যিশাইয় 45:19 - Chakma Bible

¹⁹ কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিশাইয় 45:19 ပူးပေါင်းရင်းမြစ်များ

১ বংশধর 28:8

সেনত্তে বেক্‌ ইস্রায়েলীয়গুনোরে, অত্তাৎ লগেপ্রভু সমাজ মানুচ্চুনোরে আর আমা গোজেন মুজুঙোত্‌ মুই তমারে এ উগুমান্‌ দুয়োঙর্‌, তুমি তমার্‌ গোজেন্‌ লগেপ্রভুর বেক্‌ উগুমানি পালেবাত্তে মনান্‌ দুয়ো যেনে তুমি এ দোল্‌ দেজ্‌ছানত্‌ থেই পারঅ আর উমরত্তে সোম্বোত্তি ইজেবে তমা বংশধরুনো আদত্‌ সিয়েনি দি যেই পারে।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

২ বংশধর 7:14

সেক্কে মঅ মানুচ্চুনে, যিগুনোরে মর্‌ মানুচ্‌ বিলিনে ডাগন্‌ তারা যুনি নম্র ওইনে তবনা গরন্‌ আর মর্‌ মেইয়্যে চান্‌ আর ভান্ন্যেই পধত্তুন্‌ ফিরোন্‌, সালে স্বর্গত্তুন্‌ সিয়েনি শুনিনে মুই তারার্‌ পাপ্পানি খেমা গুরিম্‌ আর তারার্‌ দেজ অবস্থাগান্‌ ফিরেই দিম্‌।

ইষ্রা 8:22

পধত্ আমা শত্রুগুনো আঢত্তুন্ আমারে রোক্ষ্যে গুরিবাত্তে রাজা ইধু সৈন্য আর ঘোড়া বাহিনী চেবাত্তে মুই লাজেলুং, কিত্যে আমি রাজারে কোইয়্যেদে, “যিগুনে গোজেনর্ আওজ্ মজিম চলন্ তারার্ পত্তিজন উগুরে তার্ ভালেদির্ আঢ্ আঘে, মাত্তর্ যিগুনে তারে ছাড়িনে যান্ তার্ রাগ্‌কান্ আর সাজাগান্ তারার্ বেক্কুনো উগুরে লামি এজে।”

গীতসংহিতা 12:6

লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

গীতসংহিতা 24:6

এবাবোত্যে মানুচ্চুনে লগেপ্রভুর্ উবোসনা গরন, তারা তা মুয়োন্দি রিনি চান্; ইগুনে যাকোবর বংশ।

গীতসংহিতা 69:13

মাত্তর্ ও গোজেন, যে সময়োত্ তর দোয়্যে পাহ্ যায় মুই সেই অক্তত্ তইদু তবনা গরঙর্; ও গোজেন, তর্ অমকদ কোচ্‌পানালোই তর্ উদ্ধোর গুরিবার বিশ্বেজ্‌চান্ দেগেইনে মরে জোব্ দে।

গীতসংহিতা 69:32

সিয়েন দেগিনে নম্র মানুচ্চুনে হুজি অবাক্; তুমি যিগুনে গোজেনরে জানিবাত্তে আওজি, তুমি বাঁজি থাগ।

গীতসংহিতা 78:34

তে তারারে মারে ফেলানার পরেন্দি বাদ্‌বাগি মানুচ্চুনে তা কধা ইদোত্ তুলিলাক্; তারা আরঅ তান্দি ফিরিনে আওজ্ গুরিনে তারারে ডাগিলো।

গীতসংহিতা 9:10

যিগুনে তরে হবর্ পান তারা যেনে তঅ উগুরে বিশ্বেজ্ গরন্, কিয়া ও লগেপ্রভু, যিগুনে তরে গভিন্ গুরিনে জানিবাত্তে চান্ তারারে তুই কনদিন্‌‌অ ছাড়ি ন-যাজ্।

গম্ উপদেজ্ 1:21

কোল-কোজ্যেলোই ভরা পধ মুয়োত্ তে রঅ ছাড়ে, শঅর গেদোত্ সুমিবার পদথ্ তে এ কধাগান কয়,

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 30:5

গোজেনর বেক্ কধানি খাটি বিলিনে প্রমান্ ওইয়্যে; যিগুনে তাইদু আশ্রয় নেযান্ তে তারার ঢাল্ অয়।

গম্ উপদেজ্ 8:6

শুনো, মুই দোল্ কধা কোম, গম্ কধা কবাত্তে মঅ মুয়োন হুলিম।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 43:12

