যিশাইয় 47:7 - Chakma Bible

⁷ তুই কোইয়োচ্চে, মুই জিংকানিবর্ রাণী থেম্। মাত্তর্ তুই এ পৌইদ্যেনে চিদেয়ো ন-গরচ্, বা ইয়েনর শেজ্ ফলান কি সিয়েন্অ ভাবি ন-চাজ্।

যিশাইয় 47:7 ပူးပေါင်းရင်းမြစ်များ

যাত্রা 7:23

মাত্তর্ তে পিজেন্দি ফিরিনে নিজো ঘরত্‌ যেইনে সোমেল। তে সিন্দি খিয়েল্অ ন-গুরিলো।

যিশাইয় 42:25

সেনত্তে তে তার জোল্‌‌‌‌জোল্যে রাগ্‌কান আর যুদ্ধোর দর্‌‌‌‌গরেপারাগান্ ইস্রায়েল উগুরে ঢালি দিয়্যে। সেক্কে সেই আগুনানে সিয়েনর্ চেরোকিত্তে জ্বুলি উদিলো, তো তে বুঝি ন-পারিলো; আগুনান্ তা কিয়্যেত্ বাঁজিলো, মাত্তর্ সিয়েনত্ তে মনান্ ন-দিলো।

যিশাইয় 47:5

লগেপ্রভু কত্তে, ও বাবিল, তুই জুরো গুরি বস্; তুই আন্ধার ভিদিরে যাহ্। তরে আর রেজ্যগানির রাণী বিলিনে ডাগা ন-অবঅ।

যিশাইয় 57:1

গম্ মানুচ্চুনে যে ভস্ত ওই যাদন্ সিন্দি কনজনে মনান্ ন-দুয়োন। গোজেন ভক্ত মানুচ্চুনোরে নেযা অর্, মাত্তর্ কনজনে বুঝি ন-পারদন্, ভান্ন্যেয় আঢত্তুন্ রোক্ষ্যে গুরিবাত্তে তারারে নেযা অর্।

যিশাইয় 57:11

“কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

যিহিষ্কেল 7:2

“ও মান্‌‌জ্যর্ পুয়োবো, ইস্রায়েল দেজ ইধু মুই প্রভু লগেপ্রভু এ কধাগান কঙর্, ‘চাহ্, শেজ্ সময়! দেজ চেরোকিত্তে শেজ্ সময়ান এচ্চ্যে!

দানিয়েল 4:4

মুই নবূখদ্‌‌‌‌‌নিৎসর আরাম আর বেক্কানিন্দি ফোলেইনে মর্ রাজঘরানত্ এলুং।

দ্বি’লম্বর বিররণ 32:29

বুদ্ধি থেলে এই কধাগান তারা বুঝিদাক, বুঝিদাক তারার শেজ্‌ দজাগান কি অবঅ।

ফগদাং পেইয়্যে 18:7

তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’