যিশাইয় 43:17 - Chakma Bible

¹⁷ তে রথ, ঘোড়া আর দরমর সৈন্যদল্লোরে নিগিলেই আন্যে। তারা এক সমারে সিয়েনত্ পোজ্যন্, আর্ উদি ন-পারন্। তারা চেরাগ বুদ্ধি ধোক্ক্যেন মুরি যেইয়োন্।

যিশাইয় 43:17 ပူးပေါင်းရင်းမြစ်များ

গীতসংহিতা 118:12

মো পুগো ধোক্ক্যেন তারা মরে ঘিরিনে ধোজ্যন্; কাদা-ঝুবো আগুনো ধোক্ক্যেন্ যাদিমাদি তারা মিলেই যেয়োন্। লগেপ্রভুর নাঙে মুই তারারে ঘেচ্চেক্‌গুরি শেজ্ গুরি দিম।

যাত্রা 15:19

ফরৌণর বেক্‌ ঘোড়াগুন, রথ্‌তানি আর ঘোড়া বাহিনীগুনে যেক্কে বড়গাঙ ভিদিরে চোমেলাক্‌ সেক্কে লগেপ্রভু বড়গাঙর্‌ পানিগান তারা উগুরেদি ফিরেই আনিলো। মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো জাগান উগুরেদি আঢি আঢি যেইয়োন্।

যাত্রা 15:4

ফরৌণর রথ আর সৈন্যদলুনোরে তেয়ই‌ বড়গাঙ পানিত্‌ ফেলেই দিলো; ফরৌণর বেঈ লোইয়্যে কাম্‌গুরিয়্যেগুনোর্‌ দল্লো লোহিত সাগরত্‌ ডুবিনেই মুরিলাক্।

যিশাইয় 1:31

বোলিমন্দ মানুচ্ শুগুনো দার্‌বো গাজ ধোক্ক্যেন্ অবঅ; আর তা কামান অবদে আগুনো জিলো ধোক্ক্যেন্। সিয়েনি এক সমারে পুড়ি যেবঅ; কনজনে সে আগুনানি মারেই ন-পারিবাক্।”

যিরমিয় 51:21

তরে দিইনে মুই ঘোড়া আর ঘোড়া মাউট্‌‌তোরে চুরমার গোজ্যং;

যিহিষ্কেল 38:4

মুই তরে পিজেদি ঘুরিনে তর্ মাড়িগানত্ হেবা লাগেম্ আর তর্ পুরো সৈন্যদলর লগে, অত্তাৎ বেক্ ঘোড়া, দোল্ কাবড় উজ্যে বেক্ ঘোড়া চালেয়্যেগুন আর চিগোন্-দাঙর্ ঢাল আর লাম্বাছুরি সুদ্ধো এক্কো দাঙর্ দল সমারে তরে নিগিলেই আনিম।

মথি লেখ্যে গম্ হবর্ 12:20

ন্যায়বিচেরানরে জিদেই ন-দেনা সং তে বুধি যেইয়্যে নল্লো ন-ভাঙিবো আর এক্কা এক্কা জুলি থেইয়্যে চেরাগ বুদ্দি ন-মারেবা।

বিচের গুরিয়্যেগুন 4:16

মাত্তর্‌‌ বারকে হরোশৎ-হগোয়িম সং তারার্‌ রথ্‌তানি আর সৈন্যদলর পিজেন্দি লোড়েই নেযেল। সীষরার বেক্‌ সৈন্যগুনোরে মারে ফেলেলাক্‌, একজনঅ বাগী ন-রলাক্‌।