যিশাইয় 43:24 - Chakma Bible

²⁴ তুই কনঅ তুম্বাজ্ বচ্ মত্তে কিনি ন-আনচ্; তর্ য়েমান উৎসর্বর তেল্‌লোই তুই মরে হুজি ন-গরচ্। সিবের্ বদলে তুই তঅ পাপ ভারান্ মঅ উগুরে চাপি দুয়োচ্ আর তর্ বেক অন্যেয়ানিলোই মরে বল্‌পোজ্যে গোজ্যস্।‌‌‍‌‌‍

যিশাইয় 43:24 ပူးပေါင်းရင်းမြစ်များ

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যাত্রা 30:34

সে পরেদি লগেপ্রভু মোশিরে কলঅ‌, “তুই কয়েক্কো তুম্বাজ মজলা, অত্তাৎ গুগ্‌গুলু, নখী, কুন্দুরু আর খাটি লোবান নেযেবে। ইগুন সং সং গুরি মিজেইনে তুম্বাজ ধূপ বানেবে। যিগুনে তুম্বাজ জিনিস বানান্‌ তারারে দিইনে কামান্‌ গুরি নেযেবে। ইয়েনি ভিদিরে নুন্‌অ দিয়্যে পুরিবো; ইয়োত্‌ কনঅ‌ ভেজাল্‌ ন-থেবঅ‌ আর সিয়েনি অবঅ পবিত্র।

যাত্রা 30:7

“পত্তিদিন বেন্যেমাদান্ চেরাক্কুন্‌ ঠিগ্ গুরি রাগেবার্‌ অক্তত্‌ হারোণে সেই ডালিপূজোবো উগুরে তুম্বাস্‌ ধূপ জ্বালেব।

যিশাইয় 1:14

মুই তমার্ বেক আঙোস্যের্ পরপ্পুন্ আর ঠিগ্ গোজ্যে ভোজ-তেম্মাঙুন্ ঈচ্ গরং। ইগুন মইদু গুয়োর্ বুধি ধোক্ক্যেন ওইয়্যে; ইগুনোর ভরান্ বুয়োইনে মুই বল্‌‌পোজ্যে ওইয়োং।

যিশাইয় 1:24

সেনত্তে বেগত্তুন্ খেমতাবলা প্রভু লগেপ্রভু, ইস্রায়েলর্ সেই খেমতাবলা গোজেনে কোইয়্যেদে, “আহ্, মর্ বিপক্ষগুনো আঢত্তুন্ মুই রেহাই পেইম্ আর মঅ শত্রুগুনো উগুরে হেনা উগুরেম্।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিশাইয় 7:13

সেক্কে যিশাইয় কলঅ, “দায়ূদ বংশর মানুচ্চুন্, তুমি শুনো। মান্‌জ্যর ধৈয্য পোরোক্ক্যে গরানা কি যগাজ্যে নয়? তুমি কি মঅ গোজেনর্ ধৈয্য পোরোক্ক্যে গুরিবা?

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

যিহিষ্কেল 6:9

সেই বেক্ জাদ্‌তুনো ভিদিরেত্তুন্ তারা মঅ পৌইদ্যেনে এ কধাগান মনে গুরিবাক্ যে, তারার্ অবিশ্বেজি মনানি আর চোগ্‌কুন্দোই মরে কিবাবোত্যেগুরি দুঘ্ দুয়োন; সেই মনান্ মত্তুন্ সুরি যেইয়্যে আর সেই চোগ্‌কুনে তারার্ মূত্তিগুনোরে আওজ্ গুরি কামনা গত্তন্। তারার্ বেক ভান্ন্যেই আর জঘন্য কামানিত্তে তারা নিজেরে নিজে ঘিনেবাক্।

লেবীয় 3:16

ধর্মগুরুবো ইয়েনি নেযেইনে উৎসর্ব গোজ্যে হানা ইজেবে পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। উৎসর্ব গোজ্যে য়েমান্নোর্ তেলানি বেক্কানি লগেপ্রভুর্।

লেবীয় 4:31

উদোলোলি-উৎসর্বর্ য়েমান্নোর্ তেলানি নিগিলাইদে ধোক্ক্যেন গুরি তে এই উৎসর্বর্ য়েমান্নোর্ বেক্‌ তেলানি নিগিলেইনে সিয়েনি পূজোবো উগুরে পুড়ি ফেলেব। ইয়েনর্ তুম্বাজে লগেপ্রভু হুজি অয়্‌। এবাবোত্যেগুরি ধর্মগুরুবো সে মানুচ্চোর্ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

আমোষ 2:13

“শোজ্য বুয়োইয়্যে গাড়িত্ তলে কিজু পড়িলে যেবাবোত্যে গুড়ি ওই যায় সেবাবোত্যে গুরি ইক্কিনে মুই তমারে গুড়ি গুরিম।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”