যিশাইয় 5:8 - Chakma Bible

⁸ অভিশাব্ পোরোক্ তমার্, যিগুনে ঘর লগে ঘর আর খেদ লগে খেত্ এগত্তর্ গরর্; যেরেদি অন্যগুনোত্তে কনঅ জাগা ন-থেবঅ, আর তুমি গায় গায় দেজত্ বজত্তি গুরিবা।

যিশাইয় 5:8 ပူးပေါင်းရင်းမြစ်များ

ইয়োব 15:28

তে ভস্ত ওই যেইয়্যে শঅরত্‌ বজত্তি গরে; যে ঘরত্‌ কনজনে ন-থান, যে ঘরান্‌ ভস্ত ওইয়্যে কুর্‌ অবাত্তে যুক্কোল্‌ ওই আঘে, সিয়েনত্‌ তে বজত্তি গরে।

ইয়োব 20:21

গজক্‌ গরেদে ধোক্ক্যেন্ তার্‌ আর কিচ্ছু বাগি ন-থেবঅ; তার সুভাগ্যগান্‌ থিদেবর্‌ ন-অবঅ।

গম্ উপদেজ্ 15:27

লুভি মান্‌জ্যে তা পরিবারত্ দুঘ্ তাঙায়, মাত্তর্ যে মান্‌জ্যে ঘুষ্ ঘিনায় তে দোল্ জিংকানি পেবঅ।

যিহিষ্কেল 11:15

ও মান্‌জ্যর পুয়োবো, তঅ ভেইয়ুনোর, তঅ নিজো মানুচ্চুনোর, অত্তাৎ বন্দীদজাত্ থেইয়্যে বেক্ ইস্রায়েলীয়গুনোর্ পৌইদ্যেনে যিরূশালেমর মানুচ্চুনে কদন্, তারা লগেপ্রভুর দেজত্তুন্ দূরোত্ যেয়োন; এ দেজ্‌‌চান দঅ অধিকার ইজেবে আমারে দিয়্যে ওইয়্যে।

যিহিষ্কেল 33:24

ও মান্‌‌‌‌‌‌‌‌‌জ্যর পুয়োবো, ইস্রায়েল দেজর্ ভস্ত ওইয়্যে জাগানত্ যিগুনে বজত্তি গত্তন্ তারা কদন্, অব্রাহামে বানা এক্কো মানুচ্ ওইনেয়ো দেজর্ অধিকার পেইয়্যে। মাত্তর্ আমি দঅ ভালোকজন; সেনত্তে দেজ্‌‌‌‌‌‌‌‌‌‌চান ঘেচ্চেকগুরি আমা অধিকারত্তে দিয়্যে ওইয়্যে।

আমোষ 1:13

লগেপ্রভু কত্তে, “অম্মোনর তিনেন্ পাপ, এমন কি, চেরান পাপর্ কারনে মুই হামাক্কায় তারে সাজা দিম, কিত্যে তা দুজিগান বাড়েবাত্তে তে গিলিয়দর্ পিদিলী মিলেগুনোর্ পেট্‌‌‌তুন ফাদি দিয়্যে।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

মীখা 2:2

তারা খেত্-খামারত্ আর ঘর উগুরে লুভ গুরিনে সিয়েনি কাড়ি নেযান্। তারা মান্‌‌‌‌জ্যরে ঠোগেইনে তারা ঘরানি আর তারা জাগা-ভূইয়ানি নেযান্।

হবক্‌‌‌‌কূক 2:6

তারা বেক্কুনে তারে ঠাট্টা-মশ্‌কারী গুরিবাক্‌‌‌‌ আর কবাক্, অভিশাব্ পোড়োক্ তার্, যে অন্যগুনো পযাপিরানি নিজোত্তে থুবোয় আর জামিনো পযাপিরালোই তাগোয়্যে অয়। আর কয়দিন এবাবোত্যে চলিবো?

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।