যিশাইয় 43:27 - Chakma Bible

²⁷ তর্ আগ বাব্‌পো পাপ গোজ্যে; তর্ তপ্পে যিগুনে কধা কোইয়োন তারা মঅ বিরুদ্ধে পাপ গোজ্যন্।‌‌‍‍

যিশাইয় 43:27 ပူးပေါင်းရင်းမြစ်များ

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

যিশাইয় 24:20

পিত্‌‌‌থিমীগান মাত্তল ধোক্ক্যেন আলেব, বোইয়্যেরত্ দুলেদে ভাঙা ঘর ধোক্ক্যেন দুলিবো। তা পাপ ভারান্ তা উগুরে এদক্ অবদে যে, তে পড়িবো; তে আর কনদিন্অ উদি ন-পারিবো।

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 3:12

যিগুনে মঅ মানুচ্চুনোরে অত্যেচার গরন্ তারা চিগোন গুরো ধোক্ক্যেন্, আর যিগুনে তারারে শাজন্‌ গরন্ তারা মিলে ধোক্ক্যেন্। ও মঅ মানুচ্চুন্, তমারে পথ দেগেবার মানুচ্চুনে তমারে ভান্ন্যেই পধেদি নেযায়; তারা গম্ পধত্তুন্ তমারে ভান্ন্যেই পধেদি নেযায়।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

যিরমিয় 3:25

এজঅ, আমি আমার লাজ্ গরেপারা কামানি ইধু পুরি থেই, আমা অগমানানিয়ে আমারে ঢাগি ফেলোক্। চিগোনত্তুন্ ধুরি এচ্চ্যে সং আমি আমার গোজেন লগেপ্রভুর বিরুদ্ধে পাপ গুরি এজির্, আর আমা পুরোণি মানুচ্চুনেয়ো সিয়েনি গোজ্যন। আমি আমার গোজেন লগেপ্রভুর বাধ্য ন-ওই।”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 8:8

“তুমি কেধোক্ক্যেনগুরি কঅ, ‘আমি জ্ঞানী আর লগেপ্রভুর সুদোমানি আমা ইধু আঘে।’ আজলে ধর্ম-মাস্তরুনে সুদোমানি ভুল্ গুরিনে মিজে কধা লেখ্যন্।

যিরমিয় 8:9

জ্ঞানী মানুচ্চুনে লাজান্ আর আমক্ অন আর ফালত্ পড়ন। তারা যেক্কে লগেপ্রভুর কধানি এলাফেলা গোজ্যন সেক্কে তারার কি বাবোত্যে জ্ঞান আঘে?

যিহিষ্কেল 16:3

তুই কঅ, প্রভু লগেপ্রভু যিরূশালেমানরে কোইয়্যেদে, তঅ ঘরান আর তঅ জর্মর জাগায়ান কনানীয়গুনোর দেজত্; তঅ বাপ্পো অলঅ ইমোরীয় আর মাবো হিত্তীয়।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মালাখি 3:7

তমা পুরোণি মানুচ্চুনোর সময়ত্তুন্ ধুরি তুমি মর্ বেক সুদোমানিত্তুন্ সুরি যেইয়ো আর সিয়েনি ন-পালঅ। মইদু ফিরি এজঅ, আর মুইয়ো তমা ইধু ফিরি এইম্। মাত্তর্ তুমি কত্তে, ‘আমি কেধোক্ক্যেন গুরি ফিরি এবং?’

গণাণা 32:14

“আর তুমি, পাপীগুন, তমার বাপ-দাদাগুনোর্‌ জাগাত্‌ এইনে থিয়েইয়ো আর ইস্রায়েলীয়গুনো উগুরে লগেপ্রভুর রাগর্‌ আগুনান আরঅ বাড়েই দুয়ো।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 27:1

বেন্যেমাদান্ আজল্ ধর্মগুরুগুনে আর বুড়ো নেতাগুনে বেক্কুনে যীশুরে মারে ফেলেবার্ কধাগান্ ঠিগ্ গুরিলাক্।

মথি লেখ্যে গম্ হবর্ 27:41

সেই সময়োত্ আজল্ ধর্মগুরুগুনে আর ধর্ম-মাষ্টরুনে আহ্ বুড়ো নেতাগুনেয়ো তারে ঠাট্টা-মশ্‌কারি গরা ধুরিলাক্,

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।