যিশাইয় 44:20 - Chakma Bible

²⁰ তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিশাইয় 44:20 ပူးပေါင်းရင်းမြစ်များ

ইয়োব 15:2

কনঅ জ্ঞানী মান্‌জ্যে কি এধোক্ক্যেন্ গুরিনে অনত্তক্ কধা কবঅ বা পূগো গরম বোইয়্যেরলোই পেত্‌ ভোরেব?

ইয়োব 15:31

বাজে জিনিজো উগুরে বিশ্বেজ্‌ গুরিনে তে যেনে নিজোরে ন-ঠগায়, কিয়া তে সিয়েনর্‌ বদলে কিচ্ছু ন-পেবঅ।

গীতসংহিতা 102:9

তুই মরে লুঙি মারি ফেলেই দুয়োচ্; তর্ লবাদোস্যে আর রাগত্তে দুঘে যেন ছেই হেইনে মঅ দিনুন্ কাদের্; মঅ চোগো পানিগান হেবার পানি লগে মিজে যার্।

গীতসংহিতা 115:4

তারার মুত্তিগুন্ সোনা আর রূবোলোই মান্‌জ্যর্ আঢ্‌তোই বানেয়্যে।

গীতসংহিতা 144:11

মরে রোক্ক্যে গর্, অন্য জাদর আঢত্তুন্ মরে বাঁজা; তারার মুয়োনি ছলনা কধালোই ভরা; তারা ডেন আঢ্‌তান্ তুলিনে মিজে শমক্ গরন্।

গীতসংহিতা 144:8

তারার মুয়োনি ছলনা কধালোই ভরা; তারা ডেন আঢ্‌তান্ তুলিনে মিজে শমক্ গরন।

গম্ উপদেজ্ 15:14

যিবের মনত্ বিচেরবুদ্ধি আঘে তে জ্ঞান তগায়, মাত্তর্ জ্ঞাননেইয়্যেগুনোর হানাগান অলঅ ভুল্ কামানি।

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যিশাইয় 57:11

“কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

হোশেয় 12:1

ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

হবক্‌‌‌‌কূক 2:18

আড়ুগোর্ কনঅ দাম নেই, কিত্যেই মান্‌‌‌‌‌‌জ্যে দঅ তারে খুনিনেই বানেয়োন্। ছাজিনে ঢাল্যে মূত্তির্‌অ মূল্য নেই, কিত্যে সিয়েনত্তুন্ মান্‌‌‌‌‌‌জ্যে মিজে শিক্ষ্যে পান্। যে সিবে বানায় তে কিত্তে তা আঢে বানেয়্যে জিনিস্‌‌‌‌‌‌ছো উগুরে বিশ্বেজ্ গরে? সেই মূত্তি দঅ কধা কোই ন-পারে।

লূকে লেখ্যে গম্ হবর্ 15:16

শুগরে যে আদার্ খেদাক্ তে সিয়েন হেইনে পেট্ ভোরেবার্ চেদঅ, মাত্তর্ কেঅ তারে সিয়েন-অ ন-দিদাক্।

রোমীয় 1:25

গোজেনর্ সত্যগানরে ফেলেইনে তারা মিজেগানরে মানি লোইয়োন। গোজেনরে বাদ দিইনে তার্ বানেয়্যে জিনিজোর্ পূজো গোজ্যন, মাত্তর্ বেক্ বাঈনী পানা জিংকানিবর্ সেই গোজেনর্। আমেন।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

২ তীমথিয় 2:13

আমি অবিশ্বেজি অলেয়ো তে বিশ্বেজি থায়, কিয়া তে নিজোরে অস্বিগের্ গুরি ন-পারে।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 18:23

চেরাগ পহ্‌রান্ আর কনদিনঅ তমা ইধু ন-জ্বলিবো। নুয়ো বৌ-জামেয় মুয়োত্তুন্ আবাজ্অ আর তমা ভিদিরে কনদিনঅ শুনো ন-যেবঅ। তর্ বেবসায়ীগুনে পিত্‌থিমীত্ নাঙ্‌‌গিনেপারা এলাক্, আর বেক্‌ জাদ্‌‌তুনে তর্ যাদুর ছলনায় ভুলিদাক্।