যিশাইয় 50:8 - Chakma Bible

⁸ যিবে মরে নিদ্দুযি বিলি প্রমাণ গোজ্যে তে কায়কুরে আঘে; সালে কন্না মঅ বিরুদ্ধে আবিত্তি গুরিবো? এজঅ, আমি মুয়োমি ওই। কন্না মরে দুযি গোজ্যে? তে মঅ মুজুঙোত্ এজোক্।

যিশাইয় 50:8 ပူးပေါင်းရင်းမြစ်များ

ইয়োব 13:19

কনজনে কি মঅ বিরুদ্ধে আবিত্তি জানেই পারন্‌? পারিলে মুই অলর্ গুরি মুরি যেম্‌।

গীতসংহিতা 119:151

মাত্তর্ ও লগেপ্রভু, তুই দঅ কায়কুরে আগচ্, আর তর্ বেক উগুমানি সত্য।

যাত্রা 22:9

অন্যজনর্ গজগত্‌ আঘে এধোক্ক্যেন কনঅ‌ গোরু বা গাধা বা ভেড়াছাগল বা পিনিবার কাবড়্‌ বা অন্য যে কনঅ আরেয়্যে জিনিস্‌ দেগিনে যুনি কনজনে কন্‌ সিয়েন্‌ তার্‌, সালে সিয়েন্‌ সামেলেবাত্তে দ্বি তপ্পেত্তুন্‌ গোজেন ইদু যেইনে আঝিল্ উয়ো পুরিবো। গোজেনে যারে দুষী ইজেবে ঠিগ্ গুরিবো তে অন্যজনরে সিগুনোর্‌ দ্বিগুন্‌ ফিরেই দিবো।

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 41:1

লগেপ্রভু কোইয়্যেদে, ও দুর্ দেজ মানুচ্চুন্, তুমি মঅ মুজুঙোত্ অলর্ গুরি থাগঅ। ও জাদ্‌‌‌‌‌তুন, তুমি নুয়ো গুরি বল্ পেবা; তুমি উজে এইনে কধা কঅ। আঢঅ, আমি বিচেরত্তে এক সমারে এগত্তর্ ওই।

যিশাইয় 41:21

লগেপ্রভু, অত্তাৎ যাকোবর্ রাজা কোইয়্যেদে, দেবেদাগুন্, তুমি এবেরা তমা তপ্পেন্দি কধা কঅ। তমার বেক্ যুক্তিগানি দেগঅ।

যিশাইয় 43:26

তঅ বেপারান্ মরে ইদোত্ তুলি দে; এজঅ, আমি সিয়েন্দোই তর্কাতর্কি গুরিই। তুই নিজো তপ্পেদি কধা কঅ যেন তরে নিদ্দুযি বিলিনে পরমান্ গরা যায়।

যিশাইয় 45:25

মঅ ভিদিরে ইস্রায়েলর বেক বংশগুন নিদ্দুযি বিলি প্রমান অবাক্ আর তারা মরে বাঈনী গুরিবাক্।”

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

মথি লেখ্যে গম্ হবর্ 5:25

কনজনে তঅ বিরুদ্ধে মগদ্দমা গুরিলে আদালদত্ যেবার্ আগেদি তা সমারে যাদিমাদি মিট্‌মাট্ গুরি ফেলা। সিয়েন ন-গুরিলে তে তরে বিচেরগ আঢত্ দিবো, আর বিচেরগে তরে পুলিশো আঢত্ দিবো, আর পুলিশে তরে জেলোত্ দিবো।

দ্বি’লম্বর বিররণ 19:17

মাত্তর্‌ সে পৌইদ্যেনে জোড়িত সে দ্বিজনরে সিদুগোর্ ধর্মগুরু আর বিচেরক্কুনো ইদু যেইনে লগেপ্রভুর মুজুঙোত্‌ থিয়্যে পুরিবো।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।