যিশাইয় 45:10 - Chakma Bible

¹⁰ অভিশাব্ পোড়োক সেই মানুচ্চোর্, যে তা বাবরে কয়, তুই কি জর্ম দুয়োচ্? বা তা মাবোরে কয় তুই কি পুদেয়োচ্?

যিশাইয় 45:10 ပူးပေါင်းရင်းမြစ်များ

যিশাইয় 45:11

“লগেপ্রভু, যিবে ইস্রায়েলর সেই সুদ্ধো-সাংগ মানুচ্, যিবে তারে বানেয়্যে, তে এ কধাগান কোইয়্যে, ‘তুমি কি আগাম্ ঘটনা পৌইদ্যেনে মরে পুযোর্ গরর্? মঅ পুয়ো-ছাগুনো পৌইদ্যেনে বা মঅ আঢ কামানি পৌইদ্যেনে কি মরে উগুম্ দুয়োর্?

যিশাইয় 45:9

অভিশাব্ পোড়োক্ সেই মানুচ্চোর, যে তার গোজেন লগে কোল্-কোজ্যে গরে। তে দঅ মাত্যে পিলেগুনো ভিদিরে এক্কো পিলে বাদে আর কিচ্চু নয়। মাদিগানে কি কুমোর্‌বো কবঅ, তুই কি বানেয়োচ্? তর্ বানেয়্যে জিনিস্‌চানে কি কবঅ, তঅ আঢ্‌‌‌‌‌‌তান কাবিল্ নয়? ‌‌‌‌

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

দ্বি’লম্বর বিররণ 27:16

সে মানুচ্চো অভিশাবখেইয়্যে, যে মাবোরে বা বাবরে অসর্মান গরে। সেক্কে বেক্কুনে কবাক, আমেন।

ইব্রীয় 12:9

ইয়েন বাদে আমি দেক্ক্যেই, আমা জগদ বাব্‌পুনে আমারে শাসন গুরিদাক্ আর আমি তারারে সর্মান গুরিদোং। সালে যিবে বেক্ আত্মাগুনোর্ বাপ্ তা অধিনোত্ থানা কি আমার্ আরঅ উজিত্ নয়, যেনে আমি জিংকানি পেই?