যিশাইয় 49:17 - Chakma Bible

¹⁷ তঅ পুয়োগুনে ফিরি এবাত্তে তাড়াহুড়ো গত্তন্, আর যিগুনে তরে ভস্ত গুরিনে ফেলেই রাগেয়োন তারা তঅ মুজুঙেত্তুন্ যেবাক্কোই।

যিশাইয় 49:17 ပူးပေါင်းရင်းမြစ်များ

ইষ্রা 1:5

ইয়েন্দোই যিহূদা আর বিন্যামীনর বংশ-নেতাগুনোর, ধর্মগুরুগুনোর আর লেবীয়গুনো ভিদিরে যিগুনো মনত্ গোজেনে দেগা দিলো তারা পত্তিজনে যিরূশালেমত্ লগেপ্রভুর ঘর বানেবাত্যে যেবাত্যে যুুক্কোল্ অলাক্ ।

নহিমিয় 2:17

পরেন্দি মুই সে দাঙর্‌ পোজিশনর্‌ কাম্‌গুরিয়্যেগুনোরে কলুঙ্‌, “আমি যে কেধোক্কেন্‌ দুঘোত্ আগিই সিয়েন্‌ তুমি দেগর্‌। যিরূশালেমান ভস্ত ওই রোইয়্যে আর সিয়েনর্‌ গেট্‌তুন্‌ আগুন্দোই পুড়ো ওইয়্যে। এজঅ, আমি যিরূশালেমর দেবালান্‌ আরঅ গাদেইনে তুলিই। ইয়েন্দোই আর আমি ঘিনাইদে মানুচ্‌ ওই ন-থেবং।”

গীতসংহিতা 137:3

যিগুনে আমারে বানিনে নেযেয়োন সিদু তারা আমারে গীদ্ গেবাত্তে কদাক্; সে অত্যেচারিগুনে আমাত্তুন্ রঙ্গ-ফুত্তির্ গীদ্ শুনিবাত্তে চেদাক্; তারা কদাক্, “তুমি সিয়োনর এক্কো গীদ্ আমারে শুনো।”

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 37:18

ও লগেপ্রভু, এ কধাগান সত্য যে, আসিরিয়ার রাজাগুনে তারার্ নিজো দেজ্‌চান ভস্ত গোজ্যন আর সেই জাদ্‌‌‌তুনোরে ভস্ত গুরিনে তারার্ দেবেদাগুনোরে তারা আগুনোত্ ফেলেইনে বর্‌‌বাত গুরি দুয়োন্। সিগুন দঅ গোজেন নয়, মান্‌‌‌জ্যর আঢে বানেয়্যে বানা গাজ্ আর পাত্তর; সেনত্তে তারা তারারে ভস্ত গুরি পাজ্যন্।

যিশাইয় 49:19

“যদিয়ো তুই ভস্ত ওইয়োচ্ আর এনেবাদে পড়ি আগচ্ আর তঅ দেজ্‌‍‌চান পুজ্যে ভুইয়ো ধোক্ক্যেন আঘে তো সময় এজের্ যেক্কে তুই তঅ মানুচ্চুনোরে জাগা দি পারিবে, আর যিগুনে তরে গিলি ফেল্যন্ তারা দূর্ ওই যেবাক্।

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিশাইয় 60:4

তুই চোগ্‌কোলোই চেরোকিত্তে রিনি চাহ্,‌‌‌ তারা বেক্কুনে এগত্তর্ ওইনে তইদু এত্তন্; তঅ পুয়োগুনে দূরোত্তুন এত্তন্ আর তঅ ঝিগুনোরে করত্ গুরি আনা অর্।

যিশাইয় 62:5

এক্কো গাবুজ্যে পুয়ো যেবাবোত্যে গুরি এক্কো গাবুজ্যে মিলেরে লয় সেবাবোত্যেগুরি তঅ মানুচ্চুনে তরে লবাক্; জামেইবো যেবাবোত্যেগুরি বৌবোরে নিইনে ফুত্তি গরে সেবাবোত্যেগুরি তঅ গোজেনেয়ো তরে নিইনে ফুত্তি গুরিবো।

যিহিষ্কেল 28:24

প্রভু লগেপ্রভু আরঅ কোইয়্যেদে, ইস্রায়েল জাদত্তে ব্যথা দিয়্যে কনঅ কাদাগাজ্ বা সূচো কাদা ধোক্ক্যেন ঠাট্টা-মশ্‌‌‌‌‌‌‌‌‌‌‌কারী গুরিয়্যে পাড়াল্যে জাদ্ আর ন-থেবাক্। সেক্কে তারা হবর্ পেবাক্, মুয়ই প্রভু লগেপ্রভু।

যিহিষ্কেল 36:10

মুই তমা উগুরে গোদা ইস্রায়েল জাদর্ মানুচ্চুন বাড়েই দিম। শঅরানিত্ মানুচ্ বজত্তি গুরিবাক্ আর ভস্ত ওইয়্যে জাগায়ানি আরঅ তুলো অবঅ।