যিশাইয় 49:24 - Chakma Bible

²⁴ যুদ্ধোর কায়-কুরেত্তুন কি লুদেয়্যে পযাপিরা নেযা যায়? বা জিত্যে মানজ্যর্ আঢত্তুন্ কি বন্দীবোরে উদ্ধোর্ গরা যায়?

যিশাইয় 49:24 ပူးပေါင်းရင်းမြစ်များ

ইষ্রা 9:13

“আমা ভান্ন্যেই কাম আর আমা দাঙর্ পাপত্যে আমা উগুরে ইয়েনি ঘদের্, মাত্তর্ তো ও আমার্ গোজেন, আমা পাপর পাওনা মজিম তুই আমারে কম্ সাজা দুয়োচ্ আর আমার কিজু মান্‌‌জ্যরে বাঁজি থাগদে দুয়োচ্।

ইষ্রা 9:9

আমি চাগর্ অলেয়ো আমা চাগর্ খাদানার্ সময়োত্ আমা গোজেনে আমারে ছাড়ি ন যায়। পারস্যের রাজাগুনো মুজুঙোত্ তে আমা উগুরে বিশ্বেজি বেবহারান্ গোজ্যে। তে আমারে জাগেই তুল্যে যেনে আরঅ আমি আমার্ গোজেন ঘরান বানেই পারি আর সিয়েনর্ ভাঙা জাগায়ান ঠিগ্ গুরিই পারি। তে যিহূদা আর যিরূশালেমত্ আমারে গমেডালে থেবার বেবস্থা গোজ্যে।

নহিমিয় 9:33

তুই আমা উগুরে যিয়েনি ঘুদিবাত্তে দুয়োচ্‌ সিয়েনিলোই তুই অন্যেই ন-গরচ্‌; তুই বিশ্বেজ্‌ গুরিনে কাম্‌ গোজ্যস্‌ আর আমি অন্যেই গোজ্যেই।

নহিমিয় 9:37

আমা পাপত্তেই যে রাজাগুনোরে তুই আমা উগুরে রাজাগিরি গুরিবাত্তে দুয়োচ্‌ দেজর্‌ ভালোক্কানি ফসল তারা ইদু যায়। তারা তারার্‌ আওজ্‌ মজিম্‌ আমা কিয়্যে উগুরে আর আমা এ্যমানুনোর্‌ উগুরে সেলা সোদেয়োন্‌। আমি অমকদ দুঘোত্‌ আগিই।”

যিশাইয় 42:22

মাত্তর্ এ মানুচ্চুনোর্ বেক্কানি নেযা ওইয়্যে আর লুদো ওইয়্যে, তারারে বেক্কুনোরে গাদত্ ফেলা ওইয়্যে আর জেলখানাত্ লুগেই রাগা ওইয়্যে। তারা কাড়ি লোইয়্যে জিনিজো ধোক্ক্যেন ওইয়্যে, তারারে উদ্ধোর্ গুরিয়্যে কনজন নেই। তারা লুদেয়্যে মাল্ ওইয়োন্; কনজনে ন-কন্, “তারারে ফিরেই দুয়ো।”

যিশাইয় 5:29

পাড়ি সিংহ ধোক্ক্যেন্ তারার্ গুজুরোনিগান্; তারা দামাড়া সিংহ ধোক্ক্যেন্ গুজুরিবাক্ আর শিগের্ গুরিবার অক্তত্ গো গো রঅ গুরিবাক্। সে শিগেরুন্ তারা বুয়োই নেযেবাক্; তারা আঢত্তুন্ কনজনে সিগুন রোক্ক্যে গুরি ন-পারিবাক্।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

যিহিষ্কেল 37:3

তে মরে পুযোর্ গুরিলো, “ও মান্‌জ্যর পুয়োগুন, এ আড়ুন্ কি জেদা ওই উদি পারন্?‌‌‌” মুই কলুং, “ও প্রভু লগেপ্রভু, তুয়ই বানা সিয়েন হবর্ পাজ্।”

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

মথি লেখ্যে গম্ হবর্ 12:29

বোলী মান্‌জ্যর ঘর কেঅ ভাঙি ন-পারে আর পত্তমে বোলী মানুচ্চোরে বানি ন-রাগেলে কনজনে কি তা ঘরত্ সোমেইনে পযাপিরা লুদেই পারে? বানিলে পরেদি তে সিয়েনি গুরি পারিবো।

মার্ক 3:27

“বোলী মান্‌জ্যর ঘর কেঅ ভাঙি ন-পারে আর পত্তমে বোলী মানুচ্চোরে বানি ন-রাগেলে কনজনে কি তা ঘরত্ সোমেইনে পযাপিরা লুদেই পারে? বানিলে পরেদি তে সিয়েনি গুরি পারিবো।