যিশাইয় 51:10 - Chakma Bible

¹⁰ তুই কি সাগরর গভীন্ পানিগান শুগেই ন-ফেলাচ্? তুই কি সাগর ভিদিরে পথ ন-বানাচ্ যেনে তর্ উদ্ধোর গোজ্যে মানুচ্চুনে পার্ ওই যেই পারন্?

যিশাইয় 51:10 ပူးပေါင်းရင်းမြစ်များ

গীতসংহিতা 106:10

তে ঈচ্ গুরিয়েগুনোর আঢত্তুন্ তারারে রোক্ক্যে গুরিলো; শত্রুগুনো আঢত্তুন্ তারারে উদ্ধোর্ গুরিলো।

গীতসংহিতা 106:9

তার উগুমে লোহিত সাগরান্ শুগেই গেলঅ; তে ধূল্যেচর-চাগালান্দি যাইদ্যে ধোক্ক্যেন গুরি গভিন্ সাগর ভিদিরেন্দি তারারে নেযেল।

গীতসংহিতা 74:13

নিজো খেমতালোই তুই সাগরানরে ভাগ গোজ্যস্; তুই সাগর ভিদিরে পানি-দেবেদাগুনোর মাদাগুন ভাঙি দুয়োচ্।

গীতসংহিতা 77:19

সাগর ভিদিরেন্দি তুই পথ গুরি দিলে, গভিন পানি ভিদিরেন্দি তুই পথ গুরি দিলে, মাত্তর্ তর্ টেঙর মাজারা দেগা ন-যায়।

যাত্রা 14:29

মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো পথ ধুরিনেই যেয়োন্দোই। তারার্‌ ডেনে-বাঙেদি পানিগান্‌ দেবাল ধোক্ক্যেন ওই ঠিয়্যেই রলঅ‌।

যাত্রা 15:13

তর্‌ অমহদ কোচ্‌পানায়্‌ তুই‌ যিগুনোরে ছাড়েই আনিলে তারারে তুয়ই চালেই নেযেবে। তর্‌ নিজোর্‌ বল্লোই‌ তর্‌ পবিত্র ঘরত্‌ তুই তারারে চালেই আনিবে।

যিশাইয় 11:15

লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 35:9

সিয়েনত্ কনঅ সিংহ ন-থেবাক্, কনঅ চিৎনপুজ্যে য়েমানে সেই পধেদি ন-যেবাক্। সিয়েনত্ তারারে দেগা ন-যেবঅ, মাত্তর্ বানা মুক্তি পেইয়্যে মানুচ্চুনে সেই পধেদি আঢিবাক্,

যিশাইয় 42:15

মুই মুড়ো-মুড়িগুন গাজ্-বাজ্ নেইয়্যে গুরিম আর সেই জাগানর বেক্ গাজ্-বাজ‌্‌চুন শুগেই ফেলেম; মুই গাঙানিরে দ্বীপ বানেম্ আর পুয়োরুনোরে শুগেই ফেলেম্।

যিশাইয় 43:16

লগেপ্রভু সাগর ভিদিরেদি পথ বানেয়্যে, সেই গভীন্ সাগর ভিদিরেদি পথ গোজ্যে।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

মীখা 7:15

মিসর দেজত্তুন্ নিগিলি এবার্ দিনুনো ধোক্ক্যেন গুরি তুই আমারে আমক্ আমক্ অইদ্যে কাম্ দেগা।

সখরিয় 10:11

মুই দুঘো-সাগরর ভিদিরেদি যেম্ আর সাগরর তুবোলানরে দোঙেম্ আর সেক্কে য়্যেল্ গাঙর্ বেক গভীন্ জাগায়ানি শুগেই যেবঅ। আসিরিয়ার অহংকার ভাঙি দিয়্যে অবঅ আর মিসরর রাজলুদিক্কো দূর্ ওই যেবঅ।