যিশাইয় 45:23 - Chakma Bible

²³ মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

যিশাইয় 45:23 ပူးပေါင်းရင်းမြစ်များ

পত্থম 31:53

সিয়েন্‌ গুরিলে অব্রাহামর গোজেন আর নাহোরর্‌ আর তারা বাবর্‌ দেবদাগুনে যেন আমারে বিচের গরন।” মাত্তর্‌ যাকোবে তা নাঙে শমত্‌ খেলঅ যিবে তার বাপ্‌‌‌‌পো ইস্‌হাকর ভোত্তির্ মানুচ্ এলঅ।

গীতসংহিতা 132:2

তে দঅ লগেপ্রভু ইদু শমক্ হেইয়্যে, যাকোববর্ সেই খেমতাবলা গোজেন ইদু এ এগেমান্ গোজ্যে,

গীতসংহিতা 63:11

মাত্তর্ রাজা গোজেনরে লোইনে ফুত্তি গুরিবো; যিগুনে গোজেনর নাঙে শমক্ খান তারা বেক্কুনে তাল্লোই বার্‌বো গুরিবাক্; মাত্তর্ মিজেকধা কোইয়্যেগুনোর মুয়োনি বানি দিয়্যে অবঅ।

গীতসংহিতা 98:2

লগেপ্রভু তার উদ্ধোরর্ কামানি দেগেই দিয়্যে; বেক জাদ্‌তুনোর ইদু তার ন্যায়র কামানি ফগদাং গোজ্যে।

যিশাইয় 21:17

কেদরর ধনুবলা যোদ্ধোগুনো ভিদিরে কয়েক্কো মান্‌জ্যে বাঁজি থেবাক্। ইস্রায়েলর গোজেন লগেপ্রভু এ কধাগান কোইয়্যে।”

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিশাইয় 48:1

ও যাকোবর্ বংশ, তুমি শুনো। তমারে দঅ ইস্রায়েল নাঙে ডাগা অয়, তুমি যিহূদার বংশত্তুন্ এচ্চ্য, তুমি লগেপ্রভুর নাঙে শমক্ খঅ আর ইস্রায়েলর গোজেন ইদু তবনা গুরি থাগঅ, মাত্তর্ সত্য বা গমেডালে সিয়েনি ন-গরঅ।

যিশাইয় 49:18

তুই চোগ্‌কুন উবো গুরিনে চেরোকিত্তে রিনি চাহ্; তর্ বেক্ পুয়োগুনে এগত্তর্ ওইনে তইদু এত্তন্। মর্ জিংকানিগান নাঙে কঙর্, তারা বেক্কুনে তর্ গয়না ধোক্ক্যেন অবাক্, নুয়ো বৌ গয়না ধোক্ক্যেন অবাক্।‍

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিশাইয় 61:11

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

যিরমিয় 22:5

মাত্তর্ যুনি তুমি এ উগুমানি ন-পালঅ সালে মুই লগেপ্রভু মর্ নিজো নাঙে শমক্ হেইনে কঙর্, এ রাজঘরান ভস্ত ওই যেবঅ।’ ”

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিরমিয় 49:13

মুই মর্ নিজো নাঙে শমক্ হাঙর্, বস্রা ভস্ত ওইনে ঈচ্ গরে পারা অবঅ। মানুচ্চুনে তা অবস্থা দেগিনে আমক্ অবাক্ আর তা নাঙান্দোই অভিশাব্ দিবাক্। তার বেক্ আদামানি আর শঅরানি উমরত্তে ভস্ত ওইনে থেবঅ।”

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

রোমীয় 11:4

মাত্তর্ গোজেনে এলিয়রে কি জোব্ দিয়্যে? তে কোইয়্যেদে, “মুই সাত আজার্ মান্‌জ্যরে মত্যে থোই দুয়োং যিগুনে বাল-দেবেদা ইধু মাঢা ন-নিগিরোন্।”

দ্বি’লম্বর বিররণ 6:13

তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্‌ নাঙেই শমক্‌ গুরিবা।

ফিলিপীয় 2:10

যেন স্বর্গত, পিত্‌থিমীত আর পিত্‌থিমীর মূঢ়োত্ যিগুনে আঘন্ সিগুনে বেক্কুনে যীশুর্ মুজুঙোত্ আঢু পাদিবাক্,