেইয়্যেই। সেই সান্তনার্ লগে তীতর হুজি দেগিনে আমিয়ো হুজি ওইয়্যেই, কিয়া তমার্ বেক্কুনোত্তুন্ তে মনেদি খুব শান্তি পেইয়্যে।