যিশাইয় 47:6 - Chakma Bible

⁶ মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিশাইয় 47:6 ပူးပေါင်းရင်းမြစ်များ

২ শমূয়েল 24:14

সেক্কে দায়ূদে গাদরে কলঅ, “মুই অমকদ দজাত্ পোজ্যং। মুই যেনে মান্‌জ্যর্ আঢত্‌ ন-পড়ং; তাত্তুন্‌ বরং এজঅ, আমি লগেপ্রভুর আঢত্‌ পুড়িই, কিত্যে তার দোয়্যে থুম্ ন-ওইয়্যে।”

২ বংশধর 10:11

তঅ বাবে তারা উগুরে যে গুয়োর্‌ জুঙোলান্‌ চাপি দিয়্যে সিয়েন্‌ তুই আরঅ গুয়োর্‌ গুরিবে। তঅ বাবে তারারে মাজ্যেদে চাবুক্কোই তুই তারারে মারিবেদে কাঙারা-বিজেলোই।”

২ বংশধর 28:9

ওদেদ নাঙে লগেপ্রভুর এক্কো ভাববাদী শমরিয়াত্‌ এলঅ। সৈন্যদলুনে যেক্কে শমরিয়াত্‌ ফিরি এত্তন্‌ সেক্কে তে তারা লগে দেগা গুরিনে কলঅ, “তমা পূরোণি মানুচ্চুনোর গোজেন লগেপ্রভু যিহূদা উগুরে অমকদ বেজার্‌ ওইয়্যে বিলিনে তে তারারে তমা আঢত্ তুলি দিয়্যে। মাত্তর্‌ রাগর্‌ সুরে তুমি তারারে যেধোক্ক্যেন গুরিনে মারে ফেল্য সে কধাগান স্বর্গয়ান সং লুম্মেগি।

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

২ বংশধর 36:20

যিগুনে মরণর্‌ আদত্তুন্‌ রোক্ষ্যে পেইয়োন্‌ তারারে তে বাবিলোত্‌ নেযেল, আর পারস্য-রেজ্যগান্‌ খেমতাত্‌ ন-এযানা সং তারা নবূখদ্‌নিৎসর আর তার্‌ গুট্টিগুনোর্‌ চাগর্‌ ওই থেলাক্‌।

ইষ্রা 5:12

মাত্তর্ আমা পূরোণি মানুচ্চুনে স্বর্গর গোজেনরে অহুজি গোজ্যন্ বিলিনে তে বাবিলোর্ রাজা কল্‌দীয় নবূখদ্‌নিৎসরর্ এই উবোসনা-ঘরান ভস্ত গোজ্যে আর মানুচ্চুনোরে বন্দী গুরিনে বাবিলোত্ নেযেয়্যে।

গীতসংহিতা 69:26

তুই যিবেরে সাজা দুয়োচ্ তারা তারে অত্যেচার গোজ্যন্; যিগুনোরে তুই আঘাত গোজ্যচ্ তারা যন্ত্রণাগান অলঅ তারার তেম্মাঙর্ বেপার।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 13:16

তারা চোগো মুজুঙোত্ চিগোন পুয়োগুনোরে আজেরেনে মারা অবঅ; তারার্ ঘরানি লুদো অবঅ আর মিলেগুনোরে জাবা অবঅ।

যিশাইয় 14:17

ইবে কি সিবে, যে সংসারানরে ধূল্যেচর ধোক্ক্যেন গুরিদো, শঅরানিরে উল্ল্যেই ফেলেদ, আর বন্দীগুনোরে ঘরত্ ফিরি যেবাত্তে ন-দিদো?

যিশাইয় 14:6

অত্যেচারীবো অমকদ রাগ্ গুরিনে জাদ্‌তুনোরে নিত্য আঘাত্ গুরিদো, রাগে তে বার্‌বার তারারে অত্যেচার্ গুরিনে দোঙেদ।‌

যিশাইয় 43:28

সেনত্তে মুই তমা উবোসনা-ঘরর্ ধর্মগুরুগুনোরে অগমান গুরিম আর যাকোবরে ভস্তর্ অভিশাবর্ তলে গুরিম আর ইস্রায়েলরে ঠাট্টা-তামাজার্ মানুচ্ বানেম্।”

যিরমিয় 50:42

তারা ধনু আর তলোয়ারবলা; তারা চিৎনপুজ্যে আর দোয়্যেনেইয়্যে। তারা ঘোড়াত্ গুরি এবার্ অক্তত্ সাগর গুজুরোনি রঅ অর্; ও বাবিল-ঝি, তরে আক্রমণ গুরিবাত্তে তারা যুদ্ধোর্ সাজে এত্তন্।

