যিশাইয় 46:13 - Chakma Bible

¹³ মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 46:13 ပူးပေါင်းရင်းမြစ်များ

গীতসংহিতা 14:7

ইস্রায়েলীয়গুনোর্ উদ্ধোরান সিয়োন ভিদিরেত্তুন্ এজোক্; লগেপ্রভু যেক্কেনে তা মানুচ্চুনোর্ অবস্থাগান ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

গীতসংহিতা 85:10

অমকদ কোচ্‌পানা আর বিশ্বেজর এগত্তর্ ঘুদিবো; ন্যায় আর ভালেদিগানে এক্কান আরেক্কানরে চুমিবো।

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

যিশাইয় 43:7

মঅ নাঙে যিগুনোরে ডাগা অয়, মুই যিগুনোরে মর্ বাঈনী গুরিবাত্তে বানেয়োং, যিগুনোরে মুই দাঙর্ গোজ্যং আর বানেয়োং, তুমি তারারে পত্তিজনরে আন।’ ”

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 45:8

ও আগাজ্‌‌‌ছান, তুই ভালেদি গুরিবাত্তে ঝড় ফেলাচ্; মেঘ্‌কানে ভালেদি ঢালি দোক্। পিত্‌‌‌‌‌থিমীর বুগ্‌‌‌‌‌কান খুলি যেইনে উদ্ধোরান ভাজি উদোক্ আর সিয়েন সমারে বাড়ি উদোক্ গম্ জিনিস্‌‌‌‌‌চান। মুই লগেপ্রভু ইয়েনর্ বেবস্থা গোজ্যং।

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 56:1

লগেপ্রভু কত্তে, “তুমি ন্যায়বিচের্ রোক্ষ্যে গরঅ আর দোল্ কাম গরঅ, কিত্তে মর্ দিয়্যে উদ্ধোরান্ কায়-কুরে এচ্চ্যে আর কেধোক্ক্যেন গুরি তুমি মর্ মানি লোইয়্যে ওই পার সিয়েনর্ উপায়ান যাদিমাদি ফগদাং অবঅ।

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিশাইয় 61:11

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যোয়েল 2:32

রোক্ষ্যে পেবাত্তে যে কনজনে লগেপ্রভুরে ডাগিলে তে রোক্ষ্যে পেবঅ, কিত্যে লগেপ্রভুর কধা মজিম সিয়োন মুড়োবোত্ আর যিরূশালেমত্ কয়েক্কো মানুচ্ রোক্ষ্যে পেবাক্। গোজেনে যিগুনোরে বেঈ নেযেয়্যে তারা সেই রোক্ষ্যে পেইয়্যে মানুচ্চুনো ভিদিরে থেবাক্।

যোয়েল 3:17

লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।

মীখা 7:9

ইক্কিনে আমি লগেপ্রভুর রাগ্‌কান বুওর্, কিত্যেই আমি তা বিরুদ্ধে পাপ গোজ্যেই, মাত্তর্ যেরেদি তে আমা তপ্পে কধা কোইনে আমা অধিকারানি থিদেবর্ গুরিবো। তে আমারে পহ্‌রত্ নিগিলেই আনিবো আর আমি তার্ ন্যায়বিচের্ দেগিবোং।

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

হগয় 1:8

এবেরা তুমি মুড়োত্ উদিনে তক্তা আনিনে উবোসনা-ঘর বানঅ, যেনে মুই হুজি আর সর্মানিত অং।

যোহন 17:10

যিয়েনি মর্ সিয়েনি বেক্কানি তর্ আর যিয়েনি তর্ সিয়েনি বেক্কানি মর্। সিগুনোর্ মাধ্যমে মর্ মহিমাগান্ ফগদাং ওইয়্যে।

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

২ থিষলনীকীয় 1:12

সালে আমা গোজেন আর প্রভু যীশু খ্রীষ্টর্ দোয়্যের কারনে আমা প্রভু যীশুর বাঈনী তমার্ মাধ্যমে ফগদাং অবঅ, আর তুমিয়ো তার্ মাধ্যমে বাঈনী পেবা।

ইব্রীয় 10:37

কিয়া গোজেনর্ কধা মজিম, “যিবে এবার্ কধা আঘে তে খুব কয়েক দিনো ভিদিরে এবঅ, দেরি ন-গুরিবো।

১ পিতর 2:6

পবিত্র বোইবোত্ লেগা আঘে, চঅ, এক্কো ভারী মংগা পাত্তর্ মুই বেঈ লোইয়োং; আর সিবে সিয়োনর কণাবোর্ গড়াগান পাত্তর্ ইজেবে থিদেবর্ গোজ্জ্যং। যে তা উগুরে বিশ্বেজ্ গরে তে কনঅ বাবদে আশা ন-আরেব।