যিশাইয় 51:1 - Chakma Bible

¹ লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

যিশাইয় 51:1 ပူးပေါင်းရင်းမြစ်များ

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

২ বংশধর 15:4

মাত্তর্‌ তারার্‌ দুঘোর্ দিনোত্‌ তারা ইস্রায়েলর গোজেন লগেপ্রভুর ইন্দি ফিরিনে তা আওজ্‌চান্ জানিবাত্তে চেইয়োন্‌ আর সিয়েন্‌ জানিয়ো পাজ্যন্‌।

গীতসংহিতা 24:6

এবাবোত্যে মানুচ্চুনে লগেপ্রভুর্ উবোসনা গরন, তারা তা মুয়োন্দি রিনি চান্; ইগুনে যাকোবর বংশ।

গীতসংহিতা 94:15

বিচেরর্ রায়য়ানি আরঅ ন্যায়বলা ওই উদিবো; যিগুনোর মনান্ দোল তারা বেক্কুনে সিয়েন মানি চলিবাক্।

গম্ উপদেজ্ 15:9

লগেপ্রভু পাজিগুনোর পথ্‌তানি ঘিনেই, মাত্তর্ যিগুনে গম্ কাম গুরিবাত্তে উজেই যান্ তারারে তে কোচ্‌পায়।

গম্ উপদেজ্ 21:21

যে মানুচ্চো আওজ্ গুরিনে সততা আর বিশ্বেজ্ পধেদি চলে তে জিংকানি, আশীদ্‌বাদ্ আর সর্মান পায়।

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিশাইয় 48:1

ও যাকোবর্ বংশ, তুমি শুনো। তমারে দঅ ইস্রায়েল নাঙে ডাগা অয়, তুমি যিহূদার বংশত্তুন্ এচ্চ্য, তুমি লগেপ্রভুর নাঙে শমক্ খঅ আর ইস্রায়েলর গোজেন ইদু তবনা গুরি থাগঅ, মাত্তর্ সত্য বা গমেডালে সিয়েনি ন-গরঅ।

যিশাইয় 48:12

ও যাকোব, ও মর্ বেঈ লোইয়্যে ইস্রায়েল, তুমি মঅ কধাগান শুনো। মুয়ই সিবে; মুয়ই পত্তম্ আর মুয়ই থুম্।

যিশাইয় 51:4

ও মর্ মানুচ্চুন্, মঅ কধাগান শুনো, মঅ কধানি কান্ পাদঅ। মঅ ভিদিরেত্তুন্ উগুম এবঅ; মুই মর্ ন্যায়বিচেরান থিদেবর্ গুরিম যেনে অন্য জাদ্‌তুনে পহর্ পান।‌

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

যিশাইয় 65:10

মর্ যে মানুচ্চুনে মর্ আওজ্ মজিম চলদন্ তারাত্তে শারোণান অবঅ ভেড়া পাল চোড়েবার জাগা আর আখোর কলগ্‌কান অবঅ য়েমান পালর্ জিরেবার-জাগা। ‍‍‍

আমোষ 5:6

তুমি লগেপ্রভু ইধু যঅ সেক্কে বাঁজিবা; সিয়েন ন-অলে তে আগুনো ধোক্ক্যেন গুরি যোষেফর, অত্তাৎ ইস্রায়েল মানুচ্চুনো ভিদিরে জুলি উদিবো। সে আগুনানে গিলি ফেলেব আর বৈথেলর কনজনে সিয়েন মারেই ন-পারিবো।

সফনিয় 2:3

ও দেজর্ বেক্ নম্র মানুচ্চুন, তুমি যিগুনে লগেপ্রভুর উগুম মজিম্ কাম গরঅ, তুমি তার্ আওজ্ মজিম্ গমেডালে আর নম্রগুরি চলঅ; সেক্কে লগেপ্রভুর রাগর্ দিন্নোত্ অয়ত তুমি আশ্রয় পেবা।

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

রোমীয় 14:19

ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

ফিলিপীয় 3:13

ভেইলগ্, মুই যে সিয়েন ধুরি পাজ্জ্যং সিয়েন মনে ন-গরং। মাত্তর্ এক্কান কাম মুই গরঙর্-পিজেদি বেক্কানি ভুলি যেইনে মুজুঙেদি উজেইনে বেক বলান্দোই মুই শেষ্ দুযিগানদি উজেই যাঙর্। ইয়েন্দোই যেন খ্রীষ্ট যীশুর মাধ্যমে গোজেনর্ স্বর্গমোক্ক্যে ডাগনিগান ইধু যে বক্‌‌শিজ্‌চান আঘে সিয়েন মুই পাং।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 2:22

গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।