যিশাইয় 43:3 - Chakma Bible

³ কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিশাইয় 43:3 ပူးပေါင်းရင်းမြစ်များ

পত্থম 10:7

কূশ পুয়োগুন অলাক্ সবা, হবীলা, সপ্তা, রয়মা আর সপ্তকা। রয়মার পুয়োগুন অলাক্ শিবা আর দদান।

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

যাত্রা 10:7

সেক্কে ফরৌণর্‌ কাম্‌গুরিয়্যেগুনে তারে কলাক্, “এ মানুচ্চো আর কয়দিন্‌ আমারে ফাল্ ফাদি থেবঅ? উই মানুচ্চুনে যেনে তারার্‌ গোজেন লগেপ্রভুর্‌ উবোসনা গুরি পারন সেনত্যে তারারে যেবাত্তে দে। তুই কি বুঝি ন-পারত্‌তে, মিসর্‌ দেজ্‌চান্‌ এক্কুবারে শেজ্ ওই গেলঅ?”

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

গম্ উপদেজ্ 11:8

গোজেন ভক্ত মানুচ্ দুঘোত্তুন্ উদ্ধোর পায়, মাত্তর্ সে দুঘ্‌কান পাজি মানুচ্চুনো উগুরে এইনে পড়ে।

গম্ উপদেজ্ 21:18

যেরেদি নিদ্দুযি মানুচ্চুনোর বদলে পাজিগুনে আর গম মানুচ্চুনোর বদলে অবিশ্বেজিগুনে দুঘ্ পেবাক্।

যিশাইয় 19:20

ইয়েনি অবঅ মিসর দেজত্ বেগত্তুন্ খেমতাবলা লগেপ্রভুর নাঙে এক্কান চিহ্নো আর সাক্ষি। তারার্ অত্যেচার গুরিয়্যেগুনোর্ কারনে তারা যেক্কে লগেপ্রভু ইদু কানিবাক্ সেক্কে তে তারা ইদু এক্কো উদ্ধোর্ গুরিয়্যে আর রোক্ষ্যেগুরিয়্যে পাধেই দিবো আর তে তারারে উদ্ধোর্ গুরিবো।

যিশাইয় 20:3

সে পরেদি লগেপ্রভু কলঅ, “মঅ চাগর্ যিশাইয় যেধোক্ক্যেন গুরি মিসর আর কূশর বিরুদ্ধে এক্কান চিহ্নো আর আগাম্ লক্ষন ইজেবে তিন বজর সং লাংটা ওইনে সুদো টেঙোই ঘুরি বেড়য়্যে,

যিশাইয় 30:11

পথ্‌তান ছাড়, পথ্‌‌‌তানত্তুন্ সুরি যঅ। আমি আর্ ইস্রায়েলর সেই পবিত্র মানুচ্চোর কধা শুনিবাত্তে ন-চেই।”

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 45:14

লগেপ্রভু ইস্রায়েল জাদরে কত্তে, “মিসরর পেইয়্যে সোম্বোত্তিগানি আর কূশর বেবসার পযাপিরানি তইদু এবঅ। লাম্বা লাম্বা সবায়ীয়গুনে নিজে তইদু এবাক্; তারা তর্ অবাক্ আর তঅ পিজে পিজে আঢিবাক্। তারা শিগোল্লোই বান্যে অবস্থায় তইদু এবাক্। তারা তঅ মুজুঙোত্ মাদিত্ মাঢা নিগিরিনে কোজোলি গুরিনে কবাক্, ‘গোজেনে ঘেচ্চেকগুরি তমা সমারে আঘে। বানা এক্কো তেয়ই গোজেন, আর কনঅ গোজেন নেই।’ ”

যিশাইয় 45:15

ও ইস্রায়েলর গোজেন আর উদ্ধোরগুরিয়্যেবো, সত্যিই তুই এমন গোজেন যিবে নিজোরে লুগেই থয়।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 60:16

মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।

যিশাইয় 63:8

তে কোইয়্যেদে, “ঘেচ্চেকগুরি তারা মঅ মানুচ্, তারা এবাবোত্যে পুয়ো যিগুনে অবিশ্বেজি ন-অবাক্,” আর সেনত্তে তে তারার উদ্ধোর্ গুরিয়্যে অলঅ।

যিরমিয় 14:8

ও ইস্রায়েলর আজা, দুঘো সময়োর উদ্ধোরগুরিয়্যে, কিত্তে তুই দেজ ভিদিরে অচেনা ধোক্ক্যেন, এক রেত্ থেইয়্যে বেড়ান্যে ধোক্ক্যেন ওইয়োচ্?‌‌‍

যিরমিয় 16:21

লগেপ্রভু কোইয়্যেদে, “সেনত্তে এবার্ মুই ইস্রায়েলীয়গুনোরে মর্ খেমতা আর বল্ দেগেইনে শিক্ষ্যে দিম্। সেক্কে তারা হবর্ পেবাক্, মঅ নাঙান লগেপ্রভু।”

যিহিষ্কেল 39:7

মর্ মানুচ্ ইস্রায়েলীয়গুনো ভিদিরে মুই মঅ পবিত্রতাগান ফগদাং গুরিম। মঅ নাঙান্ মুই আর্ অপবিত্র অবাত্তে ন-দিম; সেক্কে জাদ্‌‌‌‌তুনে হবর্ পেবাক, মুয়ই লগেপ্রভু, ইস্রায়েল ভিদিরে সেই সুদ্ধো-সাংগ মানুচ্চো।

হোশেয় 13:4

লগেপ্রভু কত্তে, মিসরত্তুন্ তরে নিগিলেই আনিবার সময়ত্তুন্ ধুরি মুয়ই তর্ গোজেন লগেপ্রভু। মুই বাদে তর্ আর কনঅ গোজেন নেই; মুই বাদে তর্ আর কনঅ উদ্ধোর্ গুরিয়্যে নেই।

লেবীয় 11:44

মুই লগেপ্রভু তমার্‌ গোজেন। সেনত্তে তুমি মর্‌ নাঙে নিজোরে ফারক্‌ গুরি রাগেবা আর পবিত্র অবা, কিত্তে মুই পবিত্র। মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণীলোই তুমি নিজোরে ফিবলা ন-অবা,

আমোষ 9:7

লগেপ্রভু কত্তে, “ও ইস্রায়েলর মানুচ্চুন, তুমি কি মইদু কূশীয়গুনো ধোক্ক্যেন নয়? মুই কি মিসরত্তুন্ ইস্রায়েলীয়গুনোরে, ক্রীটত্তুন্ পলেষ্টীয়গুনোরে আর কীরত্তুন্ অরামীয়গুনোরে ন-আনং?

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।