যিশাইয় 44:7 - Chakma Bible

⁷ সালে মঅ ধোক্ক্যেন আর কন্না আঘে? তে সিয়েন ফগদাং গোরোক্। তে ফগদাং গোরোক আর মরে হোক্, মুই আগ দিনো মানুচ্চুনোরে থিদেবর্ গরানার্ পরেদি কি ঘোট্যে আর কি এজঅ সং ন-ঘদে; অয়, যিয়েন ঘুদিবো তে সিয়েন আগে হোক্।

যিশাইয় 44:7 ပူးပေါင်းရင်းမြစ်များ

যিশাইয় 19:12

তর্ জ্ঞানী মানুচ্চুন্ ইক্কিনে কুদু? মিসর বিরুদ্ধে বেগত্তুন্ খেমতাবলা লগেপ্রভু যিয়েনি ঠিগ্ গোজ্যে সিয়েনি তারা নিজে জানদোক্ আর তরে কোদোক্।

যিশাইয় 41:22

তুমি সেই বেক্ যুক্তিগানিলোই এইনে যিয়েনি ঘুদিবো সিয়েনি আমারে কঅ। পুরোণি ঘটনাগানি পৌইদ্যেনে আমারে জানঅ, যেনে আমি সিয়েনি পৌইদ্যেনে ভাবি চেইনে তারার শেজর্ ফলান কি সিয়েনি জানি পারিই; বা কি কি ঘুদিবো সে পৌইদ্যেনে আমাইদু ফগদাং গরঅ।

যিশাইয় 41:23

আগামিদি কি অবঅ সিয়েনি আমারে কঅ, সালে আমি হবর্ পেবঙে, তুমি দেবেদা। গম্ ওক্ বা বজং ওক্ এক্কান কিজু গরঅ যিয়েনি দেগিনে আমি ওলোমোত্য অবং।

যিশাইয় 41:26

এ পৌইদ্যেনে কন্না আরাম্ভত্তুন্ ধুরি কোইয়্যে যেনে আমি হবর্ পেই? বা কন্না আগে জানেয়্যে যেনে আমি কোই পারিই, ‘তে ঠিগ্ কধা কোইয়্যে’? কনজনে ন-কন্, কনজনে ন-জানান্, কনজনে তমা কধা কদে ন-শুনোন্।

যিশাইয় 41:4

কন্না এ কামান্ গোজ্যে? কারে দিইনে এ কামান ওইয়্যে? বংশর্ পর বংশ ইদু কি ঘুদিবো সিয়েন কন্না পত্তম হইতে ঠিগ্ গুরি রাগেয়্যে? মুই লগেপ্রভু পৌইল্যেত্তুন্ ধুরি আগং আর শেজ্ সময়োর্ মানুচ্চুনোর সমারেয়ো থেম্।”

যিশাইয় 43:12

মুয়ই ফগদাং গোজ্যং, উদ্ধোর্ গোজ্যং আর জানেই দুয়োং; সেক্কে তমা ইধু কনঅ দেবেদা ন-এলঅ। এ পৌইদ্যেনে তুমি মর্ সাক্ষি। মুই লগেপ্রভু এ কধাগান কোইয়োং, মুয়ই গোজেন।

যিশাইয় 43:9

বেক্ জাদ্‌তুনে একসমারে এগত্তর্ ওদোক্ আর মানুচ্চুনে এক জাগাত্ মিলোদোক্। তারা ভিদিরে কন্না আমা ইদু আগাম্ কধা কোই পারে আর পুরোণি বেপারানি কোই পারে? তারার্ কধানি যে ঠিগ্ সিয়েনি প্রমাণ গুরিবাত্তে তারা তারার্ সাক্ষিগুন্ আনদোক্ যেন সেই সাক্ষিগুনে সিয়েনি শুনিনে কোই পারন্, “ঠিগ্ কধা।” ‌‌‌‍‍‌‌‍‍

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

দ্বি’লম্বর বিররণ 32:8

দাঙর্‌ গোজেনে যেক্কে নানান্‌ জাদরে সোম্বোত্তি ভাগ গুরি দিলো, আর মানুচ্চুনোরে নানান্‌ জাদত্‌ ভাগ গুরিলো, সেক্কে ইস্রায়েল জাদর মান্‌জ্যর্‌ সোংখ্যে মনত্‌ রাগেইনে তে অন্য জাদ্‌তুনোর্ দুযি ঠিগ্ গুরি দিলো।