যিশাইয় 43:2 - Chakma Bible

² তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 43:2 ပူးပေါင်းရင်းမြစ်များ

ইয়োব 5:19

ছগান্ দযাত্তুন্‌ তে তরে রোক্ষ্যে গুরিবো, সাত্‌তান দযার্‌ সময় তমার্‌ কনঅ খেতি ন-অবঅ‌।

গীতসংহিতা 23:4

ঘুর্‌‌গুজ্যে আন্ধারে ঢাক্যে কলগ্‌কানি পার্ ওয়া পুড়িলেয়ো মুই দজা এলে ন-দোরেম, কিত্যে তুয়ই মঅ সমারে আগচ্; তর্ মুগোর্ আর লুদিক্কুনে দযার্ দর্‌গরেদেগানি দূর্ গুরি দুয়োন।

গীতসংহিতা 32:6

সেনত্তেই যেদকদিন সুযোগ আঘে সেদকদিন তর্ ভক্তগুনে তইদু তবনা গোরোদোক্; ঘেচ্চেকগুরি, দজা যেক্কেনে বান পানি ধোক্ক্যেন্ দেগা দিবো সেক্কেনে সিয়েন্ তারা ইদু ন-এবঅ।

গীতসংহিতা 66:10

ও গোজেন, তুই আমারে জগা চেইয়োচ্; রূবোর খাটিগান আগুনোত্ পুড়ি নিগিলেইদে ধোক্ক্যেন গুরি তুই আমারে জোক্‌জোক্যে গোজ্যস্।

গীতসংহিতা 66:12

তুই আমা মাদা উগুরেন্দি যেন মানুচ্চুনোরে ঘোড়াত চড়িনে যাদে দুয়োচ্। আগুন আর পানি ভিদিরেন্দি আমাত্তুন্ এজা পোজ্যে, মাত্তর্ তুই আমারে যগাজ্যে আশিদ্‌বাদ ভিদিরে আন্যচ্।

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

যাত্রা 14:29

মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো পথ ধুরিনেই যেয়োন্দোই। তারার্‌ ডেনে-বাঙেদি পানিগান্‌ দেবাল ধোক্ক্যেন ওই ঠিয়্যেই রলঅ‌।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যিশাইয় 30:27

চঅ, লগেপ্রভুর্ জোল্‌‍‌জোল্যে রাগ্‌‍‌কান আর ঘুর্‌‍‌ঘুজ্যে ধূমোগান মেঘ সমারে দূরোত্তুন্ এজের্; তা মুয়োন জদবদে রাগে ভরা আর তার জিলান্ পুড়ি ফেলাইদ্যে আগুনো ধোক্ক্যেন্।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 43:5

তুই ন-দোরেচ্, কিত্তে মুই তঅ লগে লগে আগং। পূগেদিত্তুন্ মুই তঅ বংশবোরে আনিম আর পজিমেত্তুন্ তরে এগত্তর্ গুরিম।

যিরমিয় 42:11

যিবেরে তুমি দরর্ সে বাবিলর রাজারে তুমি ন-দোরেয়ো, কিত্তে মুই তমা লগে লগে আগং। মুই তমারে রোক্ষ্যে গুরিম আর তা আঢত্তুন্ তমারে উদ্ধোর্ গুরিম।

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

দানিয়েল 3:23

আর সে তিনজন বান্যে অবস্থায় দোগ্‌দোক্যে আগুনো চুলোত্ পড়িলাক্।

হগয় 1:13

সেক্কে লগেপ্রভু তার হবর্ কোইয়্যে হগয়রে দিইনে মানুচ্চুনোরে কলঅ, “মুই লগেপ্রভু তমা লগে লগে আগং।”

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

২ তীমথিয় 4:22

প্রভু তঅ সমারে সমারে থোক্। গোজেনর্ দোয়্যেগান তমা রিবেঙত্ থোক্।

ইব্রীয় 11:29

বিশ্বেজ্ গুরিনে ইস্রায়েলীয়গুনে শুগুনো মাদি উগুরেদি আঢি যাইদ্যে ধোক্ক্যেন গুরিনে লোহিত সাগরান্ পার্ ওইয়োন মাত্তর্ মিসরীয়গুনে সিয়েন গুরিবাত্যে যেইনে ডুবিনে মুরিলাক্।

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”