মুয়ই ফগদাং গোজ্যং, উদ্ধোর্ গোজ্যং আর জানেই দুয়োং; সেক্কে তমা ইধু কনঅ দেবেদা ন-এলঅ। এ পৌইদ্যেনে তুমি মর্ সাক্ষি। মুই লগেপ্রভু এ কধাগান কোইয়োং, মুয়ই গোজেন।

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 45:23

মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

যিশাইয় 45:25

মঅ ভিদিরে ইস্রায়েলর বেক বংশগুন নিদ্দুযি বিলি প্রমান অবাক্ আর তারা মরে বাঈনী গুরিবাক্।”

যিশাইয় 48:16

“তুমি মইদু এইনে এ কধানি শুনো। মুই পোইল্যেত্তুন্ ধুরি কনঅ কধা গুমরত্ রাগেবাত্তে ন-কং; সে কধানি পূরোণ অবার্ অক্তত্ মুই সিয়েনত্ থাং।” ইক্কিনে প্রভু লগেপ্রভু তা আত্মালোই মরে পাদেয়্যে।

যিশাইয় 63:1

যিবে ইদোমর বস্রাত্তুন্ রাঙা রঙোই রাঙেয়্যে পোজাক্কোই এজের্, তে কন্না? যিবে সয়সাগজ্যে পোজাগে দাঙর্ খেমতালোই উজেই এজের্, তে কন্না? “এইয়্যে মুই, মুই গমেডালে কধা কং, মুই দাঙর্ খেমতালোই উদ্ধোর্ গরং।”

যিশাইয় 65:9

মুই যাকোবত্তুন আর যিহূদাত্তুন এক্কো গুট্টি তুলিম; তারা মর্ মুড়ো-মুড়িগুনোর অধিকারি অবাক্। মর্ বেঈ লোইয়্যে মানুচ্চুনে সিয়েনি অধিকার গুরিবাক্ আর মঅ চাগরুনে সিদু বজত্তি গুরিবাক্।

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

যিরমিয় 2:31

এ যুগোর্ মানুচ্চুন, তুমি মঅ কধানি শুনো। ইস্রায়েলর ইধু কি মুই ধূল্যেচর-চাগালা ধোক্ক্যেন ওইয়োং? মুই কি ঘুর্‌‌‌ঘুজ্যে আন্ধারর্ দেজ ওইয়োং? মঅ মানুচ্চুনে কিত্তে কন্, আমি খুলোমেলা গুরি ঘুরিনে বেড়েই পারিই; আমি তইধু আর ন-এবং?

আমোষ 5:4

ইস্রায়েল মানুচ্চুনোরে লগেপ্রভু কোইয়্যেদে, “তুমি মইদু এজঅ, সেক্কে বাঁজিবা।

যোহন 18:20

যীশু জোবত্ কলঅ, “মুই মানুচ্চুনো ইধু খুলোমেলা গুরি কধা কোইয়োং। যিয়েনত্ যিহূদীগুনে বেক্কুনে একসমারে এগত্তর্ অন্ সেই বেক্ সমাজ-ঘরানিত্ আর উবোসনা-ঘরত্ মুই নিত্য শিক্ষ্যে দুয়োং। মুই দঅ গুমুরো কধা কিচ্চু ন-কং;

যোহন 7:26

মাত্তর্ তে দঅ খুলোমেলা গুরি কধা কর্ অদচ নেতাগুনে কেঅ তারে কিচ্চু ন-কদন্। সালে ঘেচ্চ্যেক্‌গুরি কি তারা কোই পাজ্জ্যন্ যে, এ মানুচ্চোই মশীহ?

যোহন 7:28

সিয়েন পরেদি যীশু উবোসনা-ঘরত্ শিক্ষ্যে দিবার্ সময় রঅ ছাড়িনে কলঅ, “তুমি মরেয়ো হবর্ পঅ, আর মুই কুত্তুন্ এচ্চ্যং সিয়েন্-অ কোই পারঅ। তো মুই নিজোত্তুন্ ন-এজং, মাত্তর্ সত্য গোজেনে মরে পাধেয়্যে।

দ্বি’লম্বর বিররণ 29:29

ভিদিরে ভিদিরে বেক্কানি আমার গোজেন লগেপ্রভুর বেপার, মাত্তর্‌ ফগদাং পেইয়্যে বেক্কানি উমরত্যে আমার আর আমা ঝি-পূঅগুনোর, যেনে এ রীদি-সুদোমর্ বেক্‌ কধানি আমি পালন গুরি পারিই।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

যাকোব 4:3

তুমি মাগিনেয়ো ন-পঅ, কিয়া তুমি ভান্ন্যেই উদ্দেশ্যে মাগি থাগঅ, যেন তমার কামনা-বাসনা ঈল্ অয়।