আবিলেচ্ 1:14

মর্ বেক পাপ্‌‌‌পানি তে জুঙোল ধোক্ক্যেন বান্যে: তে আঢ্‌তোই সিয়েনি একসমারে বুন্যে। সিয়েনি মঅ গত্তনাবো উগুরে দিয়্যে ওইয়্যে; লগেপ্রভু মঅ খেমতাগানরে বল্‌পোজ্যে গোজ্যে। যিগুনোরে মুই মানা গুরি ন-পারং তারা আঢত্ তে মরে তুলি দিয়্যে।

আবিলেচ্ 1:21

মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

আবিলেচ্ 2:2

যাকোবর্ বেক থেবার জাগায়ানি লগেপ্রভু গজক্ গোজ্যে, কনঅ মেয়্যে ন-গরে। যিহূদা-ঝিবোর্ ঘরানি তার অমকদ রাগে তে ভাঙি ফেলেয়্যে, সিয়েনি তে মাদিত্ ফেলেইনে ভস্ত গোজ্যে। তার রেজ্যগান আর নেতাগুনোরে তে অসর্মানত্ ফেলেয়্যে।

আবিলেচ্ 4:16

লগেপ্রভু নিজে তারারে ছিদি দিয়্যে; তে তারা উগুরে আর মনযোগ্ ন-দে। মান্‌জ্যে ধর্মগুরুগুনোরে সর্মান ন-দেগান্, দোয়্যে ন-গরন্ বুড়ো নেতাগুনোরে।

আবিলেচ্ 5:12

দাঙর্ পোজিশনর্ কামগুরিয়্যেগুনোর আঢ্‌তানি বানিনে টাঙেই রাগা ওইয়্যে; বুড়ো নেতাগুনোরে সর্মান দেগা ন-অয়।

যিহিষ্কেল 28:16

তর্ বোউত্ বেবসার কারনে তুই অত্যেচারি ওইনে পাপ গুরিলে। সেনত্তে গোজেনর মুড়োবোত্তুন্ মুই তরে অসিজি অবস্থায় ধাবেই দিলুং। ও রোক্ষ্যেগুরিয়্যে করূব, মুই তরে আগুনো ধোক্ক্যেন চক্‌‌‌‌‌‌চক্ গোজ্যে পাত্তর ভিদিরেত্তুন্ সোরেই দিলুং।

ওবদিয় 1:10

তঅ ভেই যাকোব বিরুদ্ধে অত্যেচারত্তে তুই লাজে ঢাগি যেবে; তুই উমরত্তে ভস্ত অবে।

ওবদিয় 1:16

মঅ সুদ্ধো-সাংগ মুড়োবোত্ তুই যেবাবোত্যেগুরি মদ হেইয়োচ্ সেবাবোত্যেগুরি বেক জাদ্‌‌তুনে আমিঝে মঅ রাগর্ মদ হেবাক্; তারা দঅ হা ধুরিবাক্ আর পুরোপুরি শেজ্ ওই যেবঅ।

সখরিয় 1:12

সেক্কে লগেপ্রভুর দূত্‌‌তো কলঅ, “ও বেগত্তুন খেমতাবলা লগেপ্রভু, তুই যিরূশালেম আর যিহূদার অন্য শঅরানি উগুরে এই যে সত্তুর বজর্ সং বেজার্ ওই রোইয়োচ্ তারা উগুরে আর কয়দিন তুই মেয়্যে ন-গুরি থেবে?”

সখরিয় 1:15

মুই নিচিদে থেইয়্যে সেই বেক জাদ্‌‌‌‌‌তুনো উগুরে অমকদ বেজার্ ওইয়োং, কিত্যে মুই যেক্কে মঅ মানুচ্চুনো উগুরে বানা এক্কানাগুরি বেজার্ ওইয়োং সেক্কে সেই বেক জাদ্‌তুনে মঅ মানুচ্চুনোর দুদ্দশা সমারে আরঅ দুদ্দশা দুয়োন্।‌‌‌‌

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

দ্বি’লম্বর বিররণ 28:50

তারা অবাক্কে সে এক বাবোত্যে চেহারার মানুচ্‌। তারা বুড়োগুনোরে সর্মান ন-গুরিবাক আর ঝি-পূঅগুনোরে দোয়েমেয়্যে ন-গুরিবাক।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।